चेलौ के काम 14:1 - बुक्सा

¹ इकुनिया मै पौलुस और बरनबास यहूदी लोगौ के पिराथना घर मै गए और उन्‍नै उनकै ऐंसे बचन सुनाए कै यहूदी और गैर यहूदी लोगौ मै सै भौस्से लोगौ नै बिसवास करो।

चेलौ के काम 14:1 Referans Kwoze

चेलौ के काम 18:4

पौलुस आराम कन्‍नै बारे दिन यहूदी पिराथना घरौं मै जाकै और उनसै बैहसबाजी करकै यहूदी और यूनानी लोगौ कै समजाबै हो।

चेलौ के काम 13:51

तबई पौलुस और बरनबास नै उनकै चितौनी देते भए अपने पाँऐ की धूदर झाँड़ी और इकुनिया सैहर की ओर चले गए।

चेलौ के काम 13:46

तबई पौलुस और बरनबास नै बेधड़क होकै कैई कै, “जौ जरूरी हो, कै सबसै पैले तुमरे बीच मै परमेसर को बचन सुनाओ जाऐ, पर तुमनै तौ बाकै मानो ना और खुद कै हमेसा की जिन्‍दगी के ताँई लायक ना समजो, इसताँई हम गैर यहूदी लोगौ की ओर गए।

चेलौ के काम 14:21

उन्‍नै बा सैहर के लोगौ कै अच्‍छी खबर सुनाकै और भौस्से चेला बनाकै बे बापस लुस्तरा, इकुनिया और पिसिदिया जिला के धौंरे बारे सैहर अन्‍ताकिया मै आए।

गलातिऔ 3:28

तौ अब किसी मै कुछ फरक ना है, ना तौ कोई यहूदी और ना गैर यहूदी, ना गुलाम, ना कोई आजाद, ना कोई आदमी, ना कोई बईयर, तुम सबई मसी ईसु मै एक हौ।

रोमियो 10:12

ऐंसो इसताँई है कै यहूदिऔं और गैर यहूदिऔं मै कोई फरक ना है, सबको परभु एकई है। और उसकी दया उन सबके ऊपर होवै है जो उसको नाम लेबै हैं।

रोमियो 1:16

मैं अच्‍छी खबर सै ना सरमाबौ हौं, कैसेकै अच्‍छी खबर मुक्‍ति पानै के ताँई, जो उसके ऊपर बिसवास करै है, उन सबके ताँई परमेसर की सकति है पैले यहूदी के ताँई फिर यूनानी के ताँई।

चेलौ के काम 19:17

जा बात को पतो इफिसुस के सिगरे यहूदी और यूनानी लोगौ कै लगो और जौ बात सुनकै बे डर गए और परभु ईसु के नाम की और बी बड़ाई करल लगे।

चेलौ के काम 19:8

पौलुस तीन महीना तक दूसरे यहूदी पिराथना घर मै जातो रैहओ, और बिना डरे परमेसर के राज के बारे मै समजातो रैहओ।

चेलौ के काम 18:8

तबई किसपुस नै जो यहूदी पिराथना घर को मुखिया हो, बानै अपने सिगरे टब्बर के संग परभु मै बिसवास करो। और उन भौस्से कुरिन्‍थुस के लोगौ नै जिनौनै पौलुस सै बचन सुनो हो, बिसवास करो और जल संस्कार लओ।

चेलौ के काम 17:12

इसताँई उनमै सै भौस्से लोगौ नै बिसवास करो जिसमै यूनानी इज्जतदार घराने की बईयरैं और आदमी बी हे।

चेलौ के काम 17:4

उनमै से भौस्से लोगौ नै पौलुस और सीलास की बात मान लई और उनके संग हो गए और इनमै परमेसर को डर माननै बारे यूनानी लोग और इज्जतदार घराने की बईयरैं बी हीं।

चेलौ के काम 13:43

और जब संगत की बैठक खतम हो गई तबई भौस्से यहूदी और यहूदी धरम माननै बारे बड़े लोग पौलुस और बरनबास के पिच्‍छे आए, और तबई उन्‍नै उनके संग बात करकै समजाओ कै परमेसर के किरपा मै बने रौह।

चेलौ के काम 11:21

परभु की सकति उन लोगौ के संग ही और भौस्से लोगौ नै बिसवास करो और परभु की रस्ता मै चले।

चेलौ के काम 9:20

और तबई बौ तुरन्‍त यहूदी पिराथना घरौं मै जाकै ईसु को परचार करल लगो कै, “ईसुई परमेसर को लौंड़ा है।”

