गलातिऔ 2:11 - बुक्सा

¹¹ पर जब पतरस अन्‍ताकिया मै आओ, तौ मैंनै बाके सामनेई बाको बिरोद करो, कैसेकै बाकी गलती ही।

गलातिऔ 2:11 Referans Kwoze

1 तीमुथियुस 5:20

जो लोग पाप करते रैहबैं हैं। उनकै सबई के सामने चितौनी दो, जिस्सै कै दूसरे लोग बी पाप कन्‍नै सै डरै।

गलातिऔ 2:14

पर जब मैंनै जौ देखो कै अच्‍छी खबर की सच्‍चाई के हिसाब सै उनको चाल-चलन ना हो, तौ तबई मैंनै सबई के सामने पतरस सै कैई कै, “तुम यहूदी होते भए बी गैर यहूदी की तरै जीवौ हौ, तौ तुम गैर यहूदी लोगौ कै यहूदी रीती रिबाज माननै के ताँई काए मजबूर कर रए हौ?”

2 कुरन्‍थियों 5:16

पर अब सै हम किसी बी आदमी कै जा दुनिया की नजरौ के हिसाब सै ना देखंगे। पर एक बखत हो जब हम मसी कै जा दुनिया के लोगौ की नजरौ के हिसाब सै देखै हे पर अब ऐंसे ना देखै हैं।

चेलौ के काम 15:1

तबई कुछ लोग यहूदिया परदेस सै अन्‍ताकिया मै आकै बिसवासी लोगौ कै सिकाल लगे कै, “अगर तुमरो खतना मूसा के नियम के तरीका सै ना भओ है तौ तुमकै मुक्‍ति ना मिल सकै है।”

यहूदा 1:3

पियारे सातिऔं, मैं उस मुक्‍ति के बारे मै लिखनै की कोसिस कर रओ हो जिसमै हम सब सामिल हे, पर जौ मैंनै लिखनो और बिनती कन्‍नो जरूरी समजो कै तुम बा बिसवास के ताँई बड़े जोस सै कोसिस करते रौह जो हमेसा के ताँई परमेसर के पबित्‍तर लोगौ कै देओ गओ हो।

याकूब 3:2

इसताँई कै हम सै भौस्सी बातौं मै गलती हो जावै हैं। जो कोई बोलनै मै गलती ना करै है, तौ बौ सिद्‍द है; और बौ अपने सिगरे सरीर कै बस मै कर सकै है।

गलातिऔ 2:9

याकूब, पतरस और यहून्‍ना बिसवासी लोगौ के बीच मै जानेमाने नेता हे। जो किरपा मैंकै परमेसर सै मिली ही जब उन्‍नै बाकै जान लओ तबई मैंकै और बरनबास कै अपनो साती मानो। और बे जा बात मै राजी हो गए कै हम गैर यहूदी लोगौ के धौंरे जांऐ और बे यहूदी लोगौ के धौंरे जांगे।

गलातिऔ 2:7

पर उन लोगौ नै जौ मान लओ कै जिस तरीका सै परमेसर नै पतरस कै यहूदी लोगौ के बीच मै अच्‍छी खबर सुनानै को काम सौंपो हो, बैसेई परमेसर नै मैंकै गैर यहूदी लोगौ के बीच मै अच्‍छी खबर सुनानै को काम सौंपो है।

गलातिऔ 2:5

पर हमनै उनके सामने एक घड़ी भर के ताँई अपने घूंटे ना टेके। कैसेकै जो अच्‍छी खबर की सच्‍चाई है, बौ तुम्मै बनी रैह।

2 कुरन्‍थियों 12:11

मैंकै बेबकूफ के हाँई बोलनै के ताँई तुमनै मजबूर करो। तुमकै तौ मेरी बड़ाई कन्‍नी चँईऐ ही। बैसे तौ मैं कुछ बी ना हौं, पर जिनकै तुम बड़े-बड़े भेजे भए चेला समजौ हौ उनसै मैं किसी बी बात मै कम ना हौं।

मत्‍ती 16:23

फिर ईसु पतरस की ओर मुड़ो और बोलो, “ओ सैतान! मेरे रस्ता सै हट जा, तू मेरे रस्ता मै रुकाबट बन रओ है। कैसेकै तू परमेसर के हाँई ना पर आदमिऔ के हाँई सोचै है।”

2 कुरन्‍थियों 11:5

तुम जिनकै बड़ो भेजो भओ चेला समजौ हौ, उनसै मैं खुद कै कम ना समजौ हौं।

चेलौ के काम 11:19

सितेफनुस के मरनै के बाद जो मुसीबत सुरू भंई हीं और जिसकी बजै सै जो बिसवासी लोग इतै-उतै बिखरे पड़े हे, बे फिरते फिरते फिनीकिया, कुपरूस और अन्‍ताकिया सैहरौं मै जा पौंचे हे, पर जे यहूदी लोगौ कै छोड़कै किसी दूसरे कै बचन ना सुनावै हैं।

यहून्‍ना 1:42

फिर अन्‍दरयास समौन कै ईसु के धौंरे लाओ। ईसु नै बौ देखो और कैई, “तू यहून्‍ना को लौंड़ा समौन है। तू कैफा यानी पतरस कैलागो।”

चेलौ के काम 11:20

इन बिसवासी लोगौ मै सै कुछ कुपरूस और कुरैन के हे, जो अन्‍ताकिया मै जाकै यूनानी लोगौ कै बी परभु ईसु की अच्‍छी खबर सुनाल लगे।

चेलौ के काम 11:22

जा बात को पतो जब ऐरूसलेम के बिसवासिऔ की मंडली के लोगौ कै चलो तौ तबई उन्‍नै बरनबास कै अन्‍ताकिया मै भेजो।

चेलौ के काम 11:27

उनई दिनौ मै ऐरूसलेम सै अन्‍ताकिया मै कई नबी आए।

चेलौ के काम 15:5

तबई जो फरीसी समू के बिसवासी लोग हे उनमै सै कुछ लोगौ नै खड़े होकै कैई कै, “गैर यहूदी लोगौ कै बी खतना कन्‍नो चँईऐ और उनकै मूसा के नियम कै माननै को बी हुकम दैनो चँईऐ।”

गलातिऔ 1:18

फिर तीन साल के बाद मैं ऐरूसलेम मै पतरस सै मिलनै गओ और पन्‍दरै दिन तक मैं बाके धौंरे रैहओ।