चेलौ के काम 5:4 - बुक्सा

⁴ का बेचनै सै पैले बौ खेत तेरो ना हो? और बिकनै के बाद बी का बा पैसा के ऊपर तेरो हक ना हो? तैनै जौ बात अपने मन मै काए सोची? तैनै आदमी सै ना पर परमेसर सै झूँट बोलो है।”

चेलौ के काम 5:4 Referans Kwoze

चेलौ के काम 5:3

जा बात के ऊपर पतरस नै बासै कैई, “हे हननियाह, सैतान नै तेरे मन मै जौ बात काए डारी कै तू पबित्‍तर आत्‍मा सै झूँट बोलै, और खेत के पैसा मै सै कुछ बचाकै रख लै?

1 थिसलुनीकियौ 4:8

इसताँई जो कोई जा आगियाँ कै ना मानै है, बौ आदमी की ना पर परमेसर की बेजती करै है, जो हमकै अपनी पबित्‍तर आत्‍मा देवै है।

चेलौ के काम 5:9

तब पतरस नै बासै कैई, “तुम दौनौ नै परभु की आत्‍मा कै परखनै की सला कैसे बनाई? देख, तेरे लोग कै दफनानै बारे मौहड़े मैई खड़े हैं और बे तेकै बी ले जांगे।”

लूका 10:16

“जो तुमरी सुनै है, बौ मेरी सुनै है और जो तुमरी बेजती करै है, बौ मेरी बेजती करै है। जो मेरी बेजती करै है, बौ पिता परमेसर की बेजती करै है, जिसनै मैं भेजो हौं।”

याकूब 1:15

फिर जब बौ बुरी इच्‍छा गरबबती होवै है, तौ बौ पाप कै जलम देवै है, और जब पाप पूरो बढ़ जावै है, तौ बौ मौत कै जलम देवै है।

फिलेमौन 1:14

पर मैंनै तेरी इच्‍छा के बिना कुछ बी कन्‍नो ना चाँहो, कै तेरो ऐहसान लाचारी सै ना पर खुसी सै हो।

1 कुरन्‍थियों 8:8

खानो हमकै परमेसर के धौंरे ना पौंचा सकै है, अगर हम ना खावै हैं, तौ बासै हमकै कोई नुकसान ना है, और अगर हम बाकै खावै हैं, तौ बासै हमकै कोई फाएदा बी ना है।