कुलुसिऔं 1:9 - बुक्सा

⁹ और जिस दिन सै हमनै जौ बात सुनी है, तब सै रोज हम तुमरे ताँई पिराथना और बिनती करै हैं कै, परमेसर तुमकै आत्मा के दुआरा सिगरी समज और बुद्‍धि दे, जिस्सै कै तुम बाकी इच्‍छा कै पूरे तरीका सै जान सकौ।

कुलुसिऔं 1:9 Referans Kwoze

याकूब 3:17

पर जो गियान परमेसर की ओर सै आवै है, बौ पैले तौ पबित्‍तर होवै है, फिर सान्‍ति बारो, नरम सौभाब बारो, खुली सोच बारो, दया और अच्‍छे करमौ सै भरो भओ, और भेदभाब ना कन्‍नै बारो और खरो आदमी।

याकूब 1:5

अगर तुम्मै सै किसी मै समज की कमी होए, तौ परमेसर सै माँगै, कैसेकै बौ सबई कै बिना डाँटे दिल खोलकै देवै है।

कुलुसिऔं 4:5

जो लोग बिसवासी ना हैं तुम उनके संग सोच समजकै बरताब करौ और मौके को सई फाएदा उठाऔ।

इबरानिओ 13:21

अपनी इच्‍छा कै पूरी कन्‍नै के ताँई परमेसर हर एक अच्‍छी चीजौ सै तुमकै भरै, और ईसु मसी के दुआरा जो परमेसर कै अच्‍छो लगै है बौ बाकै तुमरे भीतर करै। ईसु मसी की बड़ाई हमेसा-हमेसा होती रैह। ऐंसोई होए।

1 पतरस 2:15

कैसेकै परमेसर की इच्‍छा जौ है कै तुम भले काम करकै उन मूरख लोगौ को मौह बन्‍द कर दो जिनकै कोई अकल ना है।

2 थिसलुनीकियौ 1:11

इसताँई हम हरदम तुमरे ताँई पिराथना करै हैं कै हमरो परमेसर तुमकै बा जिन्‍दगी के लायक समजै जिसके ताँई तुमकै बुलाओ गओ है, और बा भलाई की सिगरी इच्‍छा और बे सिगरे काम बौ अपनी सकति सै पूरे करै है, जो तुमरो बिसवास को फल है।

1 थिसलुनीकियौ 5:17

हमेसा पिराथना करौ।

1 यहून्‍ना 5:20

हम जानै हैं कै परमेसर को लौंड़ा आ गओ है और बानै हमकै समज दई, ताकि हम बा सच्‍चे परमेसर कै जान लैं और बामै बने रैंह जो सच्‍चो है, कैसेकै हम बाके लौंड़ा ईसु मसी मै बने रैहबै हैं। जौई सच्‍चो परमेसर है और हमेसा की जिन्‍दगी है।

कुलुसिऔं 3:16

मसी के बचनौ कै अपने दिल मै पूरी तरै सै बसालो; और पूरे गियान सै एक दूसरे कै सिकाऔ और चितौनी दो, और अपने अपने मन मै धन्‍नबाद के संग परमेसर के ताँई किरतन करौ और भजन और आत्‍मिक गीत गाय करौ।

इबरानिओ 10:36

तुमकै सबर रखनै की जरूरत है जिस्सै कै तुम परमेसर की इच्‍छा कै पूरो कर सकौ और बा बादे कै तुम पा सकौ जो परमेसर नै करर खाओ है।

फिलिप्‍पीऔ 1:4

और जब बी मैं तुम सबई के ताँई पिराथना करौ हौं, तौ हमेसा खुसी के संग करौ हौं।

फिलेमौन 1:4

मैं अपनी पिराथना मै तुमकै याद करते भए हमेसा अपने परमेसर को धन्‍नबाद करौ हौं।

इफिसिऔ 6:6

तुम अपने मालिक कै खुस कन्‍नै के ताँई दिखावे को काम ना करौ, पर मसी के सेवक के हाँई अपने पूरे दिल सै काम करौ जिस्सै कै परमेसर की मरजी पूरी हो जाय।

रोमियो 12:2

अब इस दुनिया के हिसाब सै मत चलौ बलकन अपने मनौ कै नओ करकै अपने आपकै बदलौ ताकि तुमकै पतो चल जाऐ कै परमेसर तुमरे ताँई का चाँहबै है। यानी जो भौत अच्‍छो है, जो उसकै परसन्‍द है और जो परिपूरन है।

1 थिसलुनीकियौ 1:3

और हम अपने परमेसर और अब्बा के सामने तुमरे बिसवास के काम, और पियार की मैहनत और हमरे परभु ईसु मसी मै उमीद के सबर कै हमेसा याद करै हैं।

1 यहून्‍ना 2:17

दुनिया और बाकी बुरी इच्‍छा दौनौ खतम करी जा रईं हैं, पर जो परमेसर की इच्‍छा मै चलै है, बौ अमर हो जावै है।

1 पतरस 4:2

ताकि अग्गे की जो जिन्‍दगी बची है बाकै लालच और पापी आदमी के हाँई ना पर जैसो परमेसर चाँहै है, बैसेई जीऐं।

कुलुसिऔं 4:12

इपफरास जो तुमरे हिंया को है, बौ मसी ईसु को सेवक है, तुमकै नमस्कार कैबै है। बौ तुमरे ताँई हमेसा जौ पिराथना करतो रैहबै है कै तुम परमेसर की सिगरी मरजी के बारे मै पूरे तरीका सै समजकै और पक्‍के होकै टिके रौह।

कुलुसिऔं 1:6

जैसी अच्‍छी खबर तुमरे धौंरे आई बैसीई सिगरी दुनिया मै आई। बौ अच्‍छी खबर सैरी दुनिया मै फल रई है और बढ़ रई है बैसेई जिस दिन सै तुमनै अच्‍छी खबर सुनी और सच्‍चाई सै परमेसर की किरपा कै जान लओ बा दिन सै अच्‍छी खबर तुमरे भीतर फल रई है और बढ़ रई है।

इफिसिऔ 5:17

इसताँई तुम बेबकूफ बने ना रैहईओ, पर धियान सै समजिओ कै परभु की मरजी का है?

इफिसिऔ 5:10

तुम हर बखत जौ जान्‍नै मै लगे रौह कै परभु कै का अच्‍छो लगै है।

इफिसिऔ 1:8

जौ किरपा बानै सिगरी बुद्‍धि और समज के संग हमकै खूब दई है।

यहून्‍ना 7:17

अगर आदमी बौ कन्‍नो चाँहै, जो परमेसर की इच्‍छा है तौ बौ जौ जान जागो कै जो उपदेस मैं देवौ हौं बौ परमेसर को है, या मैं अपनी ओर सै देरओ हौं।

1 कुरन्‍थियों 1:5

तुम मसी के संग साजेदार होनै की बजै सै सबई चीजौ मै सेट हौ; परमेसर के बचन मै और उन सिगरी आत्‍मिक बातौं मै जिनकै तुम जानौ हौ, सेट बन गए हौ।

चेलौ के काम 12:5

जब पतरस कै जेल मै रक्‍खो गओ, तबई बिसवासिऔ की मंडली के लोगौ नै बाके ताँई एक मन होकै परमेसर सै पिराथना कन्‍नी सुरू करी।

फिलेमौन 1:6

इसताँई मेरी जौ पिराथना है, कै तेरे बिसवास कै एक दूसरे के संग बांटनो और तुमरी सिगरी भलाई की पैचान हमरे ताँई मसी मै फाएदे की हो।