चेलौ के काम 17:3 - बुक्सा

³ और पबित्‍तर सास्तर सै उनकै समजातो रैहओ कै मसी को दुख झेलनो और मर कै फिर सै जिन्‍दो होनो जरूरी हो कै, “जौई ईसु जिसकी कथा मैं तुमकै सुनावौं हौं मुक्‍ति दैनै बारो है।”

चेलौ के काम 17:3 Referans Kwoze

चेलौ के काम 18:28

और बानै पबित्‍तर सास्तर की बातौं सै यहूदी लोगौ को मौह बन्‍द कर दओ, कैसेकै बौ पबित्‍तर सास्तर सै पढ़कै जौ सबूत देवै हो कै ईसुई मसी है।

चेलौ के काम 9:22

पर साऊल और बी मजबूती के संग परचार करल लगो और दमिसक मै रैहनै बारे यहूदी लोगौ कै जौ सबूत दे देकै उनको मौह बन्‍द करै हो कै ईसुई मसी है।

लूका 24:32

फिर उनौनै आपस मै कैई, “जब बौ रस्ता मै हम सै बात कर रओ हो, और पबित्‍तर सास्तर को अरथ हमकै समजाबै हो, तौ का हमरे मन मै भौत जोस पैदा ना हो रओ हो?”

चेलौ के काम 3:18

पर परमेसर नै नबिऔ के दुआरा जौ पैलेई सै किब्बा दओ हो, कै मसी दुख उठागो। उन बातौं कै परमेसर नै इस तरै पूरो करो हो।

लूका 24:46

और उनसै कैई, “ऐंसो लिखो है, कै मसी दुख उठागो, और तीसरे दिन मरे भए मै सै जी उठैगो।

गलातिऔ 3:1

ओ गलातिया मुलक के मूरख लोगौ तुमरे ऊपर किसनै जादू कर दओ है? तुमकै तौ जौ बात अच्‍छे तरीका सै समजाई ही कै ईसु मसी कै कैसे कुरूस मै चढ़ाओ हो।

चेलौ के काम 1:4

ईसु मसी अपने चेलौ के संग रोटी खा रओ हो तौ तबई बानै उनकै जौ हुकम दओ कै, “ऐरूसलेम कै ना छोड़ौ, पर मेरे अब्बा परमेसर को बौ बादो पूरो होनै को पैंड़ो देखते रौह, जिसके बारे मै तुमनै मैंसै सुनो है।

यहून्‍ना 20:9

अबी तक बे पबित्‍तर सास्तर की बात ना समजे हे कै मरे भएऔं मै सै बाको जिन्‍दो होनो जरूरई है।

लूका 24:44

फिर बानै उनसै कैई, “जे मेरी बेई बात हैं, जो मैंनै तुमरे संग रैहते भए तुमसै कैई हीं, कै जरूरी है कै जितनी बात मूसा के नियम और नबिऔ और भजनौ की किताबौ मै, मेरे बारे मै लिखी हैं, सब पूरी हौं।”

चेलौ के काम 18:5

जब सीलास और तीमुथियुस मकिदुनिया सै आए, तौ पौलुस हर बखत यहूदी लोगौ कै बचन सुनावै हो और गभाई देवै हो कै ईसुई मसी है।