चेलौ के काम 1:16 - बुक्सा

¹⁶ “हे मेरे पियारे भईयौ और बहनौ, पबित्‍तर सास्तर की बौ भबिसबानी पूरी होनी जरूरी ही, जो पबित्‍तर आत्‍मा के दुआरा दाऊद के मौह सै यहूदा के बारे मै पैलेई सै कैई गई ही कै, यहूदा ईसु कै पकड़बानै बारौ मैसै सबई सै अग्गे हो।

चेलौ के काम 1:16 Referans Kwoze

यहून्‍ना 13:18

“मैं तुम सबई के बारे मै ना कैबौ हौं। मैं उनकै जानौ हौं जो मैंनै चुन लए हैं, पर जौ इसताँई है, कै पबित्‍तर सास्तर को जौ बचन पूरो भओ कै ‘बौ जो मेरी रोटी खावै है, बौई मेरे बिरोद मै हो गओ।’

चेलौ के काम 1:20

पतरस नै कैई, “कैसेकै भजन किरतन की किताब मै लिखो है कै, “‘बाको घर उजड़ जाऐ और बामै कोई ना बसै।’ और जौ बी लिखो है कै, ‘बाकी जघै कोई दूसरो ले लै।’

मत्‍ती 26:56

पर जौ सब इसताँई भओ है, कै नबिऔ नै जो लिखो है बौ पूरो हो जाय,” तब सब चेला ईसु कै छोड़कै भाज गए।

मत्‍ती 26:54

पर तब पबित्‍तर सास्तर को लेख कैसे पूरो होगो? बामै तौ लिखो है कै ऐंसोई होनो जरूरी है।”

मत्‍ती 26:47

ईसु जब बोलई रओ हो, यहूदा जो बारैह चेलौ मै सै एक हो आ गओ बाके संग तरवार और लठिया लए भए एक बड़ी भीड़ ही, जो मुक्‍ख पुजारिऔं और यहूदी नेताऔं नै भेजी ही।

1 पतरस 1:11

मसी की आत्‍मा जो उनके भीतर है, और जो उनकै बताबै है कै मसी कै कितने दुख झेलने पड़ंगे और बाकी कितनी बड़ाई होगी, इसताँई बे जा खोज मै लग गए कै मसी कौन है? और जे बात जा दुनिया मै कब हौंगी।

मरकुस 14:43

ईसु बोलई रओ हो कै उसके बारैह खास चेलौ मै सै एक यहूदा दिखाई पड़ो। उसके संग लठिया और तरवार लेए भए एक भीड़ ही, जिसकै मुक्‍ख पुजारिऔं, सास्तरिऔं और बुजरग इज्जतदार यहूदिऔं नै भेजो हो।

2 पतरस 2:21

जो कोई धरम की रस्ता कै जानकै बी बा पबित्‍तर आगियाँ कै तोड़ै है तौ उनके ताँई जौ अच्‍छो होगो कै बे उसकै जानतेई ना।

चेलौ के काम 23:6

जब पौलुस कै जौ पतो लगो कै बड़ी सभा मै आधे फरीसी और आधे सदूकी लोग हैं, तबई बौ जोर सै बोलल लगो कै, “हे भईयौ, मैं फरीसी और फरीसिऔं के बंस को हौं। मेरे ऊपर इसताँई मुकदमा चल रओ है कै मैं जौ बिसवास करौ हौं कै आदमी मरनै के बाद फिर सै जिन्‍दो होवै है।”

चेलौ के काम 23:1

बड़ी सभा के लोगौ की ओर देखते भए पौलुस नै कैई कै, “हे मेरे भईयौ, मैंनै आज तक परमेसर के ताँई सच्‍चे मन सै जिन्‍दगी जीई है।”

चेलौ के काम 22:1

“हे भईयौ, और बुजरगौं, अब जो मैं कैरओ हौं बाकै सुनौ।”

चेलौ के काम 15:7

सला कन्‍नै के बाद पतरस नै खड़े होकै कैई कै, “हे भईयौ, तुम जौ बात जानौ हौ कै कुछ दिनौ पैले परमेसर नै तुम्मै सै मैंकै छाँटो, कैसेकै मेरे मौह सै गैर यहूदी लोगौ नै परमेसर की अच्‍छी खबर सुनी और बिसवास करो।

