इफिसिऔ 6:8 - बुक्सा

⁸ कैसेकै तुम जानौ हौ कै हर एक आदमी, चाँहे बौ गुलाम होए, या आजाद होए, जो कोई भलाई के काम करैगो, बाकै बाको फल परभु की ओर सै मिलैगो।

इफिसिऔ 6:8 Referans Kwoze

कुलुसिऔं 3:24

तुम जौ जानलो कै परभु तुमकै ईनाम के रूप मै अपनी बिरासत देगो, कैसेकै तुम परभु मसी के सेवक हौ।

लूका 14:14

तब तू धन्‍न होगो, कैसेकै उनके धौंरे तेरो बदलो चुकानै के ताँई कुछ बी ना है, पर तेकै धरमी लोगौं के फिर जी उठनै के टैम मै इस बात को ईनाम मिलैगो।”

कुलुसिऔं 3:11

और अब किसी मै कोई फरक ना है, चाँहे यूनानी होए या यहूदी, चाँहे खतना बारो होए या बिना खतना बारो, चाँहे सैहर को होए या जंगल को, चाँहे गुलाम होए या आजाद। मसी सिगरी बातौं मै सबई सै बढ़कै है और बौ हम सबई मै रैहबै है।

2 कुरन्‍थियों 5:10

हमनै जिन्‍दगी मै सरीर के हिसाब सै जित्‍ते बी अच्‍छे और बुरे काम करे हैं। उनको फल पानै के ताँई एक दिन मसी के नियाय सिंगासन के सामने खड़ो होनो पड़ैगो।

मत्‍ती 16:27

कैसेकै आदमी को लौंड़ा अपने सुरगदूतौं के संग अपने परम पिता की महिमा मै आगो और बौ हर आदमी कै उसके करम को फल देगो।

मत्‍ती 6:4

तुमरो दान गुप्‍त रैह, और जब तुमरो अब्बा जो गुप्‍त कामौ कै बी देखै है, तुमकै ईनाम देगो।

इबरानिओ 10:35

इसताँई हिम्मत ना हारौ कैसेकै बाको फल बड़ो है।

इबरानिओ 11:26

और मिसर के धन-दौलत सै जादा बानै मसी के ताँई दुख झेलनो कीमती समजो कैसेकै बाकी नजर ईनाम पानै को पैंड़ो देख रई हीं।

गलातिऔ 3:28

तौ अब किसी मै कुछ फरक ना है, ना तौ कोई यहूदी और ना गैर यहूदी, ना गुलाम, ना कोई आजाद, ना कोई आदमी, ना कोई बईयर, तुम सबई मसी ईसु मै एक हौ।

मत्‍ती 6:1

“चौकस रैहऔ! तुम लोगौ कै दिखानै के ताँई अपने धरम के काम ना करौ, ना तौ अपने सुरग के अब्बा सै कुछ बी ईनाम ना पाऔगे।

मत्‍ती 5:12

तब खुस और मगन होईयो, कैसेकै तुमरे ताँई सुरग मै बड़ो महान ईनाम है। इसताँई कै उनौनै बे नबी बी जो तुमसै पैले हे इसई रीती सै सताए हे।

लूका 6:35

बलकन अपने दुसमनौ कै बी पियार करौ, उनके संग भलाई करौ। कुछ बी बापस लैनै की उमीद छोड़कै उधार दो। फिर तुमरे ताँई बड़ो ईनाम होगो; और तुम परम परमेसर की औलाद बनौगे, कैसेकै परमेसर कै जो धन्‍नबाद ना करैं हैं, और बुरे लोग हैं, परमेसर उनके ऊपर बी दया करै है।

1 कुरन्‍थियों 12:13

कैसेकै हम सबई चाँहे यहूदी हौं, या गैर यहूदी या गुलाम, या आजाद हौं, पर सबई नै एकई आत्‍मा सै एकई सरीर होनै के ताँई जल संस्कार लओ है। पियास बुझानै के ताँई सबई कै एकई आत्‍मा दई गई है।

कुलुसिऔं 3:25

कैसेकै जो बुरे काम करै हैं, तौ बाकै बाको फल जरूर मिलैगो, और बहाँ कोई भेदभाब ना है।

मत्‍ती 20:7

उनौनै उस्सै कैई, ‘इसताँई कै किसी नै हमकै डिहाड़ी मै ना लगाओ।’ उसनै उनसै कैई, ‘तुम बी मेरे अंगूर के बगीचा मै चले जाऔ।’