कुलुसिऔं 2:5 - बुक्सा

⁵ मैं अबी तुमसै भौत दूर हौं पर दिल सै तुम लोगौ के संग हौं और मैंकै जौ बात सुनकै भौत खुसी होवै है कै, तुम अपनी जिन्‍दगी मै नियम सै चल रए हौ और तुमरो बिसवास मसी मै पक्‍को है।

कुलुसिऔं 2:5 Referans Kwoze

1 थिसलुनीकियौ 2:17

पर ओ भईयौ और बहनौ, हम कुछ बखत के ताँई तुमरे दिल सै ना पर सरीर सै अगल भए हे। इसई बजै सै हमनै तुमसै मिलनै के ताँई और बी जादा कोसिस करी।

1 पतरस 5:9

बिसवास मै पक्‍के बने रौह और सैतान को बिरोद करौ कैसेकै तुम जौ जानौ हौ कै दुनिया मै जितने बिसवासी लोग हैं, बे सबई ऐंसेई दुख सैह रए हैं।

1 कुरन्‍थियों 16:13

चौकस रौह और मजबूती के संग बिसवास मै पक्‍के बने रौह और हिम्मत रक्‍खौ, तागत बारे बनौ।

इबरानिओ 3:14

जो बिसवास हमनै सुरू सैई रखर खाओ है बामै अगर हम आखरी बखत तक पक्‍के रैहबै हैं तौ हम मसी के साजेदार बनंगे।

1 कुरन्‍थियों 14:40

पर जे सबई बात सई तरीका सै और नियम के हिसाब सै होनी चँईऐ।

इबरानिओ 6:19

ऐंसी आस हमरे पिरान के ताँई भरोसेमंद और सुरक्‍छित है और जौ आस हमकै सच्‍चे परमेसर के मौजूदगी मै ले जावै है।

1 थिसलुनीकियौ 3:8

हम जौ बात सुनकै भौत खुस हैं कै तुम बिसवास मै मजबूत होकै खड़े हौ और परभु के संग हौ।

1 कुरन्‍थियों 15:58

हे मेरे पियारे भईयौ और बहनौ, पक्‍के होकै खड़े रौह। परभु के काम मै हमेसा बढ़ते रौह, कैसेकै तुमकै पतो है कै जो काम परभु के ताँई करौ हौ बौ बेकार ना है।

कुलुसिऔं 2:1

मैं चाँहौ हौं कै तुमकै जौ बात पतो चल जाय कै मैं तुमरे ताँई और लौदीकिया के बिसवासी लोगौ के ताँई और उन सबई लोगौ के ताँई जिनौनै मैंकै कबी देखोई ना है, कैसी मैहनत कर रओ हौं।

1 कुरन्‍थियों 11:34

अगर किसी कै भूँक लगै है, तौ बौ अपने घर सै खाकै आय। जिस्सै कै तुम सबई को इखट्‍टो होनो तुमरे ताँई सजा की बजै ना बनै। बाकी की बातौं कै मैं आकै ठीक करंगो।

चेलौ के काम 2:42

जो नए बिसवासी लोग हे बे भेजे भए चेलौ सै सिक्‍छा पानै और संगत कन्‍नै, एक संग मिलकै रोटी कै खानै और पूरे मन सै पिराथना करल लगे।

चेलौ के काम 20:21

मैं यहूदी और यूनानी लोगौ सै बिनती करतो रैहओ कै परमेसर की ओर बढ़ौ और हमरे परभु ईसु मसी मै बिसवास करौ।