चेलौ के काम 2:42 - बुक्सा

⁴² जो नए बिसवासी लोग हे बे भेजे भए चेलौ सै सिक्‍छा पानै और संगत कन्‍नै, एक संग मिलकै रोटी कै खानै और पूरे मन सै पिराथना करल लगे।

चेलौ के काम 2:42 Referans Kwoze

इबरानिओ 10:25

और एक दूसरे सै मिलनो ना छोड़िओ जैसो कै भौस्से लोग करै हैं और जैसो तुम जानौ हौ कै मसी के आनै को दिन धौंरेई है। तौ तुम एक दूसरे को हौसला बढ़ाते रैहऔ।

चेलौ के काम 1:14

इनौके संग कुछ बईयरैं और ईसु की अईया मरियम और ईसु के भईया बी हे। जे सबई एक मन होकै पिराथना करे करै हे।

1 यहून्‍ना 1:3

हमनै जो देखो और सुनो है, बौई हम तुमकै बताबै हैं, जिस्सै तुम हमरे संग अब्बा और बाके लौंड़ा ईसु मसी के साती बनौ।

1 यहून्‍ना 1:7

पर अगर जैसे बौ खुद जोती मै है, बैसेई हम बी जोती मै चलैं, तौ एक दूसरे के संग हमरो अच्‍छो मेल-जोल होगो और परमेसर को लौंड़ा ईसु को खून हमकै सबई पापौं सै सुद्‍द कर देवै है।

चेलौ के काम 2:46

बे हर रोज एक मन होकै मन्‍दर मै इखट्‍टे होवै हे और आपस मै घर घर जाकै मिलजुलकै खुसी के संग रोटी खावै हे,

चेलौ के काम 20:7

हप्‍ता के पैले दिन जब हम परभु की याद मै रोटी तोड़नै के ताँई इखट्‍टे भए तबई पौलुस उनके संग बात बतकाल लगो कैसेकै बाकै दूसरे दिन जानो हो इसताँई आधी रात तक बौ उनके संग बात बतकातो रैहओ।

इफिसिऔ 6:18

और तुम हमेसा आत्‍मा मै हर तरै सै पिराथना और बिनती करते रौह, और चौकस रैहते भए हर बखत पक्‍के रैहकै सबई पबित्‍तर लोगौ के ताँई पिराथना करते रौह।

यहूदा 1:20

पर हे पियारे लोगौं, तुम अपने पबित्‍तर बिसवास मै बढ़ते रौह और पबित्‍तर आत्‍मा की सायता सै पिराथना करते रौह।

कुलुसिऔं 4:2

तुम लोग पिराथना मै चौकस होकै लगे रौह, और परमेसर को धन्‍नबाद करते रौह।

कुलुसिऔं 1:23

जौ जबई हो सकै है जब तुम बिसवास मै पक्‍के और मजबूत रौह और जो अच्‍छी खबर तुमनै सुनी है बाकी आस ना छोड़ौ, जिसको परचार सिगरी दुनिया मै करो गओ और जिसको मैं पौलुस सेवक बी हौं।

2 तीमुथियुस 3:14

पर तैनै जो बात सीकीं हैं और जो पक्‍को बिसवास तू करै है, बामै टिको रैह, तू जानै है कै जे बात तैनै किन लोगौ सै सीकीं हैं।

इफिसिऔ 2:20

तुम एक ऐंसो बनो भओ घर हौ जिसकी नीह खास चेलौ और नबिऔ के ऊपर खड़ी करी है और जिसको कौने को पत्‍थर खुद ईसु मसी है।

चेलौ के काम 14:22

और चेलौ कै मजबूत करते रैहए कै बिसवास मै बने रौह और उनसै जौ कैई कै, “हमकै भारी दुख झेलते भए परमेसर के राज मै जानो पड़ैगो।”

चेलौ के काम 6:4

और हम पिराथना और परमेसर के बचन के परचार मै लगे रैहंगे।”

