चेलौ के काम 15:3 - बुक्सा

³ जब बिसवासिऔ की मंडली के लोगौ नै उनकै बिदा करो तौ बे फिनीकिया और सामरिया सै होते भए गैर यहूदी लोगौ कै पापौं सै मन फिरानै की अच्‍छी खबर सुनाते भए गए। जा खबर कै सुनकै सिगरे बिसवासी लोग भौत खुस भए।

चेलौ के काम 15:3 Referans Kwoze

चेलौ के काम 14:27

बे जब बहाँ पौंचे तौ उन्‍नै बिसवासिऔ की मंडली के लोगौ कै इखट्‍टो करो, और परमेसर नै जो कुछ उनके संग करो, बे बात उन लोगौ कै बताँई और जौ बात बी बताई कै गैर यहूदी लोगौ के ताँई बी परमेसर नै बिसवास को मौहड़ो खोल दओ है।

चेलौ के काम 21:5

जब हमरो बहाँ सै जानै को बखत आओ, तौ बे अपने टब्बर के संग हमकै बिदा कन्‍नै के ताँई सैहर के बाहार तक आए, और तबई हमनै समन्‍दर के किनारे घूंटे टेक कै पिराथना करी।

तीतुस 3:13

जेनास बकील और अपोलुस के सफर के ताँई जो कुछ जरूरी है पौंचा दे, और देख, कै, उनकै किसी चीज की कमी ना रैह।

1 कुरन्‍थियों 16:11

इसताँई कोई बी बाकै छोटो ना समजै, पर बाकै खुसी सै बिदा करिओ, जिस्सै कै बौ और भईयौ के संग मेरे धौंरे पौंच जाय, कैसेकै मैं बाको पैंड़ो देख रओ हौं।

1 कुरन्‍थियों 16:6

हो सकै है तौ मैं तुमरे हिंया कुछ देर ताँई रुकंगो और सायद तुमरे धौंरे जाड़े काटौं, जाके बाद जहाँ बी जानो होगो बहाँ जानै के ताँई तुम मेरी सायता करौगे।

रोमियो 15:24

इसताँई जब मैं इसपानिया देस मै जांगो तौ तुमरे धौंरे सै होतो भओ जांगो कैसेकै मैंकै उमीद है कै इसपानिया जाते भए तुमसै मिलंगो। और तुमरे संग कुछ दिन रुकनै की खुसी के संग मैंकै उमीद है कै बहाँ की यातरा के ताँई मैंकै बिदा करौगे।

चेलौ के काम 15:12

बरनबास और पौलुस की बातौं कै सिगरे जनी चुपचाप सुन रए हे कै परमेसर नै उनके दुआरा गैर यहूदी लोगौ मै कैसे बड़े-बड़े चिन्‍न और ताजुब के काम करे हैं।

2 कुरन्‍थियों 1:16

मैं जौ सोचौ हौं कै मैं तुमरे धौंरे सै होते भए मकिदुनिया जांऔ और बहाँ सै बापस लौहटते बखत तुमरे धौंरे फिर आऔं; जिस्सै कै तुम मैंकै यहूदिया की ओर जानै के ताँई बिदा करौ।

चेलौ के काम 28:15

जब रोम के बिसवासी भईयौ कै हमरे बारे मै पतो चलो तौ तबई बे अपियुस के चौराए मै तीन सराए नाम की जघै मै हम सै मिलनै के ताँई आए। पौलुस नै जब उनकै देखौ तौ परमेसर कै धन्‍नबाद दओ और भौत खुस भओ।

चेलौ के काम 13:52

पर अन्‍ताकिया के चेला खुसी सै और पबित्‍तर आत्‍मा सै भरते रैहए।

चेलौ के काम 13:48

जौ बात सुनकै गैर यहूदी लोग खुस भए और परभु के बचन की बड़ाई करल लगे, पर जितनेऔ कै हमेसा की जिन्‍दगी के ताँई छाँटकै रखर खाओ हो उन्‍नै बिसवास करो।

चेलौ के काम 8:14

जब ऐरूसलेम के भेजे भए चेलौ नै जौ सुनो कै सामरिया जिला के लोगौ नै बी परमेसर के बचन कै मान लओ है तौ पतरस और यहून्‍ना कै उनके धौंरे भेजो।

लूका 15:32

पर अब हमकै खुसी मनानी और मगन होनो चँईऐ, कैसेकै जौ तेरो छोटो भईया मर गओ हो, अब फिर जिन्‍दो हो गओ है पैले खो गओ हो, अब मिल गओ है।’”

चेलौ के काम 1:15

बा दिन के बाद एक दिन जब कम सै कम एक सौ बीस बिसवासी लोग इखट्‍टे हे, तबई पतरस नै बीच मै खड़े होकै उनसै कैई ही कै,

चेलौ के काम 15:1

तबई कुछ लोग यहूदिया परदेस सै अन्‍ताकिया मै आकै बिसवासी लोगौ कै सिकाल लगे कै, “अगर तुमरो खतना मूसा के नियम के तरीका सै ना भओ है तौ तुमकै मुक्‍ति ना मिल सकै है।”

चेलौ के काम 15:4

जब बे ऐरूसलेम मै पौंचे, तौ तबई बिसवासी लोग और भेजे भए चेलौ और बिसवासिऔ की मंडली के मुखियौं नै खुसी के संग उनको सुआगत करो और उनके दुआरा परमेसर नै जो कुछ करबाओ उन कामौ के बारे मै बताओ।

चेलौ के काम 15:22

तबई सिगरे बिसवासी लोग, और भेजे भए चेलौ और बिसवासिऔ की मंडली के मुखियौं नै जौ ठानो कै हम्मै सै कुछ लोगौ कै पौलुस और बरनबास के संग अन्‍ताकिया मै भेज दंगे। तबई उन्‍नै बरसब्बा जिसकै यहूदा बी कैबै हैं बाकै और सीलास कै छाँटो जो सिगरे भईयौ के मुखिया हे उनकै भेजो।

चेलौ के काम 15:32

यहूदा और सीलास नै जो खुद बी नबी हे, उनकै भौस्सी बात सिकाकै बिसवासी भईयौ को हौसला बढ़ाओ और उनकै भरोसे मै पक्‍को करो।

चेलौ के काम 17:15

जो लोग पौलुस कै छोड़नै गए हे उन्‍नै बाकै एथेन्स सैहर मै पौंचा दओ हो, और बे लोग सीलास और तीमुथियुस के ताँई जौ खबर लाए कै तुम मेरे धौंरे जल्दी अईओ।

चेलौ के काम 20:38

कैसेकै बानै उनकै ऐंसो कैई ही कै, “तुम मेरो मौह अब कबी बी ना देख पाऔगे,” इसई बात की बजै सै उनकै भौत दुख हो। तबई उन्‍नै बाकै पानी के जिहाज मै बिठा कै बिदा करो।