चेलौ के काम 27:1 - बुक्सा

¹ जब जौ तय हो गओ कै हमकै पानी के जिहाज सै इटली जानो है तौ तबई उनौनै पौलुस और दूसरे कैदिऔ कै बी बहाँ के रोमी सैना के सूबेदार कै सौंप दओ जिसको नाम यूलियुस हो।

चेलौ के काम 27:1 Referans Kwoze

चेलौ के काम 25:25

पर मैं जान गओ कै जानै कुछ गलत काम ना करो है जिस्सै कै जाकै मौत की सजा मिलै। जब जानै रोमी राजा सै जौ बिनती करी कै मेरो फैसला राजाई करै तौ मैंनै जाकै रोमी राजा के धौंरे भेजनै को फैसला करो।

चेलौ के काम 25:12

तबई फेस्तुस अपने सलाकार के संग बातचीत करल लगो और पौलुस कै जबाब देते भए कैई कै, “तैनै रोमी राजा की माँग करी है, इसताँई तेरी सुनबाई रोमी राजा के सामने होगी।”

चेलौ के काम 10:1

केसरिया सैहर मै कुरनेलियुस नाम को एक आदमी हो जो रोम देस मै इटालियन नाम की सैना के दल को बड़ो सूबेदार हो।

चेलौ के काम 27:11

पर सूबेदार नै पौलुस की बात सै जादा जिहाज के मालिक और चलानै बारे की बातौं मै बिसवास करो।

चेलौ के काम 18:2

बहाँ उनकै अकुला नाम को एक यहूदी आदमी मिलो जिसको जलम पुन्‍तुस सैहर मै भओ हो। बौ अपनी बईयर पिरसीला के संग कुछ दिनौ पैलेई बहाँ रैहनै आओ हो। बे इटली छोड़कै इसताँई आए हे कै कलोदियुस नै सिगरे यहूदी लोगौ कै रोम सैहर छोड़नै को हुकम देर खाओ हो, और पौलुस उनसै मिलनै गओ।

इबरानिओ 13:24

अपने सिगरे अगुबौं और परमेसर के लोगौ कै नमस्कार कैह देईओ और इटली के लोग बी तुमकै नमस्कार कैबै हैं।

चेलौ के काम 28:16

जब हम रोम मै पौंच गए, तौ तबई पौलुस कै इकले रैहनै की ईजाजत मिल गई पर बाकी निगरानी कन्‍नै के ताँई एक सिपाई बाके संग रक्‍खो।

चेलौ के काम 27:43

पर सूबेदार नै पौलुस कै बचानै की सोची और बानै उनकै ऐंसो कन्‍नै सै रोको और हुकम दओ कै, जो तैहर सकै हैं बे कूद कै किनारे की ओर जाऐ।

चेलौ के काम 27:6

बहाँ सूबेदार यूलियुस कै इटली जानै बारो सिकन्‍दरिया को एक जिहाज मिलो और बानै हमकै बा जिहाज मै बिठा दओ।

चेलौ के काम 24:23

और फिर बानै सूबेदार कै हुकम दओ कै पौलुस कै जेल मै रखो जाऐ पर बाकै छूट देईओ जिस्सै कै बाके दोस्त बाकी जरूरत कै पूरी कर सकैं।

चेलौ के काम 23:17

तबई पौलुस नै किसी एक सूबेदार कै बुलाकै बासै कैई कै, “जा लौंड़ा कै सैनापति के धौंरे ले जा और जौ बासै कुछ कैनो चाँहै है।”

चेलौ के काम 23:11

बाई रात परभु बाके सामने आओ और कैई कै, “हिम्मत रख, कैसेकै जैसी तैनै ऐरूसलेम मै मेरी गभाई दई है, बैसेई रोम मै बी मेरी गभाई देनी है।”

चेलौ के काम 22:26

जौ बात सुनकै सूबेदार सैनापति के धौंरे गओ और कैई कै, “तू जौ का कर रओ है? जौ तौ रोमी आदमी है।”

चेलौ के काम 21:32

बानै तबई अपने संग कुछ सूबेदार और सिपाई लेए और भीड़ की ओर भाजो चलो आओ। जब लोगौ नै सैनापति और सिपाईऔं कै देखो, तबई उन्‍नै पौलुस कै पीटनो छोड़ दओ।

चेलौ के काम 19:21

जौ सब होनै के बाद पौलुस नै अपने दिल मै मकिदुनिया और अखाया इलाके सै होते भए ऐरूसलेम जानै की ठान लई और कैई कै, “बहाँ जानै के बाद मेरो रोम मै जानो बी सई होगो।”

चेलौ के काम 16:10

बाके जौ दरसन देखनै के बाद हमनै तबई मकिदुनिया जिला जानै की सोची कै, परमेसर नै हमकै बहाँ अच्‍छी खबर सुनानै के ताँई बुलाओ है।

चेलौ के काम 10:22

तब उन्‍नै कैई कै, “हमकै बड़े सूबेदार कुरनेलियुस नै भेजो है। बौ परमेसर के भक्‍त और धरमी आदमी है। सिगरे यहूदिऔं मै बाकी बेसानी इज्‍जत है। बाकै पबित्‍तर सुरगदूत नै ऐंसो कैई कै तेकै अपने घर बुलाकै तेसै बचन सुनै।”

लूका 23:47

जब रोमी सैनापति नै, जो कुछ भओ हो देखो तौ परमेसर की बड़ाई करते भए बोलो, “जौ जरूर एक धरमी आदमी हो।”

लूका 7:2

बहाँ एक सैनापति हो, बाको एक नौकर इत्‍तो बेमार हो कै मरनै बारो हो, बौ नौकर सैनापति को भौत पियारो हो।

मत्‍ती 27:54

तब सूबेदार और जो बाके संग ईसु को पैहरो दे रए हे, हालोचालो और जो कुछ भओ हो बाकै देक्‍कै भौत घबरा गए। बे बोले, “जौ सचमुच मै परमेसर को लौंड़ा हो।”

चेलौ के काम 28:1

जब हम ठीक ठाक बचकै लिकर आए तबई हमकै जौ पतो लगो कै जौ माल्‍टा टापू है।