गलातिऔ 1:8 - बुक्सा

⁸ पर जो अच्‍छी खबर हमनै पैले तुमकै सुनाई ही बाकै छोड़कै अगर हम या सुरगदूत बी कोई दूसरी अच्‍छी खबर सुनावै हैं तौ उनके ऊपर सराप पड़ै।

गलातिऔ 1:8 Referans Kwoze

गलातिऔ 1:9

जो बात मैंनै तुमकै पैलेई बोलर खाई हीं, बेई बात मैं फिर बोलौ हौं कै, जिस अच्‍छी खबर कै तुमनै मानो हो, बाकै छोड़कै अगर कोई तुमकै दूसरी अच्‍छी खबर सुनाऐ तौ बाके ऊपर सराप पड़ै।

1 कुरन्‍थियों 16:22

जो कोई परभु कै पियार ना करै है, बाकै सराप मिलैगो। हे परभु आ।

रोमियो 9:3

कास ऐंसो हो सकतो कै मैं अपने भईयौ, बहनौ और रिस्तेदारौ के ताँई मसी को सराप अपने ऊपर ले लेतो और मसी सै अगल हो जातो।

मत्‍ती 25:41

“फिर बौ राजा अपनी बाँई ओर बारौ सै कैगो, ‘अरे अभागौ! मेरे सामने सै उस हमेसा की आग मै चले जाऔ, जो सैतान और बाके दूतौ के ताँई तईयार करी गई है।

2 पतरस 2:14

उनकी आँख बैबिचार सै भरी भई हैं और उनके भीतर हमेसा पाप की इच्‍छा बनी रैहबै है; जिनके मन जल्दी बहक जावै हैं उनकै बे बहला और फुसला लेबै हैं, उनको मन लालच मै भौत तेज है, और बे सरापित औलाद हैं।

चेलौ के काम 23:14

बे मुक्‍ख पुजारिऔं और मुखियौं के धौंरे जाकै कैललगे कै, “हमनै कसम खाई है कै जब तक हम पौलुस कै मारंगे ना तब तक ना खांगे ना पींगे।

तीतुस 3:10

जो आदमी फूट डारै है बाकै एक दो दफै समजा-बुझाकै बासै अगल रैह,

गलातिऔ 3:13

मसी नै हमरे सराप कै अपने ऊपर लेकै नियम के सराप सै हमकै आजाद करो है। कैसेकै पबित्‍तर सास्तर मै जौ लिखो है कै, “जिसकै कुरूस मै लटका कै मारो बौ सरापित है।”

1 कुरन्‍थियों 12:3

इसताँई मैं तुमकै बताए देवौ हौं, कै कोई बी परमेसर की आत्‍मा की ओर सै ऐंसो कबी ना बोल सकै है कै, “ईसु सरापित है।” और ना कोई पबित्‍तर आत्‍मा के बिना ऐंसो कैह सकै है कै, “ईसु परभु है।”

मरकुस 14:71

तब पतरस अपने आप कै कोसल लगो और कसम खाल लगो, “जिसके बारे मै तुम बात कर रए हौ, उस आदमी कै तौ मैं जानौ तक ना हौं।”

गलातिऔ 3:10

बे लोग जो नियम के कामौ मै भरोसो रक्‍खै हैं, उनके ऊपर सराप है, कैसेकै पबित्‍तर सास्तर मै लिखो है कै, “बे सिगरे आदमी सरापित हैं, जो मूसा के नियम की लिखी भई सिगरी बातौं मै ना चलै हैं।”

रोमियो 16:17

ओ भईयौ और बहनौ, मैं तुम लोगौ सै बिनती करौ हौं कै जो सिक्‍छा तुमकै मिली है उस सिक्‍छा के बिरोद मै जो फूट डारै हैं, और ठोकर खबानै को काम करै है उन लोगौ सै दूर रौह।