चेलौ के काम 1:15 - बुक्सा

¹⁵ बा दिन के बाद एक दिन जब कम सै कम एक सौ बीस बिसवासी लोग इखट्‍टे हे, तबई पतरस नै बीच मै खड़े होकै उनसै कैई ही कै,

चेलौ के काम 1:15 Referans Kwoze

1 कुरन्‍थियों 15:6

और बाके बाद पाँच सौ सै बी जादा बिसवासी लोगौ कै एक संगई दिखाई दओ, और उनमै सै भौस्से लोग आज बी जिन्‍दे हैं, पर कुछ मर गए हैं।

परकासन 11:13

तबई उसई घड़ी एक बड़ो हालोचालो आओ, और सैहर को दसमो हिस्सा नास हो गओ। सात हजार आदमी मर गए और जो बच गए हे, उनौनै डर के मारे सुरग के परमेसर की महिमा करी।

चेलौ के काम 21:20

बाकी बात सुनकै उन्‍नै परमेसर की बड़ाई करी और बासै कैई कै, “हे भईया पौलुस, तू देख सकै है कै यहूदी लोगौ मै सै कितने हजार लोग हैं जिन्‍नै बिसवास करो, जो अपने नियम के ताँई बफादार हैं।

यहून्‍ना 21:23

इसताँई भईयौ मै जौ बात फैल गई कै बौ चेला ना मरैगो। पर ईसु नै बासै जौ ना कैई कै बौ ना मरैगो, बलकन जौ कैई ही, “अगर मैं चाँहौ कै बौ मेरे आनै तक जहीं रुको रैह, तौ तेकै इस्सै का?”

परकासन 3:4

“पर सरदीस मै तेरे धौंरे कुछ आदमी ऐंसे हैं जिनौनै अपने लत्‍ता असुद्‍द ना करे हैं। बे सपेद लत्‍ता पैहरे भए मेरे संग घूमंगे कैसेकै बे इस लायक हैं।

यहून्‍ना 14:12

“मैं तुमसै सच-सच कैबौ हौं, कै जो मेरे ऊपर बिसवास करै है, बे काम जो मैं करौ हौं, बौ बी करैगो और इनसै बी महान काम करैगो, कैसेकै मैं अब्बा के धौंरे जा रओ हौं।

लूका 22:32

पर मैंनै तेरे ताँई पिराथना करी है कै तेरो बिसवास ना डगमगाय और जब तू बापस मेरे धौंरे लौहट आए तौ अपने भईयौ को बिसवास मजबूत बना।”

मत्‍ती 13:31

ईसु नै उनके सामने एक और दासतान सुनाई, “सुरग को राज राई के एक दाने के जैसो है, जो किसी आदमी नै लेकै अपने खेत मै बो दओ।

चेलौ के काम 10:23

तबई पतरस उनकै भीतर ले गओ और उनकी सेवा करी। फिर दूसरे दिन बौ उनके संग चलो गओ और याफा के कुछ बिसवासी लोग बी बाके संग चल दए।

चेलौ के काम 11:1

भेजे भए चेलौ नै और उन बिसवासी भाई लोगौ नै जो यहूदिया मै हे जौ बात सुनी कै गैर यहूदी लोगौ नै बी परमेसर के बचन कै मान लओ है।

चेलौ के काम 11:12

पबित्‍तर आत्‍मा नै मैंकै कैई कै, डरिए मत तू इन लोगौ के संग चलो जा। और बे छै भईया बी मेरे संग गए और हम कुरनेलियुस के घर गए।

चेलौ के काम 11:26

जब बौ बासै मिलो तौ तबई बाकै बी अन्‍ताकिया मै लिआओ और बे एक साल तक बिसवासिऔ की मंडली के लोगौ सै मिलते रैहए और भौस्से लोगौ कै सिकाते रैहए और सबसै पैले चेलौ कै अन्‍ताकिया मै “मसी” कैओ गओ।

चेलौ के काम 11:29

तबई चेलौ नै फैसला करो कै यहूदिया मुलक मै बिसवासी भईयौ की सायता के ताँई अपनी कमाई मै सै कुछ भेजैं।

चेलौ के काम 12:17

तबई बानै उनकै चुप रैहनै के ताँई हात हलाकै इसारो करो और उनसै कैई कै, “परभु मैंकै जेल मै सै कैसे बाहार लिकारकै लाओ है।” फिर बानै कैई कै, “जा बात कै याकूब और दूसरे भईयौ सै कैह देईओ।” और तबई पतरस बहाँ सै किसी दूसरी जघै चलो गओ।

