चेलौ के काम 3:6 - बुक्सा

⁶ तब पतरस नै कैई, “मेरे धौंरे सौनो और चाँदी तौ ना है, पर जो मेरे धौंरे है बौ मैं तेकै देवौ हौं। ईसु मसी नासरी के नाम सै खड़ो हो जा और चल।”

चेलौ के काम 3:6 Referans Kwoze

चेलौ के काम 3:16

“कैसेकै हम ईसु के नाम मै बिसवास करै हैं, और बाई बिसवास के दुआरा जो ईसु के नाम मै है, इस आदमी मै जान फूँकी है जिसकै तुम देखौ हौ और जानौ हौ। हाँ, बाई बिसवास नै जो ईसु सै मिलै है, तुम सबई के सामने जा आदमी कै पूरी तरै ठीक करो है।

चेलौ के काम 10:38

परमेसर नै ईसु नासरी कै पबित्‍तर आत्‍मा और सकति सै भरो हो और बौ सबई लंग फिर कै भलाई के काम करतो और जो लोग सैतान के बस मै हे उनकै बौ अच्‍छो करै हो, कैसेकै परमेसर बाके संग हो।

चेलौ के काम 4:10

पर तुम सबई और सिगरे ईसराइल के लोग जा बात कै जान लैं कै जौ काम नासरत के ईसु मसी के नाम सै भओ है जिसकै तुमनै कुरूस मै चढ़ाओ, और परमेसर नै बाकै मरे भएऔं मै सै जिन्‍दो करो और जौ आदमी बाई की बजै सै अच्‍छो खासो तुमरे सामने खड़ो है।

चेलौ के काम 9:34

पतरस नै बासै कैई कै, “हे अनियास, ईसु मसी तेकै सई कर देगो, तू खड़ो हो जा और अपनो सितरो सई कर।” तबई बौ तुरन्‍त खड़ो हो गओ।

2 कुरन्‍थियों 8:9

कैसेकै तुम हमरे परभु ईसु मसी की किरपा कै जानौ हौ और जौ बी जानौ हौ कै सेट होते भए बी बौ तुमरे ताँई गरीब बनो जिस्सै कै बाके गरीब होनै सै तुम सेट हो जाऔ।

चेलौ के काम 16:18

बौ भौत दिनौ तक ऐंसोई करती रैहई, तबई पौलुस परेसान हो गओ और पिच्‍छे मुड़कै बा दुसट आत्‍मा सै कैई, “मैं तेकै ईसु मसी के नाम सै हुकम देवौ हौं कै, जामै सै तुरन्‍त लिकर जा।” तबई दुसट आत्‍मा लिकर गई।

मरकुस 16:17

बिसवास कन्‍नै बारे जे चमत्कार दिखाय करंगे। बे मेरो नाम लेकै दुसट आत्‍माऔ कै लिकारंगे, और नई नई भासा बोलंगे,

याकूब 2:5

हे मेरे पियारे भईयौ सुनौ; का परमेसर नै जा दुनिया के गरीब लोगौ कै ना चुनो कै बे बिसवास मै पक्‍के और मसी के राज के अधकारी हौं, जिसको बादो बानै अपने पियार कन्‍नै बारौ से करो है?

1 पतरस 4:10

परमेसर की ओर सै जिसकै जो खास बरदान मिलो है, बाकै एक अच्‍छे भन्डारी के हाँई, एक दूसरे की सेवा के काम के ताँई लगाऐ।

चेलौ के काम 4:7

उनौनै पतरस और यहून्‍ना कै सबई के बीच मै खड़ो करकै पूँछी, “तुमनै जौ काम किसके नाम सै और सकति सै करो है?”

चेलौ के काम 2:22

“हे ईसराइल के लोगौ इन बचनौ कै सुनौ, परमेसर नै ईसु नासरी के दुआरा तुम लोगौ के बीच मै ताजुब के काम करे और चिन्‍न, चमत्कार दिखाए जिस्सै कै जौ पतो लगै है कै ईसु कै परमेसर की ओर सै तुमरे धौंरे भेजो गओ है और तुम खुद बी जानौ हौ।

चेलौ के काम 2:36

“इसताँई अब ईसराइल को सिगरो टब्बर जौ जरूरई जान लै कै परमेसर नै बा ईसु कै ‘परभु’ और ‘मसी’ ठैराओ हो जिसकै तुमनै कुरूस मै चढ़ाऔ।”

मत्‍ती 10:9

अपने थैलिया मै सौनो, चाँदी या पैसा ना रक्‍खौ

मत्‍ती 7:22

उस दिन भौत से लोग मैंसै कैंगे, हे परभु, का हमनै तेरो नाम लेकै भबिसबानी ना करी, और तेरे नाम सै दुसट आत्‍माऔ कै ना लिकारो, और तेरो नाम लेकै भौत से चमत्कार ना दिखाए?

2 कुरन्‍थियों 6:10

हम दुखी लोगौ के हाँई दिखाई देवै हैं, पर हम हमेसा खुस रैहबै हैं। हम गरीब लोगौ के हाँई दिखाई देवै हैं, पर दूसरौं कै सेट बना देवै हैं। लोग समजै हैं कै हमरे धौंरे कुछ ना है तौबी हमरे धौंरे सब कुछ है।

यहून्‍ना 19:19

पीलातुस नै एक तक्‍ती मै लिखकै कुरूस मै टांग दई। और बामै जौ लिखो भओ हो, “नासरत को ईसु, यहूदिऔं को राजा।”

2 कुरन्‍थियों 8:12

कैसेकै जो तुमरी दैनै की इच्‍छा है, तौ बौ बाई मै सै दे, जो कुछ बाके धौंरे है, ऐंसोई दान परमेसर कै अच्‍छो लगै है। पर ना कै बौ बाके हिसाब सै देए, जो बाके धौंरे ना है।

मरकुस 14:8

बौ जो कुछ कर सकै ही उसनै करो, उसनै मेरे दफनाए जानै की तईयारी मै पैलेसैई मेरे सरीर मै ईत्‍तर मलो है।

1 कुरन्‍थियों 4:11

इस बखत हम भूँके पियासे और फटे भए लत्‍ता पैहरे भए हैं, और हमरे संग बुरो बरताब करो जावै है, और हम मारे बितारे फिरै हैं।

चेलौ के काम 3:5

तौ बानै उनसै कुछ मिल जानै की आस मै उनकी ओर देखो।

चेलौ के काम 3:7

बानै बाको खानो हात पकड़कै बाकै उठाओ और तुरन्‍त बाके पाँऐ और घूंटेऔ मै जियान आ गई।