चेलौ के काम 2:23 - बुक्सा

²³ परमेसर के दुआरा ईसु के ताँई जौ योजना पैलेई सै बनार खाई ही और बाईके हिसाब सै पकड़बाओ गओ, और तुमनै अधरमिऔं के हात सै बाकै कुरूस मै चढ़ाकै मार डारो।

चेलौ के काम 2:23 Referans Kwoze

लूका 22:22

कैसेकै आदमी के लौंड़ा के ताँई जो बात परमेसर नै पैलेसैई तय करी हैं, बौ बैसेई मरैगो। पर हाय उस आदमी कै जिसके दुआरा बौ पकड़बाओ जागो।”

चेलौ के काम 4:28

और जो कुछ तेरी मरजी और सकति सै पैलेई ठैराओ गओ हो, बैसोई होए।

चेलौ के काम 3:18

पर परमेसर नै नबिऔ के दुआरा जौ पैलेई सै किब्बा दओ हो, कै मसी दुख उठागो। उन बातौं कै परमेसर नै इस तरै पूरो करो हो।

1 पतरस 1:20

जा दुनिया कै बनानै सै पैलेई परमेसर नै मसी कै चुन लओ हो, मगर तुम लोगौ के ताँई बौ आखरी दिनौ मै परकट करो गओ।

चेलौ के काम 13:27

ऐरूसलेम मै रैहनै बारौ और नेताऔं नै ईसु कै ना पैंचानो और उन्‍नै उन नबिऔ की बातौं कै गलत ठैराओ जो आराम कन्‍नै बारे दिन पढ़ी जावै हीं।

मत्‍ती 26:24

आदमी को लौंड़ा तौ मरैगोई, जैसो कै बाके बारे मै पबित्‍तर सास्तर मै लिखो है, पर धिक्‍कार है उस आदमी मै, जो आदमी के लौंड़ा कै पकड़बावै है, बा आदमी के ताँई कितनो अच्‍छो होतो कै बौ पैदाई ना भओ होतो।”

रोमियो 4:17

पबित्‍तर सास्तर मै लिखो है, “मैंनै तेकै भौस्सी जातिऔं को अब्बा ठैराओ है।” उस परमेसर की नजरौ मै जिसके ऊपर इब्राहिम नै बिसवास करो हो, जो मरे भएऔं कै जिन्‍दो करै है और जो चीज हैई ना, बौ परमेसर के कैनै सैई बन जावै है।

चेलौ के काम 5:30

हमरे बापदादौं के परमेसर नै ईसु मसी कै जिन्‍दो करो, जिसकै तुमनै कुरूस मै लटका कै मार डारो।

परकासन 13:8

और धरती मै बे सब रैहनै बारे उस जनाबर की पूजा करंगे जिनके नाम दुनिया की सुरूआत सैई मारे भए मैमना की जिन्‍दगी की किताब मै ना लिखे गए हैं।

यहूदा 1:4

कैसेकै हमरे बीच मै कुछ बुरे लोग चोरी सै घुसे हैं, और बे परमेसर की किरपा को फाएदा गलत कामौ कै कन्‍नै के ताँई कर रए हैं, और जो हमरो एकई मालिक और परभु ईसु मसी है, बाकै ना मानै हैं। पबित्‍तर सास्तर मै पैलेई ऐंसे लोगौ के ताँई सजा के बारे मै लिखो भओ है।

1 पतरस 1:2

तुमकै परम पिता परमेसर पैलेई सै जानै हो और बानै तुमकै दूसरे लोगौ सै अगल छाँटो और पबित्‍तर आत्‍मा दुआरा पबित्‍तर करो गओ, ताकि तुम बाकी बात मानै और ईसु मसी के खून सै तुम साप हो जांऐ। तुमकै परमेसर की भौस्सी किरपा और सान्‍ति मिलती रैह।

चेलौ के काम 15:18

जौ बात कै बौई परभु कैबै है, जो युगौं-युगौं सै इन बातौं की खबर देतो आओ है।’”

लूका 24:20

और हम इसई बारे मै बात कर रए हे कै हमरे मुक्‍ख पुजारिऔं और अधकारिऔं नै बौ कैसे मौत की सजा दैनै के ताँई सौंप दओ। और उनौनै बौ कुरूस मै चढ़ा दओ।

