चेलौ के काम 15:5 - बुक्सा

⁵ तबई जो फरीसी समू के बिसवासी लोग हे उनमै सै कुछ लोगौ नै खड़े होकै कैई कै, “गैर यहूदी लोगौ कै बी खतना कन्‍नो चँईऐ और उनकै मूसा के नियम कै माननै को बी हुकम दैनो चँईऐ।”

चेलौ के काम 15:5 Referans Kwoze

चेलौ के काम 15:1

तबई कुछ लोग यहूदिया परदेस सै अन्‍ताकिया मै आकै बिसवासी लोगौ कै सिकाल लगे कै, “अगर तुमरो खतना मूसा के नियम के तरीका सै ना भओ है तौ तुमकै मुक्‍ति ना मिल सकै है।”

चेलौ के काम 21:20

बाकी बात सुनकै उन्‍नै परमेसर की बड़ाई करी और बासै कैई कै, “हे भईया पौलुस, तू देख सकै है कै यहूदी लोगौ मै सै कितने हजार लोग हैं जिन्‍नै बिसवास करो, जो अपने नियम के ताँई बफादार हैं।

चेलौ के काम 15:24

हमनै जौ सुनो है कै हम्मै सै कुछ लोगौ नै हम सै बगैर पूँछे तुमरे बीच मै जाकै अपनी बातौं सै तुमकै दुख पौंचाओ है और तुमरो दिल कै बेचैन करो है।

चेलौ के काम 24:5

“हमरी बात जौ है कै जौ आदमी लड़ाई और दुनिया के सिगरे यहूदी लोगौ मै फूट पड़बा रओ है और नासरी लोगौ को मुखिया है।

मत्‍ती 3:7

जब यहून्‍ना नै देखो कै भौत से फरीसी और सदूकी उसके धौंरे जल संस्कार लैनै आ रए हैं तौ बौ उनसै बोलो “ओ, साँप की औलादौं! तुमकै किसनै जता दओ, कै परभु के आनै बारे घुस्सा सै भाजौ?

चेलौ के काम 5:17

तब बड़ो पुजारी और बाके संग के सदूकी लोग भेजे भए चेलौ सै जरल लगे इसताँई बे उनको बिरोद करल लगे।

चेलौ के काम 24:14

पर मैं तेरे सामने जा बात कै मान लेबौ हौं कै मैं अपने बापदादौं के परमेसर की आराधना ईसु की रस्ता के हिसाब सै करौ हौं जिसकै जे बेकार कैबै हैं, और जो कुछ मूसा के नियम मै और नबिऔ की किताबौ मै जो लिखो है, उनके ऊपर मैं बिसवास करौ हौं।

चेलौ के काम 28:22

पर जाके बारे मै तेरो कैनो का है? हम तेसै सुन्‍नो चाँहै हैं, कैसेकै हमकै पतो है कै हर जघै इन मसी समू के लोगौ को सबई बिरोद कर रए हैं।”

1 कुरन्‍थियों 7:18

अगर परमेसर के दुआरा किसी कै बुलाओ गओ है, और बाको खतना हो गओ है, तौ बौ जा बात कै लुकानै की कोसिस ना करै और अगर किसी कै परमेसर दुआरा बिना खतना बारे कै बुलाओ गओ है, तौ बौ अपनो खतना ना कराऐ।

गलातिऔ 2:11

पर जब पतरस अन्‍ताकिया मै आओ, तौ मैंनै बाके सामनेई बाको बिरोद करो, कैसेकै बाकी गलती ही।

गलातिऔ 2:14

पर जब मैंनै जौ देखो कै अच्‍छी खबर की सच्‍चाई के हिसाब सै उनको चाल-चलन ना हो, तौ तबई मैंनै सबई के सामने पतरस सै कैई कै, “तुम यहूदी होते भए बी गैर यहूदी की तरै जीवौ हौ, तौ तुम गैर यहूदी लोगौ कै यहूदी रीती रिबाज माननै के ताँई काए मजबूर कर रए हौ?”