चेलौ के काम 19:16 - बुक्सा

¹⁶ तबई बा आदमी नै जिसमै दुसट आत्‍मा ही बौ उनके ऊपर झपटो और उनको ऐंसो बुरो हाल करो कै बे घायल और नंगे होकै घर मै सै भाजे।

चेलौ के काम 19:16 Referans Kwoze

लूका 8:29

कैसेकै ईसु दुसट आत्‍माऔ कै उस आदमी सै लिकर जानै को हुकम देरओ हो। कैसेकै दुसट आत्‍मा बाकै बेरमबेरा चिपट जावै हीं और बस मै रखनै के ताँई लोग बाकै साँकरौ और बेड़िऔ सै बांध देवै हे, फिर बी बौ इन बंधनौ कै तोड़ देवै हो और दुसट आत्‍मा बाकै बिराने मै भजाऐ फिरै हीं।

मरकुस 5:15

और बे ईसु के धौंरे आए और जौ देखकै डर गए कै बौ दुसट आत्‍मा सै परेसान, जिसमै दुसट आत्‍माऔ की सैना समाई पड़ी ही, लत्‍ता पैहरे भए सान्‍ति सै बैठो भओ है।

लूका 8:35

तब लोग जो कुछ भओ हो उसकै देखनै लिकरे और ईसु के धौंरे आए। और उनौनै उस आदमी कै जिसमै सै दुसट आत्‍मा लिकरी हीं सान्‍ति सै लत्‍ता पैहरे भए ईसु के चरनौ मै बैठे भए देखो। बाको दिमाक एकदम सई हो, इस्सै बे सबई डर गए।

चेलौ के काम 3:8

और बौ कूद कै खड़ो हो गओ, और चलल फिरल लगो, और चलतो और कूदतो परमेसर की बड़ाई करतो भओ उनके संग मन्‍दर की दैहरी मै गओ।

चेलौ के काम 19:15

पर एक दुसट आत्‍मा नै कैई कै, “मैं ईसु कै जानौ हौं और पौलुस कै बी पैचानौ हौं पर तू कौन है?”

चेलौ के काम 19:17

जा बात को पतो इफिसुस के सिगरे यहूदी और यूनानी लोगौ कै लगो और जौ बात सुनकै बे डर गए और परभु ईसु के नाम की और बी बड़ाई करल लगे।

2 पतरस 2:19

बे उनकै आजाद होनै के ताँई बादो करै हैं, पर बे खुद पाप के दास हैं कैसेकै जो आदमी जिस्सै हार गओ बौ बाको दास बन जावै है।