चेलौ के काम 18:4 - बुक्सा

⁴ पौलुस आराम कन्‍नै बारे दिन यहूदी पिराथना घरौं मै जाकै और उनसै बैहसबाजी करकै यहूदी और यूनानी लोगौ कै समजाबै हो।

चेलौ के काम 18:4 Referans Kwoze

2 कुरन्‍थियों 5:11

परभु को डर मानते भए हम लोगौ कै समजानै की कोसिस करै हैं और परमेसर हमकै अच्‍छे ढंग सै जानै है, और मैं जौ उमीद करौ हौं कै तुमरो मन बी जौ बात जरूर जानै है।

चेलौ के काम 28:23

तबई उन्‍नै बाके ताँई एक दिन ठैराओ और बहाँ भौस्से लोग इखट्‍टे भए जहाँ पौलुस रुको हो। पौलुस नै परमेसर के राज के बारे मै गभाई दई और मूसा के नियम और नबिऔ की किताबौ सै ईसु के बारे मै सुबे सै रात तक समजातो रैहओ।

चेलौ के काम 17:17

इसताँई बौ रोज यहूदी लोगौ के पिराथना घर मै जाकै और यहूदी और गैर यहूदी लोगौ के संग बातचीत करल लगो और जो लोग बाकै घाट बजारौं मै मिलते उनके संग बैहैस करतो रैहतो।

चेलौ के काम 26:28

तबई राजा अगरिपा नै पौलुस सै कैई कै, “का तू जौ समजै है कै तू इत्‍ती आसानी सै मैंकै मसी मै बिसवास कन्‍नै के ताँई राजी कर लेगो?”

चेलौ के काम 19:26

तुमनै देखो और सुनो है कै बा पौलुस नै सिरप इफिसुस मै ना पर सिगरे एसिया के मुलक के लोगौ कै भड़का कै बैहका दओ है। और बानै कैई है कै, हात सै बनाए देबता सच्‍चे देबता ना हैं।

चेलौ के काम 19:8

पौलुस तीन महीना तक दूसरे यहूदी पिराथना घर मै जातो रैहओ, और बिना डरे परमेसर के राज के बारे मै समजातो रैहओ।

चेलौ के काम 18:13

और बोले, “जौ आदमी परमेसर की ऐंसी भक्‍ति कन्‍नी सिकाबै है, जो हमरे नियम के खिलाप है।”

चेलौ के काम 17:11

बिरिया सैहर के लोग थिसलुनीके के यहूदी लोगौ सै अच्‍छे हे और इनौनै बड़े धियान सै परमेसर को बचन सुनो और पौलुस नै जो बात कैंई हीं उनकै रोज पबित्‍तर सास्तर मै ढूंड़ते रैहए कै जे बात सच्‍ची हैं कै झूँटी हैं।

चेलौ के काम 13:14

उतै बे पिरगा सैहर सै अग्गे बढ़ते भए पिसिदिया जिला के अन्‍ताकिया सैहर मै पौंचे, और बे आराम कन्‍नै बारे दिन यहूदी लोगौ के पिराथना घर मै बैठे।

लूका 16:31

इब्राहिम नै उस्सै कैई, अगर बे मूसा और परमेसर के नबिऔ की ना सुनै हैं, तौ फिर कोई मरे भएऔं मै सै बी जी उठै तौबी बे उसकी ना मानंगे।”

लूका 4:16

फिर बौ नासरत सैहर मै आओ जहाँ बौ पलो बढ़ो हो। और बौ अपने रीती के हिसाब सै यहूदिऔं के आराम कन्‍नै बारे दिन पिराथना घर मै जाकै पढ़नै के ताँई खड़ो भओ।

यहून्‍ना 7:35

तब यहूदिऔं नै आपस मै कैई, “जौ आदमी कहाँ जानो चाँहै है कै हम बाकै ना ढूंड़ सकैं? का बौ उन यहूदी लोगौ के धौंरे जागो, जो यूनानी लोगौ के बीच मै इतै-उतै होकै बसे पड़े हैं, और का बौ यूनानी लोगौ कै बी सिक्‍छा देगो?

चेलौ के काम 9:20

और तबई बौ तुरन्‍त यहूदी पिराथना घरौं मै जाकै ईसु को परचार करल लगो कै, “ईसुई परमेसर को लौंड़ा है।”

चेलौ के काम 14:1

इकुनिया मै पौलुस और बरनबास यहूदी लोगौ के पिराथना घर मै गए और उन्‍नै उनकै ऐंसे बचन सुनाए कै यहूदी और गैर यहूदी लोगौ मै सै भौस्से लोगौ नै बिसवास करो।

चेलौ के काम 18:19

जब बे इफिसुस मै पौंचे तौ पौलुस नै अकुला और बाकी बईयर पिरसीला कै बहीं छोड़कै खुद यहूदी पिराथना घर मै जाकै यहूदी लोगौ सै बैहैस बाजी करल लगो।