चेलौ के काम 5:3 - बुक्सा

³ जा बात के ऊपर पतरस नै बासै कैई, “हे हननियाह, सैतान नै तेरे मन मै जौ बात काए डारी कै तू पबित्‍तर आत्‍मा सै झूँट बोलै, और खेत के पैसा मै सै कुछ बचाकै रख लै?

चेलौ के काम 5:3 Referans Kwoze

1 पतरस 5:8

होसिआर रौह और जगते रौह, कैसेकै तुमरो दुसमन सैतान एक दहाड़ते भए सेर के हाँई इतै-उतै घूमतो भओ जा मौके मै रैहबै है कै किसकै फाड़ खांऔ।

चेलौ के काम 5:9

तब पतरस नै बासै कैई, “तुम दौनौ नै परभु की आत्‍मा कै परखनै की सला कैसे बनाई? देख, तेरे लोग कै दफनानै बारे मौहड़े मैई खड़े हैं और बे तेकै बी ले जांगे।”

यहून्‍ना 13:27

और टुकड़ा लेतेई सैतान बामै बर गओ। इसताँई ईसु नै बासै कैई, “तेकै जो कन्‍नो है, जल्दी कर।”

यहून्‍ना 13:2

और खानै के टैम मै जब सैतान पैलेई सै समौन के लौंड़ा यहूदा इसकरोती के मन मै जौ बात डार चुको हो कै बौ बाकै धोके सै पकड़बागो,

याकूब 4:7

इसताँई परमेसर के आधीन रैहऔ। सैतान को सामनो करौ, तौ बौ तुमरे धौंरे सै भाज जागो।

चेलौ के काम 5:4

का बेचनै सै पैले बौ खेत तेरो ना हो? और बिकनै के बाद बी का बा पैसा के ऊपर तेरो हक ना हो? तैनै जौ बात अपने मन मै काए सोची? तैनै आदमी सै ना पर परमेसर सै झूँट बोलो है।”

चेलौ के काम 5:2

और जो पैसा मिलो हो बामै आपस मै सला करकै कुछ रख लओ और बाकी को हननियाह नै भेजे भए चेलौ के पाँऐऔं मै रक्‍खो।

लूका 22:3

तब यहूदा इसकरोती जो बारैह चेलौ मै गिनो जावै हो बौ सैतान नै बस मै करो।

मत्‍ती 13:19

जो कोई परमेसर के राज को बचन सुनै है पर समजै ना है, तौ सैतान तुरन्‍त आकै परमेसर के बचन कै जो उनके मन मै बोओ गओ हो, उसकै उठा ले जावै है, जे बेई हैं जो मैड़ के किनार बोए गए हे।