गलातिऔ 1:7 - बुक्सा

⁷ पर सई मै कोई दूसरी अच्‍छी खबर हैई ना पर कुछ लोग ऐंसे हैं जो तुमरे दिल मै बैहैम डारै हैं और मसी की अच्‍छी खबर कै बिगाड़नै की सोचै हैं।

गलातिऔ 1:7 Referans Kwoze

चेलौ के काम 15:24

हमनै जौ सुनो है कै हम्मै सै कुछ लोगौ नै हम सै बगैर पूँछे तुमरे बीच मै जाकै अपनी बातौं सै तुमकै दुख पौंचाओ है और तुमरो दिल कै बेचैन करो है।

गलातिऔ 5:10

मैं तुमरे बारे मै परभु मै भरोसो रक्‍खौ हौं कै तुम किसी दूसरी बातौं मै ना पड़ौगे। पर जो लोग तुमकै परेसान करै हैं, बे कोई बी काए ना हौं उनकै सजा जरूर मिलैगी।

2 कुरन्‍थियों 11:13

इसताँई ऐंसे भेजे भए चेला ढौंगी हैं और धोको दैनै बारे हैं। जो मसी की अच्‍छी खबर कै सुनानै को ढौंग करै हैं।

गलातिऔ 5:12

अच्‍छो तौ जौ होतो कै जो लोग तुमकै गिरानो चाँहै हैं, बे खुद कै नामरद बना लेते।

2 कुरन्‍थियों 2:17

हम उन भौस्से लोगौ के हाँई ना हैं, जो परमेसर के बचनौ कै खुद के फाएदा के ताँई मिलाबट करै हैं। पर हम तौ परमेसर के बचनौ को परचार सच्‍चाई और ईसु मसी के हक सै और परमेसर की नजरौ के सामने करै हैं।

परकासन 20:3

तब उस सुरगदूत नै उसकै पाताल कुन्ड मै ढकेल कै ताड़ो लगाकै बन्‍द कर दओ और उसमै मौहर लगा दई, कै बौ हजार बरस के पूरे होनै तक जाति-जाति के लोगौ कै ना बैहकाऐ। पर हजार बरस पूरे होनै के बाद बौ थोड़े टैम के ताँई छोड़ो जाऐ।

2 यहून्‍ना 1:10

अगर कोई तुमरे धौंरे आय, और जौई सिक्‍छा ना देए, तौ बाकै ना तौ घर मै आन देईओ और ना बाकै नमस्ते करिओ।

1 यहून्‍ना 4:1

मेरे पियारे लोगौ, हर आत्‍मा को बिसवास मत करौ, बलकन हमेसा उनकै परख कै देखौ कै का बे परमेसर की ओर सै हैं? जौ बात मैं तुमसै इसताँई कैरओ हौं, कैसेकै भौस्से झूँटी भबिसबानी कन्‍नै बारे दुनिया मै फैले भए हैं।

परकासन 19:20

और बौ जनाबर और उसके संग बौ झूँटो नबी पकड़ो गओ, जिसनै जनाबर के सामने ऐंसे चमत्कार के चिन्‍न दिखाए हे, जिनके दुआरा उसनै उनकै बैहकाओ हो, जिनौनै उस जनाबर को निसान लगाओ हो, और जो उसकी मूरती की पूजा करै हे। बे दौनौ जिन्‍देई धदकती गन्धक की आग की झील मै डार दए।

परकासन 13:14

और उन चमत्कार के चिन्‍नौ के कारन, जिनकै उस जनाबर के सामने दिखानै को अधकार बाकै देओ गओ हो, बौ धरती मै रैहनै बारौं कै इस तरै बैहकाबै हो, कै धरती मै रैहनै बारौं जिस जनाबर के तरवार लगी ही, बौ जिन्‍दो हो गओ है, उसकी मूरती बनाऔ।

परकासन 12:9

और उस बड़े से अजगर कै जो पुरानो साँप है, जिसकै सबसै बड़ी दुसट आत्‍मा और सैतान कैबै हैं। जो सिगरी दुनिया कै भटकावै है उसकै और उसके दूतौ कै धरती मै फैंक दओ गओ।

परकासन 2:20

पर मैंकै तेरे खिलाप जौ कैनो है, कै तू उस बईयर इजबेल की बातौं कै सैह रओ है, जो अपने आपकै परमेसर की नबी कैबै है, और मेरे सेवकौ कै दूसरी बईयरौं सै गलत काम कन्‍नै, और मूरतिऔं के अग्गे चढ़ाई भई चीज खानै के ताँई सिक्छा देकै बैहकाबै है।

