चेलौ के काम 10:4 - बुक्सा

⁴ कुरनेलियुस नै बाकै धियान सै देखो और डर डरकै बोलो, “हे परभु का है?” सुरगदूत नै कैई कै, “तेरी पिराथना और गरीब कै देए भए दान के दुआरा तेसै परमेसर खुस है।

चेलौ के काम 10:4 Referans Kwoze

फिलिप्‍पीऔ 4:6

किसी बी बात की फिकर ना करौ, पर हर एक बात मै पिराथना और बिनती करे करौ और धन्‍नबाद के संग अपनी बिनतिऔं कै परमेसर के सामने रक्‍खौ।

इबरानिओ 6:10

तुमनै परमेसर के लोगौ के ताँई जिस पियार सै सेवा करी है और कर रए हौ बा पियार कै और तुमरे दूसरे कामौ कै परमेसर कबी ना भूलैगो, कैसेकै परमेसर अनियाय कन्‍नै बारो ना है।

चेलौ के काम 10:31

और बानै कैई कै, ‘हे कुरनेलियुस तेरी पिराथना परमेसर नै सुन लई है और तेरे बा दान कै जानै है जो तैनै गरीबौ कै दओ है।

परकासन 8:4

और सुरगदूत के हात सै धूपबत्‍ती को धुआँ पबित्‍तर लोगौ की पिराथनाऔ के संग-संग ऊपर गओ और परमेसर के सामने पौंचो।

फिलिप्‍पीऔ 4:18

अबी मेरे धौंरे सब कुछ है और जरूरत सै बी जादा, तुमनै इपफरूदितुस के हात सै जो दान भेजो हो, बाकै लेकै मेरी सिगरी जरूरत पूरी हो गंई, बौ खसबोई बारो भातो भओ बलिदान के हाँई है जिस्सै परमेसर खुस होवै है।

इबरानिओ 13:16

भलाई कन्‍नी और अपनी चीजौ कै दूसरे के संग बाँटनो ना भूलिओ कैसेकै ऐंसे बलिदानौ सै परमेसर खुस होवै है।

लूका 1:29

जौ बचन सुनकै बौ भौत घबरा गई, और बौ सोच मै पड़ गई कै इस बात को मतलब का है?

मत्‍ती 26:13

मैं तुमसै सच कैरओ हौं, कै सैरी दुनिया मै जहाँ कहीं जौ अच्‍छी खबर को परचार करो जागो, बहाँ इसके इस काम की चरचा बी याद करी जागी।”

चेलौ के काम 22:10

“तबई मैंनै बासै पूँछी कै, ‘हे परभु मैं का करौं?’ “तौ परभु नै मैंसै कैई कै, ‘खड़ो हो और दमिसक मै जा, तेकै मैं बहाँ सबई कुछ बता दंगो जिसके ताँई तेकै छाँटो गओ है।’

लूका 24:5

डर के मारे उन बईयरौं नै अपनी खोपड़ी जमीन की ओर झुका लई, तौ उन दो आदमिऔ नै उनसै कैई, “तुमकै जिन्‍दे कै मरे भए मै ना ढूंड़नो चँईऐ।

चेलौ के काम 3:4

पतरस और यहून्‍ना दौनौ नै बाकी ओर धियान सै देक्‍कै कैई, “हमरी ओर देख।”

चेलौ के काम 14:9

जौ आदमी पौलुस कै बात करते सुन रओ हो और पौलुस नै बाकी ओर गौर सै नजर उठाकै देखो कै बा आदमी मै जौ बिसवास है कै मैं अच्‍छो हो जांगो।