और जाके संग-संग तुम हमरे ताँई बी पिराथना करौ, जिस्सै परमेसर हमकै बचन सुनानै के ताँई ऐंसी रस्ता खोल दै कै, हम मसी की बा गुप्त बात के बारे मै बता सकैं जिसकी बजै सै मैं कैद मै हौं।
और तुम जौ बात बी जानौ हौ कै तुमरे धौंरे आनै सै पैले फिलिप्पी मै हमकै दुख झेलनो और बुरो बरताब सैहनो पड़ो। पर फिर बी हमनै परमेसर की सायता सै बड़े बिरोद को सामनो करते भए, बिना डरे तुम लोगौ के बीच मै परमेसर की अच्छी खबर कै सुनाओ है।
पर तुम सिगरी बातौं मै अच्छे हौ, जैसे कै बिसवास मै, बचन मै, गियान मै, और हर तरै की हिम्मत मै, और जो पियार तुम हम सै करौ हौ बामै बढ़ते जाबौ हौ, बैसेई तुम बी जा दान की सेवा के काम मै बी बढ़ते जाऔ।
तबई पौलुस और बरनबास नै बेधड़क होकै कैई कै, “जौ जरूरी हो, कै सबसै पैले तुमरे बीच मै परमेसर को बचन सुनाओ जाऐ, पर तुमनै तौ बाकै मानो ना और खुद कै हमेसा की जिन्दगी के ताँई लायक ना समजो, इसताँई हम गैर यहूदी लोगौ की ओर गए।
जिस्सै उनके मनौ मै सान्ति होए और बे पियार की एकता के संग आपस मै बंधे रैंह, और बे पूरी समज को सैरो धन पाकै परमेसर के गुप्त बात कै, मतलब मसी कै पैचान लैं,
पौलुस और बरनबास भौस्से दिन तक बहाँ रैहए और परभु के बारे मै बिना डरे लोगौ कै कैते रैहए। उनके हातौ सै परभु चिन्न और चमत्कार के कामौ कै करबाबै हो और अपने किरपा को सबूत देवै हो।
पर बरनबास बाकै अपने संग भेजे भए चेलौ के धौंरे ले गओ और उनकै कैई कै रस्ता मै साऊल नै परभु कै कैसे देखो और परभु नै बासै कैसे बात करीं और दमिसक मै बिना डरे ईसु के नाम को परचार करो।
और जा बात मै कोई सक ना है कै जो अच्छी खबर हमकै मिली ही, बौ सबसै बड़ी है। मसी आदमी के सरीर के रूप मै जलम लेकै परकट भओ, और परमेसर के आत्मा नै बाकै धरमी ठैराओ, सुरगदूतौं नै बाकै देखो, दूसरे देस के लोगौ मै बाको परचार भओ। दुनिया के लोगौ नै बाके ऊपर बिसवास करो, और महिमा के संग बाकै ऊपर उठा लओ गओ।
पर हम परमेसर के बा बुद्धि के बारे मै बोलै हैं जिसकै लुकाकै रखर खाओ है। पर जिसकै परमेसर नै जा दुनिया के सुरू होनै सै पैलेई हमरी महिमा के ताँई ठैरार खाओ हो।
हे भईयौ, हमरे परभु ईसु मसी की ओर सै और पबित्तर आत्मा के पियार सै, मैं तुमसै बिनती करौ हौं, कै मेरी परेसानी मै मेरे ताँई परमेसर सै पिराथना कन्नै मै मेरे संग लगे रैहओ।
बौ बिना डरे यहूदी पिराथना घर मै बोलल लगो, और जब पिरसीला और अकुला बाकी बात सुन रए हे तबई उन्नै अपोलुस कै अगल ले जाकै परमेसर की रस्ता के बारे मै अच्छे सै बताओ।
जब उनौनै पतरस और यहून्ना की हिम्मत देखी और जौ पतो लगो कै जे अनपड़ और सीदे सादे लोग हैं, तौ उनकी आँख फटी की फटी रैह गंई, फिर उनकै पतो चलो कै जे ईसु मसी के संग रैहबै हे।
जो तुमकै खड़ो कर सकै है उस परमेसर की महिमा हो बौ मेरी अच्छी खबर के दुआरा और ईसु मसी के परचार के दुआरा कई सदिऔं सै लुके भए सच्चे राज कै परकट कन्नै के दुआरा तुमकै खड़ो करैगो।