पर उन लोगौ नै जौ मान लओ कै जिस तरीका सै परमेसर नै पतरस कै यहूदी लोगौ के बीच मै अच्छी खबर सुनानै को काम सौंपो हो, बैसेई परमेसर नै मैंकै गैर यहूदी लोगौ के बीच मै अच्छी खबर सुनानै को काम सौंपो है।
याकूब, पतरस और यहून्ना बिसवासी लोगौ के बीच मै जानेमाने नेता हे। जो किरपा मैंकै परमेसर सै मिली ही जब उन्नै बाकै जान लओ तबई मैंकै और बरनबास कै अपनो साती मानो। और बे जा बात मै राजी हो गए कै हम गैर यहूदी लोगौ के धौंरे जांऐ और बे यहूदी लोगौ के धौंरे जांगे।
पर जब मैंनै जौ देखो कै अच्छी खबर की सच्चाई के हिसाब सै उनको चाल-चलन ना हो, तौ तबई मैंनै सबई के सामने पतरस सै कैई कै, “तुम यहूदी होते भए बी गैर यहूदी की तरै जीवौ हौ, तौ तुम गैर यहूदी लोगौ कै यहूदी रीती रिबाज माननै के ताँई काए मजबूर कर रए हौ?”