इफिसिऔ 4:26 - बुक्सा

²⁶ घुस्सा तौ करौ पर पाप ना करौ और दिन छिपे सै पैले तुमरो घुस्सा खतम हो जानो चँईऐ।

इफिसिऔ 4:26 Referans Kwoze

याकूब 1:19

हे मेरे पियारे भईयौ, जौ बात कै तुम जानलो कै हर एक आदमी सुन्‍नै के ताँई तईयार रैह और बोलनै मै जल्दबाजी ना करै, और नाई जल्दी सै घुस्सा करै।

मत्‍ती 5:22

पर मैं तुमसै जौ कैरओ हौं, कै जो कोई अपने भईया के ऊपर घुस्सा करैगो बौ कचैरी मै सजा को भागी होगो, और जो कोई अपने भईया कै निकम्मो कैगो, तौ बौ यहूदी महासभा मै सजा को भागी होगो, और जो कोई कैए, ‘अरे मूरख!’ बौ नरक की आग के सजा को भागी होगो।

मरकुस 3:5

उनके मन की कठोरता देक्‍कै ईसु कै दुख भओ फिर ईसु नै घुस्सा मै भरकै चारौ ओर देखो और उस आदमी सै कैई, “अपनो हात बढ़ा,” उसनै ऐंसोई करो और बाको हात ठीक हो गओ।

मरकुस 10:14

जब ईसु नै जौ देखो तौ उसकै भौत घुस्सा आई। फिर उसनै उनसै कैई, “बालकौ कै मेरे धौंरे आन दो। उनकै मत रोकौ कैसेकै परमेसर को राज ऐंसोई को है।

याकूब 1:20

कैसेकै आदमी के घुस्सा की बजै सै जो परमेसर की नजरौ मै सई है बौ ना हो सकै है।