कुलुसिऔं 3:12 - बुक्सा

¹² तुम परमेसर के छाँटे भए पबित्‍तर और पियारे लोग हौ। इसताँई दया, भलाई, दीनता, कोमलता और सबर कै पैहरलो।

कुलुसिऔं 3:12 Referans Kwoze

इफिसिऔ 4:32

तुम आपस मै एक दूसरे के ऊपर दया और रैहम करौ, और जिस तरै सै परमेसर नै मसी की बजै सै तुम लोगौ की गलतिऔं कै माफ करो बैसेई तुम बी एक दूसरे की गलतिऔं कै माफ करौ।

इफिसिऔ 4:2

तुम नमरता और लाड़ और सबर के संग हमेसा आपस मै पियार सै एक दूसरे की सैह लो,

1 यहून्‍ना 4:19

हम इसताँई पियार करै हैं कैसेकै पैले परमेसर नै हम सै पियार करो है।

कुलुसिऔं 3:10

और एक नओ सौभाब कै पैहर लओ है, जो तुमकै बनानै बारे के हाँई है जो बाकै जान्‍नै की ओर अग्गे बढ़ानै के ताँई नओ होतो रैहबै है।

2 पतरस 1:10

इसताँई हे भईयौ, तुम जौ बात जाननै के ताँई हमेसा तईयार रौह, कै परमेसर नै तुमकै सच्‍ची मैई बुलाओ और चुनो है। कैसेकै अगर तुम इन बातौं कै करौ हौ तौ तुम कबी ठोकर ना खाऔगे।

1 थिसलुनीकियौ 5:15

और तुम जा बात को धियान रक्‍खौ कै बुराई के बदले कोई बुराई ना करै, पर हमेसा एक दूसरे के संग और सबई लोगौ के संग भलाई कन्‍नै की कोसिस करे करौ।

2 कुरन्‍थियों 6:6

हमरी पबित्‍तर जिन्‍दगी, गियान और सबर की तागत सै, दया, पबित्‍तर आत्‍मा और सच्‍चो पियार,

गलातिऔ 5:6

पर मसी ईसु के संग रिस्ता रखनै के ताँई खतना होनो या खतना ना होनो दौनौ की कुछ ऐहमियत ना है, ऐहमियत सिरप बिसवास की है, जो पियार के दुआरा काम करै है।

1 पतरस 1:2

तुमकै परम पिता परमेसर पैलेई सै जानै हो और बानै तुमकै दूसरे लोगौ सै अगल छाँटो और पबित्‍तर आत्‍मा दुआरा पबित्‍तर करो गओ, ताकि तुम बाकी बात मानै और ईसु मसी के खून सै तुम साप हो जांऐ। तुमकै परमेसर की भौस्सी किरपा और सान्‍ति मिलती रैह।

2 तीमुथियुस 2:10

इसताँई परमेसर के चुने भए लोगौ के ताँई मैं दुख उठामौ हौं, जिस्सै बे बी मसी ईसु दुआरा मुक्‍ति के संग-संग हमेसा की महिमा पांऐ।

रोमियो 1:7

जिनमै सै तुम बी ईसु मसी के होनै के ताँई बुलाए गए हौ।

तीतुस 1:1

पौलुस की ओर सै जो परमेसर को दास और ईसु मसी को भेजो भओ चेला है। मैंकै परमेसर के चुने भए लोगौ कै बिसवास मै बढ़ानै और सच्‍चाई कै जान्‍नै के ताँई भेजो गओ है जिस्सै बे पबित्‍तर जिन्‍दगी जीऐं।

मत्‍ती 24:31

बौ तुरही की ऊँची अबाज के संग अपने दूतौ कै भेजैगो और बौ चारौ दिसाऔं सै, आसमान के कौने कौने सै अपने चुने भए लोगौ कै इखट्‍टे करैगो।

लूका 18:7

इसताँई का परमेसर अपने चुने भओ को फैसला ना करैगो, जो रात-दिन उसकी दुहाई देते रैहबैं हैं? का बौ उनके बारे मै देर करैगो?

