गलातिऔ 1:14 - बुक्सा

¹⁴ मेरे उमर के लोगौ मै यहूदी धरम के नियम कै माननै के ताँई मैं अग्गे हो, और जो रीति-रिबाज बापदादौं सै चले आ रए हे, उनके ऊपर चलनै मै मैं भौत जोसीलो हो।

गलातिऔ 1:14 Referans Kwoze

कुलुसिऔं 2:8

चौकस रौह, कहीं ऐंसो ना होए कै तुमकै आदमी को गियान, झूँटी और बेकार की बातौं सै कोई अपने कबजा मै ना कर लै, जो आदमिऔ और दुनिया के बनाए भए रीती रिबाज के ऊपर टिके हैं, पर मसी की सिक्‍छा ऐंसी ना है।

चेलौ के काम 26:5

और बे मेरे बारे मै पैलेई सै जानै हैं और अगर बे चाँहै तौ जा बात की गभाई बी दे सकै हैं कै मैंनै फरीसी होकै बी अपने नियम के सच्‍चाई के संग जिन्‍दगी बिताई है।

1 पतरस 1:8

तुमनै मसी कै देखो ना है, फिर बी तुम उस्सै पियार करौ हौ। तुम बाकै अबी देख ना पा रए हौ, मगर फिर बी बाके ऊपर बिसवास करौ हौ और एक ऐंसी खुसी और महिमा सै भरे भए हौ जिसकी कोई हद ना है।

चेलौ के काम 22:3

“मैं तौ एक यहूदी आदमी हौं जो किलिकिया के तरसुस मै पैदा भओ, पलो और ऐरूसलेम मै गमलीएल के धौंरे पढ़ो और अपने बापदादौं के नियमौ कै अच्‍छे सै सीको। मैं बी परमेसर को ऐंसो भक्‍त हौं जैसे तुम अब हौ।

मत्‍ती 15:6

तौ बौ अपने अब्बा को आदर ना करै, इस तरै तुमनै अपने रीति-रिबाजौ के नाम मै परमेसर को आदेस ना मानो है।

चेलौ के काम 26:9

“मैं बी जौई सोचै हो कै ईसु नासरी के नाम के बिरोद मै मैंकै बी भौत कुछ कन्‍नो चँईऐ।

चेलौ के काम 21:20

बाकी बात सुनकै उन्‍नै परमेसर की बड़ाई करी और बासै कैई कै, “हे भईया पौलुस, तू देख सकै है कै यहूदी लोगौ मै सै कितने हजार लोग हैं जिन्‍नै बिसवास करो, जो अपने नियम के ताँई बफादार हैं।