इफिसिऔ 1:9 - बुक्सा

⁹ अपनी इच्‍छा को भेद हमकै बानै अपने भले मकसद के अनुसार परकट करो, बा योजना कै मसी मै पूरो कन्‍नै के ताँई पैलेई फैसला करो हो।

इफिसिऔ 1:9 Referans Kwoze

2 तीमुथियुस 1:9

बानै हमकै मुक्‍ति दई है और हमकै पबित्‍तर जिन्‍दगी जीनै के ताँई बुलाओ है, जौ सबई कुछ हमरे कामौ की बजै सै ना पर बा मकसद और किरपा की बजै सै भओ है। जौ बरकत हमकै जा दुनिया के बन्‍नै सै पैलेई ईसु मसी मै देर खाई है।

इफिसिऔ 1:11

सबई कुछ अपने मकसद और इच्‍छा के अनुसार काम कन्‍नै बारे परमेसर नै पैलेई तय करो और अपनी योजना के अनुसार मसी मै हमकै बाको लौंड़ा होनै के ताँई छाँटो है।

इफिसिऔ 3:11

परमेसर नै अपने मन मै जौ मकसद हमेसा सै रखर खाओ हो, बौ बानै हमरे परभु ईसु मसी के दुआरा पूरो करो।

गलातिऔ 1:12

जौ अच्‍छी खबर ना तौ किसी आदमी की ओर सै मैंकै मिली, और ना किसी नै मैंकै सिकाओ है, पर बौ ईसु मसी के परकट होनै के दुआरा मैंनै पाई है।

1 तीमुथियुस 3:16

और जा बात मै कोई सक ना है कै जो अच्‍छी खबर हमकै मिली ही, बौ सबसै बड़ी है। मसी आदमी के सरीर के रूप मै जलम लेकै परकट भओ, और परमेसर के आत्‍मा नै बाकै धरमी ठैराओ, सुरगदूतौं नै बाकै देखो, दूसरे देस के लोगौ मै बाको परचार भओ। दुनिया के लोगौ नै बाके ऊपर बिसवास करो, और महिमा के संग बाकै ऊपर उठा लओ गओ।

रोमियो 8:28

और हम जानै हैं, कै जो लोग परमेसर सै पियार रक्‍खै हैं, मतलब जिसकै परमेसर नै अपनी मरजी सै बुलार खाओ है उनके ताँई सब बात मिलकै भलाई कैई लामै हैं।

गलातिऔ 1:16

और अपने लौंड़ा कै मैं मै परकट करो जिस्सै कै मैं गैर यहूदी लोगौ के बीच मै बाके लौंड़ा की अच्‍छी खबर को परचार करौं, तौ मैंनै तुरन्‍त जाकै किसी आदमी की सला ना लई।

चेलौ के काम 13:48

जौ बात सुनकै गैर यहूदी लोग खुस भए और परभु के बचन की बड़ाई करल लगे, पर जितनेऔ कै हमेसा की जिन्‍दगी के ताँई छाँटकै रखर खाओ हो उन्‍नै बिसवास करो।

मत्‍ती 13:11

ईसु नै जबाब दओ, “कै तुमकै सुरग के राज के भेदौं की समज देई गई है, पर उनकै ना।

चेलौ के काम 4:28

और जो कुछ तेरी मरजी और सकति सै पैलेई ठैराओ गओ हो, बैसोई होए।

चेलौ के काम 2:23

परमेसर के दुआरा ईसु के ताँई जौ योजना पैलेई सै बनार खाई ही और बाईके हिसाब सै पकड़बाओ गओ, और तुमनै अधरमिऔं के हात सै बाकै कुरूस मै चढ़ाकै मार डारो।

लूका 2:14

“सुरग मै परमेसर की जै हो और धरती मै उन लोगौं कै सान्‍ति मिलै जिस्सै बौ खुस है।”

लूका 12:32

“ऐ मेरे छोटे झुन्ड मत डरौ, कैसेकै तुमरो पिता तुमकै सुरग को राज दैनै कै तईयार है।

रोमियो 11:25

हे भईयौ, कहीं ऐंसो ना हो जाऐ, कै तुम अपने आपकै होसिआर समजल लगौ, इसताँई मैं ना चाँहौ हौं कै तुम इस राज सै अनजान रैहऔ, कै जब तक गैर यहूदी लोग पूरी तरै सै परमेसर के टब्बर के हिस्सा ना बन जावै हैं तब तक ईसराइली लोग ऐंसेई कठोर रैहंगे।

1 कुरन्‍थियों 1:21

कैसेकै परमेसर के बुद्‍धि के हिसाब सै जा दुनिया के लोग अपनेई बुद्‍धि सै परमेसर कै ना जानै हैं। तबई परमेसर कै जौ अच्‍छो लगो कै जिन परचार कन्‍नै बारे लोगौ कै जा दुनिया के लोगौ नै मूरख समजो उनई के परचार के दुआरा बिसवास कन्‍नै बारौ के ताँई मुक्‍ति को रस्ता खुलो।

गलातिऔ 1:15

पर परमेसर नै मैंकै तबई चुन लओ हो जब मैं अपनी अईया के गरब मै हो, और बानै अपने किरपा के दुआरा मैंकै बुलाओ हो,

इफिसिऔ 1:8

जौ किरपा बानै सिगरी बुद्‍धि और समज के संग हमकै खूब दई है।