इफिसिऔ 5:20 - बुक्सा

²⁰ सिगरी बातौं मै हमरे परभु ईसु मसी के नाम सै अब्बा परमेसर को हमेसा धन्‍नबाद करते रौह।

इफिसिऔ 5:20 Referans Kwoze

कुलुसिऔं 3:17

तुम लोग जो बी बोलौ या करौ, बौ सबई परभु ईसु के नाम सै करे करौ, और बाईके दुआरा परमेसर अब्बा कै धन्‍नबाद देते रौह।

1 थिसलुनीकियौ 5:18

और हर एक बात मै परमेसर कै धन्‍नबाद देओ कैसेकै तुमरे ताँई मसी ईसु मै परमेसर की इच्‍छा जौई है।

इबरानिओ 13:15

इसताँई आऔ, हम ईसु के दुआरा परमेसर कै एक ऐंसी बलि चढ़ाऐ जो हमरे मौह के दुआरा बाकी बड़ाई करी जावै है। जौई है बाके नाम की बड़ाई कन्‍नो।

फिलिप्‍पीऔ 4:6

किसी बी बात की फिकर ना करौ, पर हर एक बात मै पिराथना और बिनती करे करौ और धन्‍नबाद के संग अपनी बिनतिऔं कै परमेसर के सामने रक्‍खौ।

इफिसिऔ 5:4

और ना तुमरे बीच मै बेसरम और बेबकूफ बारी बात होनी चँईऐ और ना गंदी बातौं सै मजाक, जो तुमरे ताँई अच्‍छी ना हैं। पर तुमकै बस परमेसर को धन्‍नबाद देतो रैहनो चँईऐ।

2 थिसलुनीकियौ 1:3

ओ भईयौ और बहनौ, हमकै तुमरे ताँई परमेसर को हमेसा धन्‍नबाद दैनो चँईऐ और जौ सई बी है, कैसेकै तुमरो बिसवास बेसानी बढ़तो जावै है और आपसी पियार बी बढ़तो जावै है।

2 थिसलुनीकियौ 2:13

ओ भईयौ और बहनौ, और परभु के पियारे लोगौ हम हमेसा तुमरे बारे मै परमेसर कै धन्‍नबाद देवै हैं, कैसेकै परमेसर नै सुरू सैई तुमकै चुन लओ हो कै तुम परमेसर की आत्‍मा की सकति के दुआरा पबित्‍तर बनकै और सच्‍चाई मै बिसवास करकै मुक्‍ति पाऔ।

1 पतरस 2:5

तुम बी खुद जिन्‍दे पत्‍थरौं के हाँई हौ और आत्‍मिक घर बनते जाबौ हौ, जिस्सै कै पुजारिऔं को पबित्‍तर समाज बनकै, ऐंसे आत्‍मिक बलिदान चढ़ाऔ, जो परभु ईसु मसी के दुआरा परमेसर कै परसन्‍द हौं।

1 कुरन्‍थियों 1:4

ईसु मसी की ओर सै जो किरपा तुमकै मिली भई है। बाके ताँई मैं तुमरी ओर सै परमेसर को हमेसा धन्‍नबाद करौं हौं।

यहून्‍ना 15:16

तुमनै मैं ना चुनो, पर मैंनै तुम चुने और तुमकै ठैराओ बी है, कै तुम फल लाऔ और तुमरो फल बनो रैह, कै तुम मेरे नाम सै जो कुछ अब्बा सै माँगौ बौ तुमकै देगो।

1 पतरस 4:11

जिसकै परचार कन्‍नै को बरदान मिलो है तौ बाकै जौ बात पतो रैह, कै बौ परमेसर की ओर सै बोल रओ है; अगर किसी कै दूसरौं की सायता कन्‍नै को बरदान मिलो है तौ बौ बा सकति सै करै जो परमेसर सै मिलै है, और इन सिगरी बातौं मै ईसु मसी के दुआरा परमेसर कै महिमा मिलै। सिगरी महिमा और सकति युगौं-युगौं तक बाई की हो। ऐंसोई होए।

फिलिप्‍पीऔ 1:3

मैं जब-जब तुमकै याद करौ हौं, तब-तब अपने परमेसर को धन्‍नबाद देवौ हौं।

चेलौ के काम 5:41

तब बे सभा के धौंरे सै चले गए और उनकै जा बात की खुसी ही कै, “हमकै ईसु मसी के नाम सै दुख उठानै के काबिल तौ समजो गओ।”

1 थिसलुनीकियौ 3:9

जैसी खुसी परमेसर के सामने हमकै तुमरी बजै सै मिली है। बाकी बजै सै हम परमेसर को धन्‍नबाद किस तरीका सै करै?

रोमियो 1:8

पैले मैं तुम सबके ताँई ईसु मसी के दुआरा अपने परमेसर को धन्‍नबाद करौ हौं, कैसेकै तुमरे बिसवास की चरचा सैरी दुनिया मै फैल गई है।

1 कुरन्‍थियों 15:24

जब मसी सबई सासकौं, अधकारिऔं और हर तरै की बुराई की सकतिऔं कै मिटानै के बाद राज कै पिता परमेसर के हात मै सौंप देगो जाके बाद अन्‍त आ जागो।