चेलौ के काम 21:28

तबई बे चिल्‍लाकै कैललगे कै, “हे ईसराइली लोगौ हमरी सायता करौ, जौ बौई आदमी है, जो सिगरी जघै मै जाकै सबई लोगौ कै नियम के खिलाप, ईसराइली लोगौ के खिलाप और जा मन्‍दर के खिलाप सिकातो रैहबै है। अब तौ जौ यूनानी लोगौ कै मन्‍दर मै लाकै जा पबित्‍तर जघै कै बी असुद्‍द करै है।”

चेलौ के काम 20:21

मैं यहूदी और यूनानी लोगौ सै बिनती करतो रैहओ कै परमेसर की ओर बढ़ौ और हमरे परभु ईसु मसी मै बिसवास करौ।

चेलौ के काम 17:17

इसताँई बौ रोज यहूदी लोगौ के पिराथना घर मै जाकै और यहूदी और गैर यहूदी लोगौ के संग बातचीत करल लगो और जो लोग बाकै घाट बजारौं मै मिलते उनके संग बैहैस करतो रैहतो।

चेलौ के काम 16:1

पौलुस दिरबे सै लुस्तरा सैहर मै बी गओ, और बाकै बहाँ तीमुथियुस नाम को एक चेला मिलो। बाकी अईया यहूदी बिसवासी ही, पर बाको अब्बा यूनानी हो।

चेलौ के काम 14:2

पर जिन यहूदी लोगौ नै बिसवास ना करो, उन्‍नै गैर यहूदी लोगौ कै भड़काओ और उनके मनौ मै बिसवासी भाई लोगौ के खिलाप जैहर भर दओ।

चेलौ के काम 13:5

और सलमीस सैहर मै पौंच कै परमेसर को बचन बहाँ के यहूदी लोगौ के पिराथना घरौं मै सुनाओ और यहून्‍ना बी उनकी सायता कन्‍नै के ताँई संग हो।

यहून्‍ना 12:20

जो आदमी फसै तौहार के ताँई ऐरूसलेम मै मत्‍था टेकनै जा रए हे, उनमै कुछ यूनानी हे।

यहून्‍ना 7:35

तब यहूदिऔं नै आपस मै कैई, “जौ आदमी कहाँ जानो चाँहै है कै हम बाकै ना ढूंड़ सकैं? का बौ उन यहूदी लोगौ के धौंरे जागो, जो यूनानी लोगौ के बीच मै इतै-उतै होकै बसे पड़े हैं, और का बौ यूनानी लोगौ कै बी सिक्‍छा देगो?

कुलुसिऔं 3:11

और अब किसी मै कोई फरक ना है, चाँहे यूनानी होए या यहूदी, चाँहे खतना बारो होए या बिना खतना बारो, चाँहे सैहर को होए या जंगल को, चाँहे गुलाम होए या आजाद। मसी सिगरी बातौं मै सबई सै बढ़कै है और बौ हम सबई मै रैहबै है।

गलातिऔ 2:3

पर तीतुस कै बी जो मेरे संग हो और जो यूनानी हो, तौबी बाकै जा बात के ताँई किसी नै मजबूर ना करो कै तू अपनो खतना करा।

चेलौ के काम 19:10

और दो साल तक बौ ऐंसोई करतो रैहओ जिस्सै कै एसिया के सिगरे रैहनै बारौ नै का यहूदी, का यूनानी सिगरेऔ नै परभु को बचन सुनो।

मरकुस 7:26

जौ यूनानी ही और सीरिया के फिनीकी मै पैदा भई ही, और उसनै ईसु सै बिनती करी कै, “हे गुरू, मेरी लौंड़िया सै दुसट आत्‍मा लिकार दे।”

चेलौ के काम 2:47

और ऐंसे बे लोग परमेसर की बड़ाई करै हे, और सबई लोग उनसै खुस हे। और जिन नए लोगौ कै हर दिन मुक्‍ति मिलै ही उनकै परभु उनके संग मिला देवै हो।

चेलौ के काम 14:19

अन्‍ताकिया और इकुनिया मै कुछ यहूदी लोग आए और बहाँ के लोगौ कै अपने संग कर लओ और पौलुस के ऊपर पत्‍थर मरवाए और बाकै मरो भओ समजकै सैहर के बाहार खचेड़ते भए लाए।

चेलौ के काम 16:2

लुस्तरा और इकुनिया के बिसवासी लोगौ मै तीमुथियुस की बड़ी इज्‍जत ही।

2 तीमुथियुस 3:11

जो सताब और मुसीबत मेरे ऊपर अन्‍ताकिया, इकुनिया और लुस्तरा मै भंई उनके बारे मै तू जानै है, मैंनै बौ सताब कै सैहन करो, पर परभु नै मैंकै उस सताब सै बचाओ।