चेलौ के काम 14:2

पर जिन यहूदी लोगौ नै बिसवास ना करो, उन्‍नै गैर यहूदी लोगौ कै भड़काओ और उनके मनौ मै बिसवासी भाई लोगौ के खिलाप जैहर भर दओ।

चेलौ के काम 15:1

तबई कुछ लोग यहूदिया परदेस सै अन्‍ताकिया मै आकै बिसवासी लोगौ कै सिकाल लगे कै, “अगर तुमरो खतना मूसा के नियम के तरीका सै ना भओ है तौ तुमकै मुक्‍ति ना मिल सकै है।”

चेलौ के काम 15:3

जब बिसवासिऔ की मंडली के लोगौ नै उनकै बिदा करो तौ बे फिनीकिया और सामरिया सै होते भए गैर यहूदी लोगौ कै पापौं सै मन फिरानै की अच्‍छी खबर सुनाते भए गए। जा खबर कै सुनकै सिगरे बिसवासी लोग भौत खुस भए।

चेलौ के काम 16:2

लुस्तरा और इकुनिया के बिसवासी लोगौ मै तीमुथियुस की बड़ी इज्‍जत ही।

चेलौ के काम 16:40

और बे जेल से लिकरकै लुदीया के घर पौंचे, और बिसवासी भईयौ सै बात करकै उनकै हिम्मत दई और फिर बहाँ सै चले गए।

चेलौ के काम 17:6

जब बे पौलुस और सीलास कै ना पकड़ सके तौ उन्‍नै यासोन और कुछ बिसवासी लोगौ कै सैहर के अधकारिऔं के सामने खैंच कै ले गए और कैललगे कै, “जे लोग जिनौनै सिगरी दुनिया मै लड़ाई और हल्‍ला मचार खाओ है, अब जे हिंया आए हैं।

चेलौ के काम 17:10

तबई बहाँ के बिसवासी लोगौ नै रातौं रात पौलुस और सीलास कै बिरिया मै भेज दओ, और बे बहाँ पौंच कै यहूदिऔं के पिराथना घर मै गए।

चेलौ के काम 17:14

तबई बिसवासी लोगौ नै पौलुस कै समन्‍दर के किनार भेज दओ पर सीलास और तीमुथियुस बहीं रैहए।

चेलौ के काम 18:18

पौलुस भौत दिनौ तक कुरन्‍थ मै रैहओ। फिर बौ बिसवासी भईयौ सै बिदा ले कै किंखिरीया सैहर मै अपने बार इसताँई उतारे, कैसेकै बानै मन्‍नत माँगी ही। बौ इसके बाद पानी के जिहाज सै सीरिया कै चलो गओ और बाके संग पिरसीला और अकुला बी हे।

चेलौ के काम 18:27

जब अपोलुस नै अखाया जानै की सोची तौ तबई इफिसुस के बिसवासी भईयौ नै बाको सुआगत कन्‍नै के ताँई अखाया के बिसवासी लोगौ कै चिट्‌ठी लिखी। जब बौ बहाँ पौंचैगो तौ, जिन लोगौ नै परमेसर की किरपा सै बिसवास करो हो उनके ताँई बड़ी सायता कन्‍नै बारो है।

चेलौ के काम 21:7

जब हम सूर सैहर सै पानी को सफर पूरो करकै पतुलिमईस सैहर मै पौंचे, और बहाँ के बिसवासी लोगौ कै नमस्कार करकै उनके संग एक दिन रुके।

चेलौ के काम 21:17

ऐरूसलेम मै पौंचतेई हमकै बिसवासी लोग मिले और हमकै देक्‍कै भौत खुस भए।

चेलौ के काम 22:5

और जा बात के गभा बड़ो पुजारी और तुमरे सिगरे मुखिया हैं। मैंनै उनसै दमिसक के यहूदी भईयौ के ताँई चिट्‌ठी लिखबाई कै मैं बहाँ के ऐंसे लोगौ कै बन्‍दी बनाकै ऐरूसलेम मै लाकै सजा दौं।

चेलौ के काम 28:14

बहाँ कुछ बिसवासी भईया हमकै मिले और उन्‍नै हमकै अपने संग रुकनै के ताँई कैई और हम उनके संग सात दिन रुके और इस तरै सै हम रोम मै पौंचे।