इफिसिऔ 4:14 - बुक्सा

¹⁴ जिस्सै कै हम ऐंसे बालक ना बनै जो हर किसी आदमी की गलत सिक्‍छा, ठग बिद्‍दिया और चालाँकी की आँधी मै पड़कै उनकी धोके की बातौं मै बहक जाँय।

इफिसिऔ 4:14 Referans Kwoze

इबरानिओ 13:9

तुम तरै-तरै की सिक्‍छा के बैहकाबे मै ना अईओ। तुमरे दिल के ताँई जौ अच्‍छो है कै बौ परमेसर की किरपा के दुआरा मजबूत करो जाय। पर खानै पीनै के नियम के ताँई ना, कैसेकै जो खानै पीनै के नियम कै मानै है उनकै कुछ फाएदा ना मिलै है।

1 कुरन्‍थियों 14:20

अरे भईयौ और बहनौ, तुम समज मै छोटे बालक ना बनौ, पर बुराई मै छोटे नादान बालक के हाँई बने रौह, और सोच-समज मै सिआने बनौ।

1 यहून्‍ना 4:1

मेरे पियारे लोगौ, हर आत्‍मा को बिसवास मत करौ, बलकन हमेसा उनकै परख कै देखौ कै का बे परमेसर की ओर सै हैं? जौ बात मैं तुमसै इसताँई कैरओ हौं, कैसेकै भौस्से झूँटी भबिसबानी कन्‍नै बारे दुनिया मै फैले भए हैं।

2 कुरन्‍थियों 2:17

हम उन भौस्से लोगौ के हाँई ना हैं, जो परमेसर के बचनौ कै खुद के फाएदा के ताँई मिलाबट करै हैं। पर हम तौ परमेसर के बचनौ को परचार सच्‍चाई और ईसु मसी के हक सै और परमेसर की नजरौ के सामने करै हैं।

याकूब 1:6

पर बौ बिसवास सै माँगै, और कुछ बी सक ना करै; कैसेकै जो सक करै है बौ समन्‍दर की लहरौं के हाँई है जो हवा सै उठै और इतै-उतै जावै है।

इफिसिऔ 6:11

परमेसर के सिगरे हतियारौं कै बांध लो, जिस्सै कै तुम सैतान की चालाँकी के सामने खड़े रैह सकौ।

मत्‍ती 24:24

कैसेकै झूँटे मसी और झूँटे नबी खड़े हौंगे और ऐंसे बड़े-बड़े चिन्‍न और चमत्कार दिखांगे कै अगर उनसै बन पड़ो तौ, बे चुने भए लोगौ कै बी बहका दंगे।

2 तीमुथियुस 4:3

कैसेकै ऐंसो दिन आगो जब लोग सई सिक्‍छा कै सुन्‍नोई ना चाँहंगे, पर बे अपनी इच्‍छा के हिसाब सै ऐंसे सिकानै बारे लोगौ कै लांगे, जो उनकै बेई बात बताऐ जो उनकै अच्‍छी लगै हैं।

यहूदा 1:12

जे लोग तुमरी दाबतौं मै आकै बेसरमौ के हाँई खावै-पीवै हैं और तुमरे ताँई जे लुके भए खतरा हैं और जे ऐंसे भेड़ चुंगानै बारे हैं जो अपनेई बारे मै सोचै हैं, बे बिना बरसे बादर के हाँई हैं, जिनकै बियार उड़ा ले जावै है, बे पतझड़ बारे बिना फल के पेड़ हैं, जो दो बार मर चुके हैं और जड़ सै उखड़ गए हैं।

परकासन 19:20

और बौ जनाबर और उसके संग बौ झूँटो नबी पकड़ो गओ, जिसनै जनाबर के सामने ऐंसे चमत्कार के चिन्‍न दिखाए हे, जिनके दुआरा उसनै उनकै बैहकाओ हो, जिनौनै उस जनाबर को निसान लगाओ हो, और जो उसकी मूरती की पूजा करै हे। बे दौनौ जिन्‍देई धदकती गन्धक की आग की झील मै डार दए।

