चेलौ के काम 13:2 - बुक्सा

² जब बे बरत रैहकै परभु के भजन किरतन कर रए हे, तबई पबित्‍तर आत्‍मा नै उनसै कैई कै, “मेरे जा काम के ताँई बरनबास और साऊल कै अगल करौ जिसके ताँई मैंनै उनकै बुलार खाओ है।”

चेलौ के काम 13:2 Referans Kwoze

गलातिऔ 1:15

पर परमेसर नै मैंकै तबई चुन लओ हो जब मैं अपनी अईया के गरब मै हो, और बानै अपने किरपा के दुआरा मैंकै बुलाओ हो,

चेलौ के काम 9:15

पर परभु नै बासै कैई कै, “तू जा, कैसेकै जौ आदमी गैर यहूदिऔं और उनके राजाऔं और ईसराइली लोगौ के सामने मेरे बारे मै बोलनै के ताँई चुनर खाओ है।

2 तीमुथियुस 1:11

परमेसर नै मैंकै भेजो भओ चेला और परचार कन्‍नै बारो और गुरू इसताँई बनाओ कै मैं अच्‍छी खबर कै फैला सकौं।

1 कुरन्‍थियों 12:11

पर ऐंसी एक आत्‍मा है जो जे सिगरे काम करबाबै है, और अपनी मरजी सै जैसो जिसकै चाँहबै बैसोई बरदान दे देवै है।

रोमियो 1:1

जौ चिट्‌ठी ईसु मसी के दास पौलुस की ओर सै है, जो परमेसर दुआरा भेजो भओ चेला बन्‍नै के ताँई बुलाओ है, और उसकी अच्‍छी खबर दैनै के ताँई छाँटो गओ है।

1 तीमुथियुस 2:7

जाई बजै सै मैंकै परचार कन्‍नै के ताँई भेजो भओ चेला बनाओ है। मैं सच कैरओ हौं, झूँट ना बोल रओ हौं। मैंकै गैर यहूदी लोगौ के बिसवास और सच्‍चाई कै सिकानै के ताँई गुरूजी बनाओ गओ।

चेलौ के काम 22:21

“परभु नै मैंसै कैई कै, ‘तू जा, कैसेकै मैं तेकै गैर यहूदी लोगौ के धौंरे दूर-दूर तक भेजंगो।’ ”

चेलौ के काम 14:26

और बहाँ सै पानी के जिहाज मै बैठकै अन्‍ताकिया आए। जहाँ सै बा काम कै सुरू कन्‍नै के ताँई परमेसर सै आसीस माँगी ही बाई जघै बापस आए और उनौनै बौ काम अब पूरो करो।

कुलुसिऔं 4:17

और तुम अरखिपुस सै ऐंसे कैईयो कै, “जो सेवा परभु नै तेकै दई है बाकै पूरी कन्‍नै के ताँई होसिआर रैहईए।”

लूका 2:37

इसके बाद चौरासी साल उमर तक बौ राँड़ रैहई और मन्‍दर कै ना छोड़ै ही पर बरत और पिराथना करकै रात-दिन धियान लगाऐ करै ही।

2 तीमुथियुस 2:2

और जिन बातौं कै तैनै भौस्से गभाऔ के सामने मैंसै सुनो है, उनकै ऐंसे लोगौ कै सौंपीए जो बिसवास बारे हौं और दूसरौं कै सिकानै बारे बी हौं।

इफिसिऔ 3:7

परमेसर नै अपनी सकति के काम के दुआरा मैंकै जौ किरपा को बरदान दओ कै मैं बा अच्‍छी खबर कै परचार कन्‍नै बारो सेवक बनो।

चेलौ के काम 13:3

तबई उनौनै बरत और पिराथना कन्‍नै के बाद बरनबास और साऊल के ऊपर हात रक्‍खे और उनकै सेवा के ताँई भेज दओ।

चेलौ के काम 10:30

कुरनेलियुस नै कैई कै, “चार दिन पैले तीन बजे के बखत, मैं अपने घर मै पिराथना कर रओ हो, तबई एकदम सै चमकीले लत्‍ता बारो एक आदमी मेरे सामने आकै खड़ो भओ।

चेलौ के काम 10:19

पतरस बा दरसन के बारे मै सोचई रओ हो तबई पबित्‍तर आत्‍मा नै बासै कैई कै, “सुन, तीन आदमी तेकै ढूंड़ रए हैं।

चेलौ के काम 8:29

तबई पबित्‍तर आत्‍मा नै फिलिप्‍पुस सै कैई कै, “रथ के धौंरे जा और बाके संग-संग चल।”

