इफिसिऔ 6:19 - बुक्सा

¹⁹ तुम मेरे ताँई बी पिराथना करौ कै जब मैं अपने मौह सै बोलौं तौ तबई मैं हिम्मत के संग अच्‍छी खबर की भेद की बातौं कै बता सकौं।

इफिसिऔ 6:19 Referans Kwoze

कुलुसिऔं 4:3

और जाके संग-संग तुम हमरे ताँई बी पिराथना करौ, जिस्सै परमेसर हमकै बचन सुनानै के ताँई ऐंसी रस्ता खोल दै कै, हम मसी की बा गुप्‍त बात के बारे मै बता सकैं जिसकी बजै सै मैं कैद मै हौं।

चेलौ के काम 4:29

हे परभु, अब, तू उनकी धमकिऔं के ऊपर धियान दे और अपने सेवकौ कै बौ सकति दे जिस्सै बे तेरे बचन कै हिम्मत के संग सुना सकैं।

2 थिसलुनीकियौ 3:1

ओ भईयौ और बहनौ, अब जौ कै तुम हमरे ताँई पिराथना करौ कै परभु को बचन जल्दीई फैलै और बचन महिमा पाऐ जैसो तुमरे बीच मै भओ है।

1 थिसलुनीकियौ 5:25

पियारे भईयौ और बहनौ हमरे ताँई बी पिराथना करौ।

इबरानिओ 13:18

हमरे ताँई पिराथना करते रौह, कैसेकै हमकै पक्‍को बिसवास है कै हमरो मन बिलकुल साप है और हम सिगरी बातौं मै अच्‍छे चाल-चलन सै जिन्‍दगी बितानो चाँहै हैं।

चेलौ के काम 4:31

जब बे जौ पिराथना कर चुके हे, तौ बौ जघै जहाँ बे इखट्‍टे हे हल गई, और पबित्‍तर आत्‍मा सै भरकै, परमेसर को बचन हिम्मत के संग सुनाते रैहए।

1 थिसलुनीकियौ 2:2

और तुम जौ बात बी जानौ हौ कै तुमरे धौंरे आनै सै पैले फिलिप्‍पी मै हमकै दुख झेलनो और बुरो बरताब सैहनो पड़ो। पर फिर बी हमनै परमेसर की सायता सै बड़े बिरोद को सामनो करते भए, बिना डरे तुम लोगौ के बीच मै परमेसर की अच्‍छी खबर कै सुनाओ है।

2 कुरन्‍थियों 8:7

पर तुम सिगरी बातौं मै अच्‍छे हौ, जैसे कै बिसवास मै, बचन मै, गियान मै, और हर तरै की हिम्मत मै, और जो पियार तुम हम सै करौ हौ बामै बढ़ते जाबौ हौ, बैसेई तुम बी जा दान की सेवा के काम मै बी बढ़ते जाऔ।

इफिसिऔ 1:9

अपनी इच्‍छा को भेद हमकै बानै अपने भले मकसद के अनुसार परकट करो, बा योजना कै मसी मै पूरो कन्‍नै के ताँई पैलेई फैसला करो हो।

1 कुरन्‍थियों 4:1

लोगौ कै हमरे बारे मै ऐंसो सोचनो चँईऐ कै हम मसी के सेवक हैं, और परमेसर नै हमकै भेद की बातौं के बारे मै बोलनै को काम सौंपो है।

चेलौ के काम 28:31

और बिना डरे खुल्‍लम खुल्‍ला होकै परमेसर के राज के बारे मै परचार करै हो और परभु ईसु मसी की बातौं कै लोगौ कै सिकाबै हो।

चेलौ के काम 19:8

पौलुस तीन महीना तक दूसरे यहूदी पिराथना घर मै जातो रैहओ, और बिना डरे परमेसर के राज के बारे मै समजातो रैहओ।

चेलौ के काम 13:46

तबई पौलुस और बरनबास नै बेधड़क होकै कैई कै, “जौ जरूरी हो, कै सबसै पैले तुमरे बीच मै परमेसर को बचन सुनाओ जाऐ, पर तुमनै तौ बाकै मानो ना और खुद कै हमेसा की जिन्‍दगी के ताँई लायक ना समजो, इसताँई हम गैर यहूदी लोगौ की ओर गए।

फिलेमौन 1:22

एक बात और, तू मेरे रैहनै के ताँई जघै तईयार रख, कैसेकै मैंकै उमीद है कै तुमरी पिराथनाऔ के दुआरा मैं फिर तुमसै मिलनै आंगो।

कुलुसिऔं 2:2

जिस्सै उनके मनौ मै सान्‍ति होए और बे पियार की एकता के संग आपस मै बंधे रैंह, और बे पूरी समज को सैरो धन पाकै परमेसर के गुप्‍त बात कै, मतलब मसी कै पैचान लैं,

