गलातिऔ 1:10 - बुक्सा

¹⁰ का मैं आदमी की ओर सै अपनी बड़ाई चाँहौ हौं या परमेसर की? का मैं आदमिऔ कै खुस कन्‍नै के ताँई लगो रैहबौं हौं? अगर मैं अब तक लोगौ कै खुस करतो रैहतो तौ मैं मसी को सेवक ना होतो।

गलातिऔ 1:10 Referans Kwoze

1 थिसलुनीकियौ 2:4

पर परमेसर नै हमकै अच्‍छी खबर कै सौंपनै के ताँई लायक समजो है। इसताँई हम लोगौ कै खुस कन्‍नै के ताँई ना पर हमरे दिल कै परखनै बारे परमेसर कै खुस कन्‍नै के ताँई सुनावै हैं।

चेलौ के काम 5:29

तब पतरस और दूसरे भेजे भए चेलौ नै जबाब देते भए कैई कै, “हमकै आदमी सै जादा परमेसर की बातौं कै माननो जरूरी है।

इफिसिऔ 6:6

तुम अपने मालिक कै खुस कन्‍नै के ताँई दिखावे को काम ना करौ, पर मसी के सेवक के हाँई अपने पूरे दिल सै काम करौ जिस्सै कै परमेसर की मरजी पूरी हो जाय।

याकूब 4:4

बैबिचार कन्‍नै बारौ का तुम जौ ना जानौ हौ, कै दुनिया सै दोस्ती कन्‍नी परमेसर सै दुसमनी कन्‍नै के बराबर है? इसताँई जो कोई दुनिया सै दोस्ती कन्‍नो चाँहै है बौ परमेसर को दुसमन बन जावै है।

मत्‍ती 22:16

उनौनै ईसु के धौंरे हेरोदिऔं के संग अपने चेला जौ सबाल पूँछनै भेजे, “गुरू! हम जानै हैं कै तू सच बोलै है और सच्‍चाई सै परमेसर के रस्ता की सिक्‍छा देवै है, और तू लोगौ की मौह देखी बात ना करै है।

कुलुसिऔं 3:22

सेवकौ, जो जा दुनिया के तरीका सै तुमरे मालिक हैं तौ उनकी सिगरी बातौं कै माने करौ, और उनके सिरप देखतेई टैम ना और ना लोगौ कै खुस कन्‍नै के ताँई, पर सच्‍चे दिल सै परमेसर को डर मानते भए काम करौ।

रोमियो 2:29

पर असली यहूदी बौई है जो मन सै है, और असली खतना लिखे भए नियम के जैसो ना है पर परमेसर की आत्‍मा के दुआरा मन को है, ऐंसे आदमी की बड़ाई आदमी की ओर सै ना, पर परमेसर की ओर सै होवै है।

1 यहून्‍ना 3:9

जो परमेसर की औलाद है, बौ पाप ना करतो रैहगो, कैसेकै बामै परमेसर को बीज बनो रैहबै है। बौ पाप ना कर सकै है, कैसेकै बौ परमेसर सै जलमो है।

2 कुरन्‍थियों 12:19

का तुम जौ समजौ हौ कै हम जौ सब तुमरे सामने अपने बचाब के ताँई कैरए हैं? पर हम तौ परमेसर के सामने मसी के सेवक बनकै बोल रए हैं। पियारे लोगौ, जो कुछ हम कर रए हैं, बौ सब तुमरी बढ़ौतरी के ताँई है।

रोमियो 2:8

और जो लोग मतलबी हैं, सच्‍चाई कै ना मानै हैं पर बुराई मै चलै हैं, इनके ऊपर परमेसर की घुस्सा और कोप पड़ैगो।

रोमियो 1:1

जौ चिट्‌ठी ईसु मसी के दास पौलुस की ओर सै है, जो परमेसर दुआरा भेजो भओ चेला बन्‍नै के ताँई बुलाओ है, और उसकी अच्‍छी खबर दैनै के ताँई छाँटो गओ है।

1 कुरन्‍थियों 10:33

जैसे मैं सबई बातौं मै सबई कै खुस रक्‍खौ हौं, और अपने फाएदा की ना पर औरौं के फाएदा की सोचौ हौं, जिस्सै कै बे मुक्‍ति पा सकैं।

मत्‍ती 28:14

अगर तुमरी जौ बात राजपाल तक पौंचै है तौ हम बाकै समजा लंगे और तुमरे ऊपर कोई आँच ना आन दंगे।

चेलौ के काम 12:20

हेरोदेस सूर और सैदा के लोगौ सै भौत नाराज हो। इसताँई बे लोग इखट्‍टे होकै बाके धौंरे आए और राजा को सेवक जिसको नाम बलास्तुस हो बाकै मना कै हेरोदेस सै मेल कन्‍नै के ताँई बिनती करी। कैसेकै उन लोगौ कै खानै पीनै की चीजौ कै बाई देस सै लेजानो होवै हो।

मत्‍ती 6:24

“कोई बी एक संग दो मालिकौं की सेवा ना कर सकै है, बौ या तौ एक सै बैर और दूसरे सै पियार करैगो, या एक को आदर और दूसरे की बेजती करैगो, तुम परमेसर और धन दौनौ की सेवा एक संग ना कर सकौ हौ।

फिलिप्‍पीऔ 1:1

जौ चिट्‌ठी मसी ईसु की सेवा कन्‍नै बारे पौलुस और तीमुथियुस की ओर सै, फिलिप्‍पी मै रैहनै बारे मसी ईसु के सिगरे बिसवासी लोगौ कै और मुखियौं कै, और सेवकौ कै,