लूका 1:78

हमरे परमेसर के दया सै हमनै सुरग सै एक नए दिन के हाँई मुक्‍ति की रौसनी पाई है।

मरकुस 13:27

उस टैम बौ अपने सुरगदूतौं कै भेजकै, धरती के इस कौने सै आसमान के उस कौने तक चारौ दिसाऔं सै अपने चुने भए लोगौ कै इखट्‍टे करैगो।

इफिसिऔ 4:24

तुम बा नए सौभाब कै पैहरलो जो परमेसर के रूप मै सच्‍ची मैई धरमी और पबित्‍तर बन्‍नै के ताँई बनार खाओ है।

2 तीमुथियुस 1:9

बानै हमकै मुक्‍ति दई है और हमकै पबित्‍तर जिन्‍दगी जीनै के ताँई बुलाओ है, जौ सबई कुछ हमरे कामौ की बजै सै ना पर बा मकसद और किरपा की बजै सै भओ है। जौ बरकत हमकै जा दुनिया के बन्‍नै सै पैलेई ईसु मसी मै देर खाई है।

फिलिप्‍पीऔ 1:8

परमेसर मेरो गभा है कै मैं मसी ईसु के पियार सै तुम सबके ताँई कितनो तड़प रओ हौं।

इफिसिऔ 1:4

दुनिया बनानै सै पैलेई परमेसर नै हमकै मसी मै छाँट लओ हो कै, हम बाके सामने पबित्‍तर और निरदोस बन सकैं। और जो पियार बौ हम सै करै है, बा बजै सै बानै ईसु मसी के दुआरा हमकै पैलेई अपनी औलाद ठैराओ और जौ बाई की मरजी और योजना ही।

रोमियो 9:11

तौ बालकौ के पैदा होनै सै पैले और उनको कुछ बी भलो बुरो कन्‍नै सै पैले परमेसर नै उनके करमौ के अनुसार ना छाँटो पर परमेसर नै अपनी मरजी सै एक बौ चुनो जिस्सै बाकी मरजी पूरी हो जाऐ।

मरकुस 13:22

कैसेकै झूँटे मसी और झूँटे नबी परकट हौंगे और ऐंसे चमत्कार और ऐंसे अचम्बे बारे काम दिखांगे, हो सकै तौ चुने भए कै बी चक्‍कर मै डार दैं।

मरकुस 13:20

अगर बे दिन परभु नै घटाए ना होते तौ कोई बी ना बचतो। पर उन चुने भए आदमिऔ के कारन जो बानै चुने हैं, बे दिन घटा दए हैं।

मत्‍ती 24:22

“अगर बे दिन घटाए ना जाते, तौ कोई आदमी ना बचतो, पर चुने भए लोगौ के कारन बे दिन घटा दए जांगे।

परकासन 17:14

बे मैमना के संग लड़ाई करंगे, पर मैमना अपने बुलाए भए और चुने भए और बिसवासिऔ के संग उनकै हरा देगो। कैसेकै बौ राजाऔं को राजा और परभुऔं को परभु है।”

2 यहून्‍ना 1:13

तेरी बहन जिसकै परमेसर नै चुनो है बाके बालक तेकै नमस्ते कैबै हैं।

मत्‍ती 24:24

कैसेकै झूँटे मसी और झूँटे नबी खड़े हौंगे और ऐंसे बड़े-बड़े चिन्‍न और चमत्कार दिखांगे कै अगर उनसै बन पड़ो तौ, बे चुने भए लोगौ कै बी बहका दंगे।

रोमियो 13:14

बलकन परभु ईसु मसी कै अपने भीतर बसालो, और अपने सरीर की इच्‍छाऔं कै पूरो कन्‍नै मै मत लगे रैहऔ।

1 कुरन्‍थियों 13:4

पियार मै सबर है, पियार मै दया है, पियार मै जरन ना होवै है, पियार खुद अपनी बड़ाई ना करै है और नाई घमंड करै है।