2 कुरन्‍थियों 3:12

हम इस आस की बजै सै मजबूत हैं।

1 कुरन्‍थियों 1:5

तुम मसी के संग साजेदार होनै की बजै सै सबई चीजौ मै सेट हौ; परमेसर के बचन मै और उन सिगरी आत्‍मिक बातौं मै जिनकै तुम जानौ हौ, सेट बन गए हौ।

चेलौ के काम 14:3

पौलुस और बरनबास भौस्से दिन तक बहाँ रैहए और परभु के बारे मै बिना डरे लोगौ कै कैते रैहए। उनके हातौ सै परभु चिन्‍न और चमत्कार के कामौ कै करबाबै हो और अपने किरपा को सबूत देवै हो।

चेलौ के काम 9:27

पर बरनबास बाकै अपने संग भेजे भए चेलौ के धौंरे ले गओ और उनकै कैई कै रस्ता मै साऊल नै परभु कै कैसे देखो और परभु नै बासै कैसे बात करीं और दमिसक मै बिना डरे ईसु के नाम को परचार करो।

1 तीमुथियुस 3:16

और जा बात मै कोई सक ना है कै जो अच्‍छी खबर हमकै मिली ही, बौ सबसै बड़ी है। मसी आदमी के सरीर के रूप मै जलम लेकै परकट भओ, और परमेसर के आत्‍मा नै बाकै धरमी ठैराओ, सुरगदूतौं नै बाकै देखो, दूसरे देस के लोगौ मै बाको परचार भओ। दुनिया के लोगौ नै बाके ऊपर बिसवास करो, और महिमा के संग बाकै ऊपर उठा लओ गओ।

2 कुरन्‍थियों 7:4

मैंकै तुमरे ऊपर भरोसो बी है और घमंड बी है। कैसेकै हमरे दुख और परेसानी मै बी तुमनै हमकै हिम्मत दई और भौस्सी खुसी बी दई।

2 कुरन्‍थियों 1:11

तुम लोग हमरे ताँई पिराथना करौ। और जो आसीस पिराथना सै हमकै मिलै है, बाके ताँई भौस्से लोग हमरी ओर सै परमेसर कै धन्‍नबाद दंगे।

1 कुरन्‍थियों 2:7

पर हम परमेसर के बा बुद्‍धि के बारे मै बोलै हैं जिसकै लुकाकै रखर खाओ है। पर जिसकै परमेसर नै जा दुनिया के सुरू होनै सै पैलेई हमरी महिमा के ताँई ठैरार खाओ हो।

रोमियो 15:30

हे भईयौ, हमरे परभु ईसु मसी की ओर सै और पबित्‍तर आत्‍मा के पियार सै, मैं तुमसै बिनती करौ हौं, कै मेरी परेसानी मै मेरे ताँई परमेसर सै पिराथना कन्‍नै मै मेरे संग लगे रैहओ।

चेलौ के काम 18:26

बौ बिना डरे यहूदी पिराथना घर मै बोलल लगो, और जब पिरसीला और अकुला बाकी बात सुन रए हे तबई उन्‍नै अपोलुस कै अगल ले जाकै परमेसर की रस्ता के बारे मै अच्‍छे सै बताओ।

चेलौ के काम 4:13

जब उनौनै पतरस और यहून्‍ना की हिम्मत देखी और जौ पतो लगो कै जे अनपड़ और सीदे सादे लोग हैं, तौ उनकी आँख फटी की फटी रैह गंई, फिर उनकै पतो चलो कै जे ईसु मसी के संग रैहबै हे।

चेलौ के काम 2:4

और बे सबई पबित्‍तर आत्‍मा सै भर गए और जिस तरै पबित्‍तर आत्‍मा नै उनकै सकति दई बैसेई बे ऐंसी ऐंसी भासाऔ मै बोलल लगे, जिनकै बे जानै तक ना हे।

चेलौ के काम 9:29

और यूनानी भासा बोलनै बारे यहूदी लोगौ कै सिकाल लगो और उनसै बातचीत बी करै हो। पर बे बाकै मारनै की सोचै हे।

रोमियो 16:25

जो तुमकै खड़ो कर सकै है उस परमेसर की महिमा हो बौ मेरी अच्‍छी खबर के दुआरा और ईसु मसी के परचार के दुआरा कई सदिऔं सै लुके भए सच्‍चे राज कै परकट कन्‍नै के दुआरा तुमकै खड़ो करैगो।

2 कुरन्‍थियों 6:11

कुरन्‍थी के लोगौ, हमनै पूरी ईमानदारी सै सबई कुछ कैह दओ है, और हमरो दिल तुमरे ताँई हमेसा खुलो रैहगो।

इफिसिऔ 3:9

और मैं सबई लोगौ कै उन भेद की बातौं कै परकट करौं, जो बा सबई कुछ बनानै बारे परमेसर नै युगौं-युगौं सै लुकार खाई हैं।