इफिसिऔ 4:22 - बुक्सा

²² कै तुम अपने पुराने चाल-चलन और सौभाब कै बदल दो कैसेकै बौ भटकानै बारी इच्‍छाऔं की बजै सै भरस्ट होतो जावै है।

इफिसिऔ 4:22 Referans Kwoze

रोमियो 6:6

हमकै कबी जौ ना भूलनो चँईऐ कै हमरो पुरानो सौभाब ईसु के संग कुरूस मै चढ़ा दओ गओ है, जिस्सै पाप को सरीर मर जाऐ और हम फिर सै पाप के दास ना बन पांऐ।

इबरानिओ 12:1

इसताँई जब गभाऔ की इत्‍ती बड़ी भीड़ हमकै घेरे भए है, तौ आऔ हम हर एक रुकाबट और उलझानै बारे पापौं सै छुट कै जो दौड़ हमकै दौड़नी है, बाकै सबर के संग दौड़ने मै लगे रैंह।

याकूब 1:21

इसताँई सिगरो मैलोपन और जो बुराई फैली हैं बाकै दूर करकै, बा बचन कै अपनाऔ जो तुमरे दिल मै बोओ गओ है और जो तुमरे पिरान कै बचा सकै है।

इबरानिओ 3:13

जब तक “आज” को मौको तुमरे धौंरे है हर दिन तुम एक दूसरे कै समजाते रौह, जिस्सै कै तुम्मै सै कोई बी पाप के बैहकाबे मै आकै अपने दिल कै कठोर ना कर ले।

तीतुस 3:3

कैसेकै हम बी पैले, मूरख और आगियाँ ना माननै बारे, और भरम मै पड़े भए और हर तरै की बुरी बासनाऔ और सुकबिलास के गुलाम हे, बैरभाव, जरन और नफरत कन्‍नै मै जिन्‍दगी बिता रए हे, हम सै लोग नफरत करै हे, और हम बी एक दूसरे सै बैर रक्‍खै हे।

इफिसिऔ 4:25

इसताँई तुम झूँट बोलनो छोड़ दो और आपस मै सच बोलौ, कैसेकै हम सबई आपस मै एक दूसरे के अंग हैं।

1 पतरस 4:3

कैसेकै तुम लोग अबिसवासी आदमिऔ के हाँई बैबिचार, बुरी इच्‍छा, पियकड़ लोग, ऐंसी दाबतौं मै जानो जहाँ कुकरम और बैबिचार होवै हैं, और दारू पीनै की दाबत और बेकार की मूरती पूजा कन्‍नै मै बौ बखत बिता चुके हौ।

इफिसिऔ 4:17

मैं तुम लोगौ सै परभु के नाम मै जौ चितौनी देरओ हौं कै तुम अब दुनिया के लोगौ के हाँई अपनो चाल-चलन ना रखिओ जो बेकार की बातौं की फिकर करै हैं।

2 पतरस 2:13

जो बुराई जे दूसरौं के संग करै हैं, तौ बैसोई इनौई के संग बुरो होगो; उनकै दिन के उज्‍जेरे मै सरीर के मजे के ताँई गन्‍दो काम कन्‍नो अच्‍छो लगै है, जे लोग कलंक और दोस हैं। जब बी बे दाबतौं मै रोटी खानै के ताँई तुमरे संग इखट्‍टे होवै हैं, तौ ऐंसो बरताब करै हैं जो आदमी के ताँई सरम की बात है।

1 पतरस 1:18

कैसेकै तुम जानौ हौ, कै जो बेकार की जिन्‍दगी तुमरे बापदादौं सै मिली है बासै तुमकै छुटकारो मिलो है और जौ छुटकारो सौने या चाँदी जैसी चीजौ सै ना मिलो है जो नास हो जावै है।

कुलुसिऔं 2:11

और बाई मै तुमरो खतना बी भओ है, बौ खतना आदमी को ना है, बौ तौ मसी को है जिसके दुआरा पाप बारो सरीर लिकारकै फैंक दओ जावै है।

इफिसिऔ 2:3

एक बखत हो जब हम बी अपने सरीर की गलत इच्‍छाऔं के हिसाब सै दिन काटै हे, और सरीर और मन की मरजी कै पूरी कन्‍नै मै लगे रैहबै हे, और सबई लोगौ के हाँई सौभाब सैई हम बी परमेसर के घुस्सा के लायक हे।

2 पतरस 2:7

और परमेसर नै धरमी लूत कै बचाओ जो अधरमी लोगौं की कुकरमी बारी जिन्‍दगी सै भौत दुखी हो।

गलातिऔ 1:13

तुमनै जौ बात बी सुनी होगी कै जब मैं यहूदी रीती रिबाज के हिसाब सै जिन्‍दगी जीवै हो तौ मेरो चाल-चलन कैसो हो। मैंनै परमेसर के बिसवासिऔ की मंडली के लोगौ कै भौत सताओ और उनकै नास कन्‍नै की कोसिस करी।

रोमियो 7:11

कैसेकै पाप कै नियम के दुआरा मौको मिल गओ तौ उसनै मैंकै धोको देओ और उसई नियम के दुआरा मैंकै मार दओ।

याकूब 1:26

अगर कोई आदमी खुद कै धरमी समजै है, पर अपनी जबान मै लगाम ना लगाबै है, तौ बौ खुद कै धोको देवै है और बाकी भक्‍ति बेकार है।

2 कुरन्‍थियों 11:3

पर मैं इसताँई डरौ हौं कै जैसे साँप नै हब्बा कै चालाँकी सै बैहकाओ हो, बैसेई कहीं तुमरे सच्‍चे मन और जो पियार तुम मसी सै करौ हौ बासै तुमकै भटका ना दै।

इफिसिऔ 4:31

तुम अपने बीच मै हर तरै को जरन, घुस्सा, चीखनो चिल्‍लानो, लड़ाई झगड़ो, घुस्सा सै आपो खोनो और हर तरै की बुराई कै अपने भीतर सै लिकार फैंकौ।