चेलौ के काम 17:2 - बुक्सा

² और जैसी पौलुस की आदत ही बैसेई बौ उनके धौंरे गओ और बानै तीन आराम कन्‍नै बारे दिनौ मै पबित्‍तर सास्तर सै उन लोगौ के संग बैहैस बाजी करल लगो।

चेलौ के काम 17:2 Referans Kwoze

चेलौ के काम 9:20

और तबई बौ तुरन्‍त यहूदी पिराथना घरौं मै जाकै ईसु को परचार करल लगो कै, “ईसुई परमेसर को लौंड़ा है।”

चेलौ के काम 18:4

पौलुस आराम कन्‍नै बारे दिन यहूदी पिराथना घरौं मै जाकै और उनसै बैहसबाजी करकै यहूदी और यूनानी लोगौ कै समजाबै हो।

चेलौ के काम 17:17

इसताँई बौ रोज यहूदी लोगौ के पिराथना घर मै जाकै और यहूदी और गैर यहूदी लोगौ के संग बातचीत करल लगो और जो लोग बाकै घाट बजारौं मै मिलते उनके संग बैहैस करतो रैहतो।

चेलौ के काम 17:10

तबई बहाँ के बिसवासी लोगौ नै रातौं रात पौलुस और सीलास कै बिरिया मै भेज दओ, और बे बहाँ पौंच कै यहूदिऔं के पिराथना घर मै गए।

चेलौ के काम 14:1

इकुनिया मै पौलुस और बरनबास यहूदी लोगौ के पिराथना घर मै गए और उन्‍नै उनकै ऐंसे बचन सुनाए कै यहूदी और गैर यहूदी लोगौ मै सै भौस्से लोगौ नै बिसवास करो।

चेलौ के काम 13:5

और सलमीस सैहर मै पौंच कै परमेसर को बचन बहाँ के यहूदी लोगौ के पिराथना घरौं मै सुनाओ और यहून्‍ना बी उनकी सायता कन्‍नै के ताँई संग हो।

चेलौ के काम 28:23

तबई उन्‍नै बाके ताँई एक दिन ठैराओ और बहाँ भौस्से लोग इखट्‍टे भए जहाँ पौलुस रुको हो। पौलुस नै परमेसर के राज के बारे मै गभाई दई और मूसा के नियम और नबिऔ की किताबौ सै ईसु के बारे मै सुबे सै रात तक समजातो रैहओ।

चेलौ के काम 8:35

तबई फिलिप्‍पुस नै बोलनो सुरू करो और किताब के जाई अध्‍याय सै ईसु की अच्‍छी खबर कै सुनाओ।

यहून्‍ना 18:20

ईसु नै बाकै जबाब दओ, “मैंनै दुनिया सै खुल कै बात करी हैं। मैंनै हमेसा पिराथना घरौं और मन्‍दर मै जहाँ सब यहूदी इखट्‍टे होवै हैं सिक्‍छा दई है, और मैंनै कबी बी चुपके सै कुछ ना कैई है।

लूका 4:16

फिर बौ नासरत सैहर मै आओ जहाँ बौ पलो बढ़ो हो। और बौ अपने रीती के हिसाब सै यहूदिऔं के आराम कन्‍नै बारे दिन पिराथना घर मै जाकै पढ़नै के ताँई खड़ो भओ।

चेलौ के काम 24:25

जब पौलुस परमेसर की अच्‍छाई, सबर और परमेसर के आनै बारे नियाय की बात कर रओ हो तौ तबई फेलिक्‍स डर गओ और कैई कै, “अबी तू जा और बखत आनै मै मैं तेकै फिर बुलांगो।”

चेलौ के काम 19:8

पौलुस तीन महीना तक दूसरे यहूदी पिराथना घर मै जातो रैहओ, और बिना डरे परमेसर के राज के बारे मै समजातो रैहओ।

चेलौ के काम 13:14

उतै बे पिरगा सैहर सै अग्गे बढ़ते भए पिसिदिया जिला के अन्‍ताकिया सैहर मै पौंचे, और बे आराम कन्‍नै बारे दिन यहूदी लोगौ के पिराथना घर मै बैठे।

मत्‍ती 26:24

आदमी को लौंड़ा तौ मरैगोई, जैसो कै बाके बारे मै पबित्‍तर सास्तर मै लिखो है, पर धिक्‍कार है उस आदमी मै, जो आदमी के लौंड़ा कै पकड़बावै है, बा आदमी के ताँई कितनो अच्‍छो होतो कै बौ पैदाई ना भओ होतो।”

1 कुरन्‍थियों 15:3

जो सबसै खास बात मैंकै मिली ही, बौई मैंनै सबसै पैले तुमकै बताई, जैसो पबित्‍तर सास्तर मै लिखो है, मसी हमरे पापौं के ताँई मरो,