इफिसिऔ 4:29 - बुक्सा

²⁹ तुमरे मौह सै कोई बी गलत बात ना लिकरै, पर जरूरत के हिसाब सै बौई लिकरै जो उनके अग्गे बढ़ानै के ताँई अच्‍छो है जिस्सै कै उन सुन्‍नै बारौ के ऊपर उस्सै भलो होए।

इफिसिऔ 4:29 Referans Kwoze

कुलुसिऔं 4:6

तुमरी बोली हमेसा किरपा सै भरी और मीठी होए, जिस्सै कै तुमकै हर एक आदमी कै सई तरीका सै जबाब देनो आ जाय।

1 थिसलुनीकियौ 5:11

इसताँई एक दूसरे कै सान्‍ति दो, और एक दूसरे की हिम्मत बढ़ाते रौह। जैसो कै तुम कर बी रए हौ।

मत्‍ती 5:16

इसई तरै तुमरो उज्‍जेरो लोगौ के सामने चमकै कै बे तुमरे भले कामौ कै देखकै तुमरे अब्बा की, जो सुरग मै है, बड़ाई करैं।

1 पतरस 2:12

जो लोग बिसवासी ना हैं उनके बीच मै तुमरो चाल-चलन अच्‍छो रैह, चाँहे बे तुमरे ऊपर गलत काम कन्‍नै को इलजाम बी लगाऐ पर तुमरे भले कामौ कै देक्‍कै नियाय के दिन बे परमेसर की महिमा करैं।

लूका 4:22

सब उसकी बड़ाई कर रए हे। बाके मौह सै मीठे बोल सुनकै, बे सब हैरान हे। बे बोले, “का जौ यूसप को लौंड़ा ना है?”

1 पतरस 3:1

बईयरौं, तुम अपने लोग की बात माने करौ, इसताँई कै उनमै सै अगर कोई परमेसर के बचनौ कै ना मानै है, तौ बे तुमरे पबित्‍तर और आदर बारी जिन्‍दगी कै देक्‍कै, तुमरे बगैर कुछ कैए बिना मसी बिसवास मै आँय।

इफिसिऔ 4:16

जिसकी बजै सै सिगरो सरीर जोड़ मै बंधकै और एक संग मिलकै पियार मै बढ़तो जाऐ कैसेकै सिगरे अंग अपने आप खुद ठीक ठाक काम करै हैं।

इफिसिऔ 4:12

जिस्सै परमेसर नै पबित्‍तर लोगौ कै सेवा के काम के ताँई तईयार करो जिस्सै कै मसी मै बिसवास कन्‍नै बारे लोगौ की बढ़ौतरी होए।

2 पतरस 2:18

जे बेकार की घमंड की बात करकै और सरीर की बुरी इच्‍छा और लुचपन की बातौं मै उनकै अपनी ओर खैंच लेबै हैं, जो गलत सिक्‍छा मै हैं उन लोगौ सै अबी-अबी बचकै लिकरे हैं।

1 कुरन्‍थियों 14:19

मगर दूसरी दूसरी भासा मै दस हजार सब्द बोलनै सै जादा अच्‍छो तौ जौ है कै, मैं बिसवासिऔ की मंडली के लोगौ कै सिकानै के ताँई पाँच समजनै बारे सब्द बोलौं।

रोमियो 14:19

इसताँई उन बातौं मै लगे रैह, जिस्सै सान्‍ति मिलै है, और एक दूसरे कै आत्‍मिक रूप सै बढ़ाऔ।

रोमियो 15:2

हम्मै सै हर एक कै दूसरौं की भलाई और बढ़ौतरी के ताँई उनसै ऐंसो बरताब कन्‍नो चँईऐ कै बे हम सै खुस रैंह।

यहून्‍ना 1:37

और दौनौ चेलौ नै बाकी जौ बात सुनी तौ बे ईसु के पीछे चल पड़े।