मत्‍ती 9:38

इसताँई खेत के मालिक सै बिनती करौ कै बौ अपने खेत काटनै के ताँई मजदूरौ कै भेजै।”

मत्‍ती 6:16

“जब तुम बरत रक्‍खौ तौ, ढौंगिऔ के हाँई तुमरे मौह लटके भए ना दिखाई दैं, बे अपनो मौह इसताँई सुस्त रक्‍खै हैं कै बे लोगौ कै दिखाऐ कै बे बरत रख रए हैं, मैं तुमसै सच कैरओ हौं, कै बे अपनो ईनाम पा चुके हैं।

इबरानिओ 5:4

किसी बी आदमी कै बड़ो पुजारी को औहदा अपनी मरजी सै ना मिलै है पर परमेसर के बुलाए जानै के दुआरा मिलै है जैसे हारून कै।

2 तीमुथियुस 4:11

मेरे धौंरे बस लूका है। जब तू मेरे धौंरे आगो तौ मरकुस कै बी अपने संग लईए, कैसेकै सेवा के काम मै बौ मेरी सायता करै है।

2 तीमुथियुस 4:5

और तू सिगरी बातौं मै चौकस रैह, दुख सैह, अच्‍छी खबर के परचार को काम कर और अपनी सेवा पूरी कर।

2 कुरन्‍थियों 11:27

मैं कई मौके मै सो तक ना पाओ हो, मैं भूँको और पियासो रैहओ और कई दफै मैंकै रोटी तक ना मिल पाई ही, और जाड़े मै कम लत्‍ता की बजै सै मैं ठिटरतो रैहओ हौं।

2 कुरन्‍थियों 6:5

मार खाते भए, जेल मै रैहते भए, लड़ाई के बीच मै सबर, मैहनत करते भए, पूरी रात जगते भए, भूँके रैहते भए,

1 कुरन्‍थियों 7:5

तुम आपस मै एक दूसरे सै अगल ना रौह, पर रैहनो है तौ आपस मै बातचीत करकै कुछ बखत पिराथना के ताँई जरूर लिकारिओ और फिर उसके बाद संगई रैहईओ। कहीं ऐंसो ना हो जाऐ कै तुम खुद के ऊपर काबू ना रख सकौ और सैतान तुमकै परखै।

रोमियो 15:16

यानी मैं गैर यहूदिऔं के ताँई ईसु मसी को सेवक बनकै परमेसर की अच्‍छी खबर के ताँई एक पुजारी के हाँई परचार करौं जिस्सै कै गैर यहूदी लोग पबित्‍तर आत्‍मा के दुआरा पबित्‍तर करे जाने के बाद, परमेसर के ताँई गिरैहन जोग भेंट बन सकंगे।

रोमियो 10:15

और अच्‍छी खबर सुनानै बारो तब तक कैसे सुना सकै है जब तक कै उनकै भेजो ना जाऐ? जैसो पबित्‍तर सास्तर मै लिखो है, “अच्‍छी खबर सुनानै बारौं के पाँऐ कितने भारचे हैं?”

चेलौ के काम 20:28

इसताँई तुम अपनी और अपने लोगौ की देखभाल करौ, जिसके ताँई तुमकै पबित्‍तर आत्‍मा नै चुनो है, कैसेकै तुम बिसवासिऔ की मंडली के लोगौ के ताँई ऐंसे हौ जैसे गड़रिया भेड़ौ के झुन्ड के ताँई है। जिसकै परमेसर नै अपने लौंड़ा को खून देकै मोल लओ है।

चेलौ के काम 6:4

और हम पिराथना और परमेसर के बचन के परचार मै लगे रैहंगे।”

लूका 10:1

इन घटना के बाद परभु नै अगल सै बहत्‍तर चेला चुने और जिस जिस सैहर और गाम मै ईसु कै खुद जानो हो, बहाँ दो-दो करकै बे अपने अग्गे भेजे।

चेलौ के काम 4:36

कुपरूस जघै मै एक आदमी हो जिसको नाम यूसप हो और बौ एक लेबी गोत को हो। और भेजे भए चेला बाकै बरनबास नाम सै बुलाबै हे, जिसको मतलब है, “हिम्मत बढ़ानै बारो लौंड़ा।”

चेलौ के काम 13:4

पबित्‍तर आत्‍मा नै बरनबास और साऊल कै सिलुकिया नाम की जघै मै भेजो और बे बहाँ सै पानी के जिहाज मै बैठकै कुपरूस नाम के टापू मै पौंचे।

मत्‍ती 17:21

पर पिराथना और बरत के अलाबा किसी और उपाय सै दुसटौ की जौ जाति ना लिकारी जा सकै है।