चेलौ के काम 13:38

“इसताँई, हे भईयौ, तुम जौ बात जान लेईओ कै ईसु के दुआराई पाप की माफी की अच्‍छी खबर मिली है। मूसा के नियम के हिसाब सै कोई पाप सै छुटकारो ना पा सकै है, पर ईसु मसी मै बिसवास कन्‍नै बारे अपने पाप सै छुटकारो पा सकै हैं।

चेलौ के काम 13:15

मूसा के नियम और नबिऔ की किताब पढ़नै के बाद पिराथना घर के सिआने लोगौ नै उनसै जौ कैई कै, “हे भईयौ, तुमरे धौंरे कुछ सिकानै के ताँई कोई बचन है तौ तुम सुनाऔ।”

चेलौ के काम 7:2

सितेफनुस नै जबाब दओ, “हे भईयौ, और बुजरगौं मेरी बात सुनौ। हमरो अब्बा इब्राहिम हारान देस मै बसनै सै पैले जब मेसोपोटामिया जघै मै रैहबै हो तौ सकतिसाली परमेसर नै बाकै दरसन दओ,

चेलौ के काम 2:37

जब लोगौ नै जौ सुनी तौ उनको दिल बेचैन होल लगो और बे पतरस और दूसरे भेजे भए चेलौ सै कैललगे, “हे भईयौ, तौ हम का करैं?”

चेलौ के काम 2:23

परमेसर के दुआरा ईसु के ताँई जौ योजना पैलेई सै बनार खाई ही और बाईके हिसाब सै पकड़बाओ गओ, और तुमनै अधरमिऔं के हात सै बाकै कुरूस मै चढ़ाकै मार डारो।

यहून्‍ना 19:36

जे बात इसताँई भंई कै पबित्‍तर सास्तर को जौ बचन पूरो हो, “बाकी एक बी हड्‍डी तोड़ी ना जागी।”

यहून्‍ना 10:35

जबकि बानै उनकै भगबान कैई ही जिनके धौंरे परमेसर को बचन पौंचो और पबित्‍तर सास्तर की बात कबी झूँटी ना हो सकै हैं।

लूका 22:47

जब ईसु बात करई रओ हो तौ देखौ, एक भीड़ आ पौंची और बारैह चेलौ मै सै एक जो यहूदा कैलाबै हो, भीड़ के अग्गे-अग्गे चलो आ रओ हो, बौ ईसु कै चूमनै के ताँई उसके धौंरे आओ।

मरकुस 12:36

दाऊद नै खुद पबित्‍तर आत्‍मा सै भरकै कैई, परभु नै मेरे परभु सै कैई, मेरे खाने हात बैठ, जब तक मैं तेरे बैरिऔ कै तेरे पाँऐऔं के नीचे ना डार दौं।

चेलौ के काम 28:25

जब बे आपस मै एक दूसरे की बातौं सै सैहमत ना भए तौ बे जाल लगे, तौ तबई पौलुस नै जौ बात कैई कै, “पबित्‍तर आत्‍मा नै यसाया नबी के दुआरा तुमरे बापदादौं के बारे मै ठीक-ठीक कैई ही कै,

चेलौ के काम 28:17

तीन दिनौ के बाद पौलुस नै यहूदी नेताऔं कै बुलाओ और बे इखट्‍टे भए तबई पौलुस नै उनसै कैई कै, “हे भईयौ, मैंनै अपने देस के लोगौ के या अपने बापदादौं के नियम के खिलाप कुछ ना करो तब्बी मैंकै ऐरूसलेम मै बन्‍दी बनाकै रोमी लोगौ कै सौंप दओ।

चेलौ के काम 15:13

जब उन्‍नै अपनी बात खतम करी, तबई याकूब नै कैई कै, “हे भईयौ, मेरी बात सुनौ।

मत्‍ती 26:14

तब यहूदा इसकरोती जो बाके बारैह चेलौ मै सै एक हो, मुक्‍ख पुजारिऔं के धौंरे गओ और उनसै कैई,

यहून्‍ना 17:12

जब मैं उनके संग हो, तौ मैंनै तेरे बा नाम सै जो तैनै मैंकै दओ उनकै बचाकै रक्‍खो और रक्छा करी है, बामै सै कोई नास ना होओ, सिरप बाई को जिसको नास होनो पक्‍को हो। इसताँई कै पबित्‍तर सास्तर की बात पूरी हो।

2 पतरस 1:21

कैसेकै कोई बी भबिसबानी आदमी की मरजी सै कबी ना भई है। पर पबित्‍तर आत्‍मा की सायता सै आदमी परमेसर की ओर सै बोलै है।