चेलौ के काम 8:12 - बुक्सा

¹² पर जब उन्‍नै परमेसर के राज और ईसु मसी के बारे मै फिलिप्‍पुस सै अच्‍छी खबर सुनकै बाकी बातौं मैं बिसवास करो और का बईयरैं का आदमी सिगरे जनी जल संस्कार लेल लगे।

चेलौ के काम 8:12 Referans Kwoze

चेलौ के काम 2:38

तबई पतरस नै उनसै कैई, “गलत काम सै मन फिराऔ और अपने पापौं की माफी के ताँई ईसु मसी के नाम मै जल संस्कार लो, तौ तुम पबित्‍तर आत्‍मा को दान पा सकौगे।

चेलौ के काम 1:3

अपनी मौत के बाद ईसु नै अपने भेजे भए चेलौ कै भौस्से पक्‍के सबूत देकै साबित करो कै मैं फिर सै जिन्‍दो हो गओ हौं। बौ उनकै चालीस दिन तक दिखाई देतो रैहओ, और परमेसर के राज के बारे मै बतातो रैहओ।

मत्‍ती 28:19

इसताँई तुम जाकै सब जातिऔं के लोगौ कै चेला बनाऔ और उनकै अब्बा और पुत्‍तर और पबित्‍तर आत्‍मा के नाम सै जल संस्कार दो।

1 पतरस 3:21

जौ पानी बा जल संस्कार के हाँई है जिस्सै अब तुमकै मुक्‍ति मिलै है; जल संस्कार को मतलब सरीर को मैल धोनो ना हैं बलकन सच्‍चे मन सै परमेसर के संग बादो कन्‍नो है। जौ जल संस्कार ईसु मसी के फिर सै जिन्‍दे होनै के दुआरा हमरी मुक्‍ति करै है।

चेलौ के काम 2:41

और जिन आदमिऔ नै बाकी बातौं मै बिसवास करो, उन्‍नै जल संस्कार लओ, और उसई दिन उनके समू मै कम सै कम तीन हजार लोग उनके संग जुड़े।

गलातिऔ 3:28

तौ अब किसी मै कुछ फरक ना है, ना तौ कोई यहूदी और ना गैर यहूदी, ना गुलाम, ना कोई आजाद, ना कोई आदमी, ना कोई बईयर, तुम सबई मसी ईसु मै एक हौ।

रोमियो 10:10

दिल सै बिसवास कन्‍नै सै आदमी को रिस्ता परमेसर के संग सई हो जावै है और मौह सै माननै सै उसकै मुक्‍ति मिलै है।

1 कुरन्‍थियों 11:11

तौबी परभु मै आदमी कै बईयर की जरूरत है, और बईयर कै आदमी की जरूरत है।

चेलौ के काम 28:31

और बिना डरे खुल्‍लम खुल्‍ला होकै परमेसर के राज के बारे मै परचार करै हो और परभु ईसु मसी की बातौं कै लोगौ कै सिकाबै हो।

चेलौ के काम 20:25

“अब मैं जौ जानौ हौं कै जिनके बीच मै मैंनै परमेसर के राज को परचार करो है, बे मेरो मौह कबी ना देख पांगे।

चेलौ के काम 20:21

मैं यहूदी और यूनानी लोगौ सै बिनती करतो रैहओ कै परमेसर की ओर बढ़ौ और हमरे परभु ईसु मसी मै बिसवास करौ।

चेलौ के काम 18:8

तबई किसपुस नै जो यहूदी पिराथना घर को मुखिया हो, बानै अपने सिगरे टब्बर के संग परभु मै बिसवास करो। और उन भौस्से कुरिन्‍थुस के लोगौ नै जिनौनै पौलुस सै बचन सुनो हो, बिसवास करो और जल संस्कार लओ।

चेलौ के काम 11:20

इन बिसवासी लोगौ मै सै कुछ कुपरूस और कुरैन के हे, जो अन्‍ताकिया मै जाकै यूनानी लोगौ कै बी परभु ईसु की अच्‍छी खबर सुनाल लगे।

चेलौ के काम 5:14

फिर बी परभु के ऊपर बिसवास कन्‍नै बारे आदमी और बईयरैं जादा सै जादा बढ़ते जा रए हे।

लूका 9:60

तब ईसु नै बासै कैई, “मुरदौं कै अपने मुरदे दफनान दो, तू जा और परमेसर के राज को परचार कर।”

लूका 9:2

और बे परमेसर के राज की अच्‍छी खबर सुनानै और बेमारौं कै ठीक कन्‍नै के ताँई भेजे।

चेलौ के काम 8:4

पर जो बिसवासी लोग इतै-उतै बिखर गए हे बे अच्‍छी खबर को परचार करल लगे।

चेलौ के काम 19:5

जौ सुनकै उनौनै परभु ईसु के नाम सै जल संस्कार लओ।