चेलौ के काम 21:16 - बुक्सा

¹⁶ केसरिया के कुछ चेला बी हमरे संग आए, और बे हमकै कुपरूस के एक आदमी मनासोन के धौंरे लाए जो एक पुरानो चेला हो और हम बाके संग रैहए।

चेलौ के काम 21:16 Referans Kwoze

चेलौ के काम 21:8

दूसरे दिन हम सफर करकै केसरिया मै पौंचे और बहाँ हम फिलिप्‍पुस के घर गए जो अच्‍छी खबर को परचार करै हो। बौ ऐरूसलेम की बिसवासिऔ की मंडली के उन सात सेवकौ मै सै एक हो जिसकै काम कन्‍नै के ताँई छाँटर खाओ हो।

फिलेमौन 1:9

फिर बी उस पियार के कारन मैं तुमसै बिनती कन्‍नो ठीक समजौ हौं। मैं पौलुस, जो अब बुड्‍ढो हो गओ हौं और मसी ईसु के ताँई अब कैदी बी बन चुको हौं।

रोमियो 16:7

अन्‍दुरनीकुस और यूनियास कै मेरो नमस्कार। जो मेरे रिस्तेदार हैं और जो मेरे संग कैद मै हे, और इनकी भेजे भए चेलौ मै बी अच्‍छी जान पैचान है, जो मैंसै बी पैले मसी मै हे।

चेलौ के काम 15:39

इस बात की बजै सै दौनौ मै फूट पड़ गई और बे अगल अगल हो गए। बरनबास नै अपने संग मरकुस कै लओ और पानी के जिहाज सै कुपरूस मै चलो गओ।

चेलौ के काम 11:19

सितेफनुस के मरनै के बाद जो मुसीबत सुरू भंई हीं और जिसकी बजै सै जो बिसवासी लोग इतै-उतै बिखरे पड़े हे, बे फिरते फिरते फिनीकिया, कुपरूस और अन्‍ताकिया सैहरौं मै जा पौंचे हे, पर जे यहूदी लोगौ कै छोड़कै किसी दूसरे कै बचन ना सुनावै हैं।

चेलौ के काम 10:48

और बानै उनकै ईसु मसी के नाम से जल संस्कार लैनै को हुकम दओ। तबई उन्‍नै पतरस सै बिनती करी कै तू हमरे संग कुछ दिन और रैह।

चेलौ के काम 10:24

एक दिन के बाद बे केसरिया मै पौंचे, और कुरनेलियुस अपने टब्बर और दोस्तौ के संग उनको पैंड़ो देख रओ हो।

चेलौ के काम 8:40

पर फिलिप्‍पुस नै खुद कै असदोद नाम की जघै मै पाओ और जब तक केसरिया जघै मै ना पौंचो तब तक सिगरे सैहरौं मै अच्‍छी खबर को परचार करतो गओ।

चेलौ के काम 4:36

कुपरूस जघै मै एक आदमी हो जिसको नाम यूसप हो और बौ एक लेबी गोत को हो। और भेजे भए चेला बाकै बरनबास नाम सै बुलाबै हे, जिसको मतलब है, “हिम्मत बढ़ानै बारो लौंड़ा।”

चेलौ के काम 15:7

सला कन्‍नै के बाद पतरस नै खड़े होकै कैई कै, “हे भईयौ, तुम जौ बात जानौ हौ कै कुछ दिनौ पैले परमेसर नै तुम्मै सै मैंकै छाँटो, कैसेकै मेरे मौह सै गैर यहूदी लोगौ नै परमेसर की अच्‍छी खबर सुनी और बिसवास करो।