परकासन 2:6

पर हाँ, तैमै जौ बात तौ है कै तू नीकुलाईऔ के कामौ सै नफरत करै है, जिनसै मैं बी नफरत करौं हौं।

परकासन 2:2

“मैं तेरे काम, तेरी मैहनत और तेरे धीरज कै जानौ हौं और जौ बी जानौ हौं कै तू दुसट लोगौ की सैह ना सकतो, और जो अपने आपकै भेजे भए चेला कैबै हैं, पर हैं ना, तैनै बे परखे और झूँटे पाए हैं।

यहूदा 1:4

कैसेकै हमरे बीच मै कुछ बुरे लोग चोरी सै घुसे हैं, और बे परमेसर की किरपा को फाएदा गलत कामौ कै कन्‍नै के ताँई कर रए हैं, और जो हमरो एकई मालिक और परभु ईसु मसी है, बाकै ना मानै हैं। पबित्‍तर सास्तर मै पैलेई ऐंसे लोगौ के ताँई सजा के बारे मै लिखो भओ है।

2 यहून्‍ना 1:7

दुनिया मै भौस्से ऐंसे बैहकानै बारे आए हैं, जो जौ ना मानै हैं कै जा धरती मै आदमी बनकै ईसु मसी आओ, ऐंसे लोग बैहकानै बारे और मसी बिरोदी हैं।

1 यहून्‍ना 2:26

मैंनै जे बात तुमकै उन लोगौ के बारे मै लिखी हैं, जो तुमकै भटकानो चाँहै हैं।

2 तीमुथियुस 2:18

ऐंसे लोग सच्‍चाई सै भटक गए हैं और बे जौ कैबै हैं कै, “मरे भए पैलेई जिन्‍दे हो चुके हैं।” इस तरै सै जे लोगौ कै बिसवास सै भटकावै हैं।

गलातिऔ 6:17

मैं बिनती करौ हौं कै अब मैंकै और कोई दुख ना दे। कैसेकै ईसु मसी के घाब के निसान मेरे सरीर के ऊपर हैं।

गलातिऔ 4:17

गलत सिकानै बारे तुमकै अपनो दोस्त तौ बनानो चाँहै हैं, पर उनकी सोच सई ना है कैसेकै बे तुमकै मैंसै दूर कन्‍नै की सोचै हैं जिस्सै कै तुमकै उनके ऊपर लगाब हो।

गलातिऔ 2:4

पर जौ बात उन झूँटे भईयौ की बजै सै भई जो चोरी चोरी हमरे बीच मै घुस आए हे। बे हमरी आजादी खतम कन्‍नै की सोचै हे, जो हमकै मसी ईसु मै मिली। और बे हमकै यहूदी रीती रिबाजौ को गुलाम बनानो चाँहै हे।

2 कुरन्‍थियों 4:2

पर जो गलत काम हम चोरी चोरी करै हे उनकै हमनै छोड़ दओ है, और ना हम चालाँकी करै हैं और ना परमेसर के बचन मै मिलाबट करै हैं। पर हम सच्‍चाई कै परमेसर के सामने परकट करै हैं और सिगरे लोग अपने मनौ मै जौ जानै कै जौ बात सच्‍ची है।

चेलौ के काम 20:30

तुमरे बीच मै ऐंसे लोग खड़े हौंगे जो चेलौ कै अपने पिच्‍छे कन्‍नै के ताँई घुमा फिरा कै बात कैंगे।

चेलौ के काम 13:10

“ओ धोको, कपट कन्‍नै बारे सैतान की औलाद, तू सिगरे अच्‍छे काम को दुसमन है। का तू परभु के सच्‍चाई के कामौ कै बिगाड़नो ना छौड़ैगो?

मत्‍ती 24:24

कैसेकै झूँटे मसी और झूँटे नबी खड़े हौंगे और ऐंसे बड़े-बड़े चिन्‍न और चमत्कार दिखांगे कै अगर उनसै बन पड़ो तौ, बे चुने भए लोगौ कै बी बहका दंगे।

गलातिऔ 1:6

मैं जौ बात सुनकै चौंक गओ कै तुम परमेसर सै जिसनै मसी की किरपा के दुआरा तुमकै बुलाओ बाकै इत्‍ती जल्दी छोड़कै किसी दूसरी अच्‍छी खबर की ओर जा रए हौ।