इफिसिऔ 6:10 - बुक्सा

¹⁰ आखरी मै, परभु मै और बाकी सकति मै मजबूत बनौ।

इफिसिऔ 6:10 Referans Kwoze

फिलिप्‍पीऔ 4:13

मसी जो मैंकै तागत देवै है, मैं बाकी सायता सै सब कुछ कर सकौ हौं।

1 कुरन्‍थियों 16:13

चौकस रौह और मजबूती के संग बिसवास मै पक्‍के बने रौह और हिम्मत रक्‍खौ, तागत बारे बनौ।

1 पतरस 5:10

अब परमेसर जो सिगरे किरपा को धनी है, जिसनै तुमकै मसी मै अपनी हमेसा की महिमा के ताँई बुलाओ है, तुमरो थोड़े देर को दुख सैहनै के बाद बौ खुदई तुमकै सिद्‍द, पक्‍के, सकतिसाली और तागत बारो बनागो।

कुलुसिऔं 1:11

तुम परमेसर की महिमा की सकति के हिसाब सै हर तरै की सकति सै मजबूत होते जाऔ, जिस्सै कै तुम सब तरै के सबर कै दिखा सकौ और सैह सकौ।

इफिसिऔ 1:19

और हम बिसवास कन्‍नै बारौ के भीतर काम कन्‍नै बारी बाकी महान सकति ऐंसी है जिसकी कोई थाह ना है बाकै बी जान सकैं।

इफिसिऔ 3:16

बौ अपने महिमा के धन सै अपनी आत्‍मा के दुआरा तुमरे भीतर की आत्‍मा कै मजबूत कन्‍नै के ताँई अपनी सकति दे।

2 तीमुथियुस 4:17

पर परभु मेरे संग हो और बानै मैंकै हिम्मत दई और मैंकै जौ मौको दओ कै मैं बिना डरे जा पूरी खबर कै गैर यहूदी लोगौ कै सुना सकौं और तैनै मैंकै मौत के मौह सै बी बचाओ है।

2 तीमुथियुस 2:1

इसताँई ओ मेरे बेटा, तू ईसु मसी के किरपा सै तागतबर होतो जा।

फिलिप्‍पीऔ 4:8

हे भईयौ, जो बात सच हैं, और जो बात इज्‍जत बारी हैं, और जो सई हैं, और जो बात पबित्‍तर हैं, और जो बात पियारी हैं, और जो बात मन कै पियारी लगै हैं, यानी जो बी भौत अच्‍छी और बड़ाई की बात हैं, उनई मै मन लगाए करौ।

2 कुरन्‍थियों 13:11

हे भईयौ और बहनौ, खुस रौह। अब मैं तुमसै बिदा चाँहौ हौं, अपनो चाल-चलन सई रक्‍खौ, और बैसोई करिओ जैसो मैंनै कैई है, एकई सोच रक्‍खौ और सान्‍ति सै रैहऔ, पियार और सान्‍ति को परमेसर तुमरे संग रैह।

1 पतरस 3:8

आखरी मै मैं ऐंसो बोलौ हौं कै, तुम सबई के सब एक मन, दुख बाँटनै बारे, आपस मै पियार रखनै बारे, तरस खानै बारे, और नमर बनौ।

फिलिप्‍पीऔ 3:1

इसताँई हे मेरे भईयौ, परभु मै खुस रौहौ, उनई बातौं कै बेरमबेरा लिखनै मै मैंकै तौ कोई दुख ना होवै है, और जौ तुमकै बचाकै रखैगो।

1 पतरस 4:11

जिसकै परचार कन्‍नै को बरदान मिलो है तौ बाकै जौ बात पतो रैह, कै बौ परमेसर की ओर सै बोल रओ है; अगर किसी कै दूसरौं की सायता कन्‍नै को बरदान मिलो है तौ बौ बा सकति सै करै जो परमेसर सै मिलै है, और इन सिगरी बातौं मै ईसु मसी के दुआरा परमेसर कै महिमा मिलै। सिगरी महिमा और सकति युगौं-युगौं तक बाई की हो। ऐंसोई होए।

1 यहून्‍ना 2:14

पियारे बालकौ मैंनै तुमकै इसताँई लिखो हो, कै तुम पिता परमेसर कै जान गए हौ। हे अब्बाऔं, मैंनै तुमकै इसताँई लिखो हो, कैसेकै तुम ईसु मसी कै जान गए हौ, जो सुरू सैई है। हे जमानौ, मैंनै तुमकै इसताँई लिखो हो, कैसेकै तुम सकतिसाली हौ, और तुम्मै परमेसर को बचन बनो रैहबै है, और तुमनै बा दुसट के ऊपर जीत पा लई है।