गलातिऔ 3:1

ओ गलातिया मुलक के मूरख लोगौ तुमरे ऊपर किसनै जादू कर दओ है? तुमकै तौ जौ बात अच्‍छे तरीका सै समजाई ही कै ईसु मसी कै कैसे कुरूस मै चढ़ाओ हो।

मत्‍ती 24:11

भौत से झूँटे नबी उठ खड़े हौंगे और लोगौ कै ठगंगे।

1 यहून्‍ना 2:26

मैंनै जे बात तुमकै उन लोगौ के बारे मै लिखी हैं, जो तुमकै भटकानो चाँहै हैं।

2 तीमुथियुस 3:13

पर दुसट और धोको दैनै बारे की जिन्‍दगी और बेकार होती जागी और बे जो दूसरौं कै ठगै हैं, खुद बी धोको खावै हैं।

2 कुरन्‍थियों 4:2

पर जो गलत काम हम चोरी चोरी करै हे उनकै हमनै छोड़ दओ है, और ना हम चालाँकी करै हैं और ना परमेसर के बचन मै मिलाबट करै हैं। पर हम सच्‍चाई कै परमेसर के सामने परकट करै हैं और सिगरे लोग अपने मनौ मै जौ जानै कै जौ बात सच्‍ची है।

मत्‍ती 11:7

जब बे बहाँ सै चल दए, तौ ईसु यहून्‍ना के बारे मै लोगौ सै कैललगो, “तुम बियाबान मै का देखनै गए हे? का हवा सै हलते भए ढरसल कै?

1 कुरन्‍थियों 12:2

का तुमकै जौ बात पतो है कै जब तुम मूरती पूजा करै हे, तौ उन गूँगी मूरतिऔं के पिच्‍छे तुमकै जैसो चलाओ जातो तुम बैसेई चलै हे।

चेलौ के काम 23:21

पर तू उनकी बात ना मानीए, कैसेकै उनमै सै चालीस सै बी जादा लोगौ नै जौ कसम खाई है कै, ‘जब तक हम पौलुस कै ना मारंगे तब तक लै ना खांगे, ना पींगे।’ बे अब तईयार हैं बस तेरे हुकम के ताँई रुके पड़े हैं।”

1 यहून्‍ना 2:19

बे मसी बिरोदी हमरे बीच मैई सै लिकरकै गए हैं, कैसेकै बे हमरे अपने ना हे, अगर बे हमरे अपने होते, तौ बे हमरेई संग रैहते। पर बे चले गए, जिस्सै जौ साप-साप पतो लगै है, कै उनमै सै कोई बी हमरो अपनो ना हो।

2 पतरस 2:18

जे बेकार की घमंड की बात करकै और सरीर की बुरी इच्‍छा और लुचपन की बातौं मै उनकै अपनी ओर खैंच लेबै हैं, जो गलत सिक्‍छा मै हैं उन लोगौ सै अबी-अबी बचकै लिकरे हैं।

याकूब 3:4

देखौ, पानी को जिहाज कितनो बड़ो काए ना होए और हवा सै भलेई चल रओ होए पर बौ चलानै बारे की इच्‍छा के हिसाब सै एक छोटे से पतबार सै चलाओ जावै है।

1 तीमुथियुस 3:6

बौ एक नओ बिसवासी ना होनो चँईऐ कै बाकै घमंड हो जाय और बौ सैतान के हाँई सजा पाय।

2 तीमुथियुस 1:15

तुम जौ बात जानौ हौ कै एसिया मुलक के सिगरे बिसवासी लोग मैंकै छोड़ गए हैं। उनमै सै फुगिलुस और हिरमगिनेस बी हैं।

1 कुरन्‍थियों 3:19

कैसेकै जा दुनिया की बुद्‍धि परमेसर के नजरौ मै मूरखता के हाँई है, जैसो पबित्‍तर सास्तर मै लिखो है कै, “परमेसर गियानी लोगौ कै उनकी चालाँकी मै फसा देवै है।”