इफिसिऔ 4:31 - बुक्सा

³¹ तुम अपने बीच मै हर तरै को जरन, घुस्सा, चीखनो चिल्‍लानो, लड़ाई झगड़ो, घुस्सा सै आपो खोनो और हर तरै की बुराई कै अपने भीतर सै लिकार फैंकौ।

इफिसिऔ 4:31 Referans Kwoze

कुलुसिऔं 3:8

पर अब तुम लोगौ कै घुस्सा, जरन, दुसमनी, बुराई कन्‍नी और गारी दैनो, इन सिगरी बातौं कै छोड़ दैनो चँईऐ।

1 पतरस 2:1

इसताँई तुम अपनी हर तरै की बुराई, चालाँकी, कपट, जरन और बदनामी सै दूर रैहते भए,

याकूब 1:19

हे मेरे पियारे भईयौ, जौ बात कै तुम जानलो कै हर एक आदमी सुन्‍नै के ताँई तईयार रैह और बोलनै मै जल्दबाजी ना करै, और नाई जल्दी सै घुस्सा करै।

कुलुसिऔं 3:19

ओ लोगौ अपनी अपनी बईयरौं सै पियार करौ और उनके संग सक्‍त बरताब ना करौ।

याकूब 3:14

अगर तुमरो मन भौस्से जरन सै और मतलबी बातौं सै भरो भओ है, तौ तुम अपने गियान को ढिंडोड़ो मत पीटौ, और सच्‍चाई के खिलाप झूँट मत बोलौ।

इफिसिऔ 4:26

घुस्सा तौ करौ पर पाप ना करौ और दिन छिपे सै पैले तुमरो घुस्सा खतम हो जानो चँईऐ।

1 यहून्‍ना 3:12

हमकै कैन के हाँई ना बन्‍नो चँईऐ, जो दुसट की ओर सै हो और जिसनै अपने भईया कै जान सै मारो हो। बानै अपने भईया कै जान सै काए मारो? कैसेकै कैन के काम बुरे हे और बाके भईया के काम अच्‍छे हे।

याकूब 4:11

हे भईयौ, एक दूसरे की बदनामी ना करौ, जो अपने भईया की बदनामी करै है, या भईया के ऊपर दोस लगाबै है, तौ बौ परमेसर के नियम के खिलाप बोलै है। अगर तुम नियम मै दोस लगाबौ हौ, तौ तुम नियम मै चलनै बारे ना हौ पर बाके ऊपर दोस लगानै बारे हौ।

तीतुस 1:7

कैसेकै अगुबा कै परमेसर को काम सौंपो गओ है, इस बजै सै उसकै निरदोस होनो चँईऐ, ना हटी, ना घुस्सा कन्‍नै बारो, ना पियक्‍कड़, ना मारपीट कन्‍नै बारो, और ना नीच कमाई को लालची हो,

1 तीमुथियुस 3:11

और उनकी बईयर बी इज्जतदार होनी चँईऐ, बुरे बोल बोलनै बारी ना होए और अपने ऊपर काबू रखनै बारी होए और सिगरी बातौं मै बिसवास लायक होए।

2 कुरन्‍थियों 12:20

कैसेकै मैंकै जा बात को डर है कै जब मैं तुमरे धौंरे आऔं तौ तुमकै बैसो ना पांऔ जैसो मैंनै सोचो है, और तुम बी मैंकै बैसो ना पाऔ जैसो तुम सोचै हे। मैंकै जा बात को डर है कै कबी तुमरे बीच मै आपस मै लड़ाई, जरन, घुस्सा, मतलबी इच्‍छा, चुगली, घमंड, और नियम सई ना मिलै।

1 कुरन्‍थियों 14:20

अरे भईयौ और बहनौ, तुम समज मै छोटे बालक ना बनौ, पर बुराई मै छोटे नादान बालक के हाँई बने रौह, और सोच-समज मै सिआने बनौ।

1 तीमुथियुस 5:13

और इन बातौं के अलाबा बे आलसी होनै की बजै सै अपने काम कै छोड़कै चली जावै हैं। बे दूसरौं के घरौं मै झाँकती फिरै हैं और बेकार की बात बतकाते भए लोगौ के काम मै टांग अड़ावैं हैं। बे ऐंसी बात बतकावैं हैं जिनकै ना बतकनो चँईऐ।

गलातिऔ 5:20

मूरती पूजा, जादू-टोना, दुसमनी, लड़ाई, जरन, घुस्सा, मतलबी सोच, फूट, बिरोद,

1 कुरन्‍थियों 5:8

इसताँई बुराई और धोके के बासी खट्‍टे चून सै ना पर सीदाई और सच्‍चाई के नए चून की रोटी सै खुसी के संग जौ तौहार मनाऔ।

रोमियो 3:14

उनको मौह सराप और बुरी बातौं सै भरो है।”

परकासन 12:10

फिर मैंनै सुरग मै किसी कै ऊँची अबाज मै जौ कैते भए सुनो, “अब हमरे परमेसर की मुक्‍ति और सकति और राज और उसके मसी को अधकार परकट भओ है, कैसेकै हमरे भईयौ के ऊपर दोस लगानै बारो, जो रात-दिन हमरे परमेसर के सामने उनमै दोस लगाऐ करै हो, उसकै गिरा दओ गओ है।

1 यहून्‍ना 3:15

जो कोई अपने भईया सै नफरत करै है, बौ खूनी है और तुम जानौ हौ कै किसी बी खूनी के भीतर हमेसा की जिन्‍दगी ना रैह सकै है।

तीतुस 2:3

इसई तरै बुड्‍ढी बईयरौं को चाल-चलन पबित्‍तर लोगौं जैसो हो, बे चुगली कन्‍नै बारी और पियक्‍कड़ ना हौं, पर अच्‍छी बात सिकानै बारी हौं

2 तीमुथियुस 2:23

मूरख और बेकार बेफजूल की बैहैस सै दूर रैहईओ, कैसेकै तुम जौ जानौ हौ कै इनकी बजै सै लड़ाई होवै हैं।

1 तीमुथियुस 3:3

बौ ना तौ दारू पीनै बारो और ना लड़ाई कन्‍नै बारो होए पर सरीप होनो चँईऐ, और बौ नाई बैहैस कन्‍नै बारो और ना लालच कन्‍नै बारो होए।

चेलौ के काम 21:30

तबई सिगरे सैहर मै हल्‍ला मच गओ और लोग चारौ लंग सै भाजकै इखट्‍टे भए। बे पौलुस कै पकड़कै खचेड़ते भए मन्‍दर सै बाहार लाए और तबई फाटक बन्‍द कर दए।

2 तीमुथियुस 3:3

और जिसमै पियार ना है, जो माफ ना करै है, बुराई कन्‍नै बारो, सबर ना रखनै बारो, कठोर, अच्‍छाई को दुसमन।

इफिसिऔ 4:22

कै तुम अपने पुराने चाल-चलन और सौभाब कै बदल दो कैसेकै बौ भटकानै बारी इच्‍छाऔं की बजै सै भरस्ट होतो जावै है।

इफिसिऔ 4:25

इसताँई तुम झूँट बोलनो छोड़ दो और आपस मै सच बोलौ, कैसेकै हम सबई आपस मै एक दूसरे के अंग हैं।