चेलौ के काम 4:31

जब बे जौ पिराथना कर चुके हे, तौ बौ जघै जहाँ बे इखट्‍टे हे हल गई, और पबित्‍तर आत्‍मा सै भरकै, परमेसर को बचन हिम्मत के संग सुनाते रैहए।

1 कुरन्‍थियों 10:21

तुम परभु के और दुसट आत्‍माऔ दौनौ के कटोरा मै सै ना पी सकौ हौ। तुम परभु और दुसट आत्‍माऔ दौनौ के संग बैठकै रोटी ना खा सकौ हौ।

रोमियो 12:12

उमीद सै खुस रैहऔ, तुम मुसीबत मै हौसला रक्‍खौ और हमेसा पिराथना मै लगे रौह।

इबरानिओ 10:39

हम पिच्‍छे हटनै बारे ना हैं कै नास हो जांऐ, पर हम बिसवास कन्‍नै बारे हैं कै जान बचाऐ।

चेलौ के काम 11:23

बानै बहाँ पौंच कै परमेसर की किरपा कै लोगौ के बीच मै देखो और बेसानी खुस भओ और बानै सबई जनी कै जौ बात सिकाई कै पूरे दिल सै परभु के बिसवास मै बने रौह।

1 कुरन्‍थियों 11:2

मैं तुमरी बड़ाई इसताँई बतकावौं हौं, कैसेकै तुम सिगरी बातौं मै मैंकै याद करौ हौ, और जिन मसी सिक्‍छाऔ कै मैंनै तुमकै सिकाओ हो उनके ऊपर तुम अच्‍छे सै चलौ हौ।

चेलौ के काम 20:11

और फिर पौलुस नै ऊपर जाकै रोटी तोड़ी और खाकै भौत देर तक बात करतो रैहओ और तबई सकारो हो गओ और जाके बाद बौ चले गओ।

1 यहून्‍ना 2:19

बे मसी बिरोदी हमरे बीच मैई सै लिकरकै गए हैं, कैसेकै बे हमरे अपने ना हे, अगर बे हमरे अपने होते, तौ बे हमरेई संग रैहते। पर बे चले गए, जिस्सै जौ साप-साप पतो लगै है, कै उनमै सै कोई बी हमरो अपनो ना हो।

गलातिऔ 1:6

मैं जौ बात सुनकै चौंक गओ कै तुम परमेसर सै जिसनै मसी की किरपा के दुआरा तुमकै बुलाओ बाकै इत्‍ती जल्दी छोड़कै किसी दूसरी अच्‍छी खबर की ओर जा रए हौ।

चेलौ के काम 4:23

जब पतरस और यहून्‍ना छुटनै के बाद अपने लोगौ के धौंरे आए और जो कुछ मुक्‍ख पुजारिऔं और यहूदी बुजरगौं नै जो जो कैई ही, बे सिगरी बात अपने लोगौ कै बता दंई।

लूका 24:35

फिर उन दौनौ नै रस्ता मै जो भओ हो बे सब बात उनकै बता दंई और जौ बी कै उनौनै ईसु कै रोटी तोड़ते टैम कैसे पैचान लओ हो।

लूका 24:30

जब बौ उनके संग रोटी खानै बैठो, और बानै रोटी लेकै परमेसर को धन्‍नबाद करो, और उसकै तोड़कै उनकै देल लगो।

1 कुरन्‍थियों 14:6

इसताँई हे भईयौ और बहनौ, अगर मैं तुमरे धौंरे आकै दूसरी दूसरी भासा मै बोलौं तौ तुमकै मैंसै का फाएदा? पर अगर मैं परमेसर की ओर सै खास सन्‍देसो या गियान या परमेसर की ओर सै बोलनो या कुछ सिकानै की बात लेकै तुमरे धौंरे आऔं तौ तुमरो फाएदा होगो।

फिलिप्‍पीऔ 1:5

कैसेकै पैले दिन सै आज तक तुम अच्‍छी खबर के परचार मै मेरो सात देवै हैं।