लूका 22:37

कैसेकै मैं तुमसै कैरओ हौं कै, पबित्‍तर सास्तर मै लिखी भई बात, मैं मै जरूर पूरी हौंगी, ‘कै उसकी गिनती कुकरमिऔ मै भई,’ और जो कुछ मेरे बारे मै लिखो गओ है, बौ पूरो होनै मै है।”

चेलौ के काम 7:52

का ऐंसो कोई बी नबी बचो है जिनकै तुमरे बापदादौं नै सताओ ना होए? और उनौनैई उनकै बी मार डारो जिनौनै भौत पैलेई बा धरमी के आनै की खबर दई ही, बाई धरमी कै अब तुमनै धोको देकै पकड़बाओ और मरवा दओ।

यहून्‍ना 19:24

इसताँई उनौनै एक दूसरे सै कैई, “हम जाकै ना फाड़ै, पर जाके ताँई, परची डारै हैं कै जौ किसको होगो,” जिस्सै कै पबित्‍तर सास्तर की बात पूरी हो “उनौनै मेरे लत्‍ता आपस मै बाँट लए, और मेरे लत्‍ता के ताँई परची डारीं” और सिपाईऔं नै ऐंसोई करो।

1 पतरस 2:8

और जौ बौई पत्‍थर है जिस्सै लोगौ कै ठोकर लगैगी और जौ एक चट्‍टान है जिस्सै लोग गिर जावै हैं; कैसेकै बे तौ बचन कै ना माननै की बजै सै ठोकर खावै हैं और उनकै इसई के ताँई बनाओ बी गओ है।

मत्‍ती 20:19

फिर बाकी मजाक उड़ानै और कोड़ा मरवानै कै और कुरूस मै चढ़ानै के ताँई बाकै गैर यहूदिऔं के हातौ मै सौंप दंगे। पर तीसरे दिन बौ फिर जी उठैगो।”

मत्‍ती 27:35

उनौनै ईसु कै कुरूस मै चढ़ा दओ, और परची डारकै बाके लत्‍ता आपस मै बाँट लए।

मरकुस 15:24

तब उनौनै ईसु कै कुरूस मै चढ़ा दओ। और ईसु के लत्‍तौ कै आपस मै बाँटनै के ताँई परची डारीं और उसके लत्‍ता आपस मै बाँट लए।

लूका 23:33

फिर बे खोपड़ी नाम की जघै मै आए, और बहाँ ईसु कै और उन दो अपरादिऔं कै कुरूस मै चढ़ाओ। उन अपरादिऔं मै सै एक ईसु के खाने हात की ओर और दूसरो बाँई हात की ओर चढ़ाओ

यहून्‍ना 19:18

बहाँ उनौनै ईसु और बाके संग दो और आदमी कुरूस मै चढ़ाऐ एक कै इस ओर और दूसरे कै उस ओर और बीच मै ईसु कै।

चेलौ के काम 2:36

“इसताँई अब ईसराइल को सिगरो टब्बर जौ जरूरई जान लै कै परमेसर नै बा ईसु कै ‘परभु’ और ‘मसी’ ठैराओ हो जिसकै तुमनै कुरूस मै चढ़ाऔ।”

चेलौ के काम 5:28

“हमनै तुमकै जा नाम सै सिक्‍छा ना दैनै को साप-साप हुकम दओ हो, पर तुमनै सिगरे ऐरूसलेम मै जा बात को परचार कर दओ और जा आदमी की मौत के जिम्मेदार बी हमकै ठैरा चुके हौ।”

रोमियो 2:12

इसताँई जिनौनै बिना नियम पाए पाप करे, बे बिना नियम के नास बी हौंगे और जिनौनै नियम पाकै पाप करे उनकै डन्ड नियम के अनुसार मिलैगो।

1 थिसलुनीकियौ 2:15

यहूदी लोगौ नै परभु ईसु और नबिऔ कै मारो और हमकै बी सता कै लिकार दओ। और बे सबई आदमिऔ के खिलाप हैं और परमेसर उनसै खुस ना है।