इफिसिऔ 5:29 - बुक्सा

²⁹ कैसेकै कोई बी अपने सरीर सै नफरत ना करै है, पर बौ बाको पालन-पोसन करै है, जिस तरै सै मसी बिसवासिऔ की मंडली को करै है।

इफिसिऔ 5:29 Referans Kwoze

इफिसिऔ 5:31

पबित्‍तर सास्तर मै ऐंसो लिखो है कै, “आदमी अपने अईया-अब्बा के छोड़कै अपनी बईयर के संग रैहगो और बे दौनौ एक सरीर बनंगे।”

मत्‍ती 23:37

“हे ऐरूसलेम, हे ऐरूसलेम, तू बौ है जो नबिऔ की हत्‍तिया करै है और परमेसर के भेजे भए दूतौ कै पत्‍थरौं सै मार देवै है। मैंनै कितनी दफै चाँहो कै जैसे कोई मुरगी अपने बच्‍चौं कै अपने पंखौ के नीचे इखट्‍टे कर लेबै है, बैसेई मैं तेरे बालकौ कै इखट्‍टे करलौं, पर तुम लोगौ नै ना चाँहो।

रोमियो 1:31

बेबकूफ, बादो तोड़नै बारे हैं, उनमै पियार और दया ना है।

मत्‍ती 6:26

आसमान के पंछिऔ कै देखौ, बे ना तौ बोबै हैं ना काटै हैं और ना खलियानौ मै बटोरै हैं, तौबी तुमरो सुरग को अब्बा उनकै खबावै है। का तुम उनसै बढ़कै ना हौ?

इफिसिऔ 5:28

ऐंसेई लोग के ताँई जौ सई है कै बौ अपनी बईयर सै बैसेई पियार करै जैसो अपने सरीर सै करै है। जो अपनी बईयर सै पियार करै है बौ खुद सै बी पियार करै है।

इफिसिऔ 5:30

कैसेकै हम बी बाके सरीर के अंग हैं।