गलातिऔ 1:16 - बुक्सा

¹⁶ और अपने लौंड़ा कै मैं मै परकट करो जिस्सै कै मैं गैर यहूदी लोगौ के बीच मै बाके लौंड़ा की अच्‍छी खबर को परचार करौं, तौ मैंनै तुरन्‍त जाकै किसी आदमी की सला ना लई।

गलातिऔ 1:16 Referans Kwoze

मत्‍ती 16:17

ईसु नै उसकै जबाब दओ, कै “हे समौन, योना के लौंड़ा, तू धन्‍न है, कैसेकै तेकै किसी आदमी नै ना पर मेरे अब्बा नै जो सुरग मै है, जौ बात तेरे ऊपर परकट करी है।

इफिसिऔ 6:12

कैसेकै हमरी लड़ाई आदमी के संग ना है, पर जा दुनिया के इन्धेरे के राजा सै, अधकारिऔं सै, परधानौ सै और बा दुसट की आत्‍मिक सैना सै है जो आसमान मै है।

इफिसिऔ 3:1

इसताँई मैं पौलुस, मसी ईसु के सेवा कन्‍नै की बजै सै कैदी बनो जिस्सै कै तुम गैर यहूदी लोगौ की भलाई होए।

2 कुरन्‍थियों 4:6

कैसेकै परमेसरई है जिसनै ऐंसो कैओ है कै, “इन्धेरे मै उज्‍जेरो हो जाय।” और बौई उज्‍जेरो हमरे दिलौ मै बी चमको जिस्सै कै हम परमेसर की बा महिमा के गियान की जोती कै जान जाऐ जो परभु ईसु मसी के मौह मै चमकै है।

रोमियो 11:13

मैं तुम गैर यहूदिऔं के ताँई भेजो भओ चेला हौं, और जौ सेवा मेरे ताँई गर्ब की बात है।

चेलौ के काम 22:21

“परभु नै मैंसै कैई कै, ‘तू जा, कैसेकै मैं तेकै गैर यहूदी लोगौ के धौंरे दूर-दूर तक भेजंगो।’ ”

चेलौ के काम 9:15

पर परभु नै बासै कैई कै, “तू जा, कैसेकै जौ आदमी गैर यहूदिऔं और उनके राजाऔं और ईसराइली लोगौ के सामने मेरे बारे मै बोलनै के ताँई चुनर खाओ है।

मत्‍ती 26:41

जगते रौह और पिराथना करते रौह, कै तुम पाप कन्‍नै की परिक्‍छा मै ना पड़ौ, आत्‍मा तौ तईयार है पर सरीर कमजोर है।”

इबरानिओ 2:14

इसताँई जैसे बालक मांस और खून सै बनो है बैसेई बौ बी खून और मांस के सरीर मै साजेदार बनो है जिस्सै कै बौ अपनी मौत के दुआरा बा सैतान कै जिसकै मौत के ऊपर हक मिलो है बाकै नास कर सकै।

2 तीमुथियुस 1:11

परमेसर नै मैंकै भेजो भओ चेला और परचार कन्‍नै बारो और गुरू इसताँई बनाओ कै मैं अच्‍छी खबर कै फैला सकौं।

1 तीमुथियुस 2:7

जाई बजै सै मैंकै परचार कन्‍नै के ताँई भेजो भओ चेला बनाओ है। मैं सच कैरओ हौं, झूँट ना बोल रओ हौं। मैंकै गैर यहूदी लोगौ के बिसवास और सच्‍चाई कै सिकानै के ताँई गुरूजी बनाओ गओ।

1 थिसलुनीकियौ 2:16

ऐंसे लोग हमकै मुक्‍ति की अच्‍छी खबर के सन्‍देसे कै गैर यहूदी लोगौ कै सुनानै सै रोकैं हैं। बे सोचै हैं कै कहीं उन लोगौ कै मुक्‍ति ना मिल जाय, इन बातौं सै बे अपने पापौं को घल्‍ला भरते रैहबैं हैं और अब परमेसर को घुस्सा उनके ऊपर आ गओ है।

गलातिऔ 2:1

चौदैह साल के बाद बरनबास के संग जब मैं फिर ऐरूसलेम गओ तौ तीतुस कै बी अपने संग ले गओ।

2 कुरन्‍थियों 5:16

पर अब सै हम किसी बी आदमी कै जा दुनिया की नजरौ के हिसाब सै ना देखंगे। पर एक बखत हो जब हम मसी कै जा दुनिया के लोगौ की नजरौ के हिसाब सै देखै हे पर अब ऐंसे ना देखै हैं।

1 कुरन्‍थियों 15:50

हे भईयौ और बहनौ, मैं तुमकै जौ बोल रओ हौं कै, जा धरती को सरीर और खून परमेसर के राज के हकदार ना हो सकै हैं, और नास होनै बारी चीज, ना नास होनै बारी चीज के हकदार ना हो सकै हैं।

चेलौ के काम 5:42

फिर बे हर दिन मन्‍दर मै और घर घर जाकै अच्‍छी खबर के बारे मै सिकाल लगे कै ईसुई मसी है।

चेलौ के काम 9:20

और तबई बौ तुरन्‍त यहूदी पिराथना घरौं मै जाकै ईसु को परचार करल लगो कै, “ईसुई परमेसर को लौंड़ा है।”

रोमियो 1:5

और मरे भए मै सै जी उठनै सै पबित्‍तर आत्‍मा दुआरा सकति के संग परमेसर को बेटा ठैराओ गओ, और बौ हमरो परभु ईसु मसी है।