Biblia Todo Logo
Bib sou entènèt

- Piblisite -




चेलौ के काम 1:11 - बुक्सा

11 और उनसै कैई, “हे गलील के लोगौ, तुम काए आसमान की ओर देख रए हौ? जैसे तुमनै ईसु कै, सुरग मै उठाते भए देखो है, बैसेई बौ फिर आगो।”

Gade chapit la Kopi




चेलौ के काम 1:11
23 Referans Kwoze  

देखौ, बौ बादरौं के संग आनै बारो है, और हर एक आँख बाकै देखैगी पर जिनौनै बाके सरीर मै भालो घौंपो हो, बे बी बाकै देखंगे और धरती के सिगरे गोत बाके बजै सै छाती पीटंगे। हाँ! ऐंसोई होए।


कैसेकै परभु खुद सुरग सै उतरैगो। बा बखत परभु ऊँची अबाज सै आगियाँ देगो। बड़ो सुरगदूत और परमेसर की तुरही की अबाज सुनाई पड़ैगी। और जो मसी मै मरे हैं, बे पैलेई जिन्‍दे हो जांगे।


तब लोग आदमी के लौंड़ा कै बड़ी सकति और महिमा के संग बादरौं मै आते देखौगे।


और अगर मैं जाकै तुमरे ताँई जघै तईयार करौं तौ फिर आकै तुमकै अपने हिंया ले जांगो कै जहाँ मैं हौं बहाँ तुम बी रौह,


“जब आदमी को लौंड़ा अपनी महिमा मै आगो, और सब सुरगदूत बाके संग आंगे तौ बौ अपनी महिमा के सिंगासन मै बिराजमान होगो।


“तब आसमान मै आदमी के लौंड़ा को चिन्‍न दिखाई देगो, धरती की सैरी जाति के लोग छाती पीटंगे और बे आदमी के लौंड़ा कै सकति और महिमा के संग आसमान के बादरौं मै आते भए देखंगे।


कैसेकै आदमी को लौंड़ा अपने सुरगदूतौं के संग अपने परम पिता की महिमा मै आगो और बौ हर आदमी कै उसके करम को फल देगो।


और बे कैबै हैं कै तुम बाके लौंड़ा को सुरग सै आनै को पैंड़ो देखौ हौ, जिसकै परमेसर नै मरे भएऔं मै सै जिन्‍दो करो यानी ईसु, जो हमकै परमेसर की आनै बारी घुस्सा सै बचागो।


तब लोग आदमी के लौंड़ा कै बड़ी सकति और बड़ी इज्‍जत के संग बादरौं मै आते देखंगे।


और ईसु उन लोगौ के संग जो गलील सै ऐरूसलेम मै आए हे, भौत दिनौ तक दिखाई देतो रैहओ, और लोगौ के सामने अब बेई ईसु के गभा हैं।


डर के मारे उन बईयरौं नै अपनी खोपड़ी जमीन की ओर झुका लई, तौ उन दो आदमिऔ नै उनसै कैई, “तुमकै जिन्‍दे कै मरे भए मै ना ढूंड़नो चँईऐ।


जौ देक्‍कै पतरस नै लोगौ सै कैई, “हे ईसराइल के लोगौ, तुम जा आदमी कै देक्‍कै काए अचम्बो करौ हौ? और हमरी ओर काए ऐंसे देख रए हौ कै मानौ हमई नै अपनी सकति या भक्‍ति के दुआरा जा आदमी कै चलनै फिरनै के लायक बना दओ है?


बे सबई चौंकते और अचम्बो करकै कैललगे, “देखौ, जे लोग जो बोल रए हैं, का जे सबई गलील के रैहनै बारे ना हैं?


पतरस फिर मुकर गओ। थोड़ी देर बाद बहाँ खड़े लोगौ नै पतरस सै कैई, “जरूरई तू उन लोगौ मै सै एक है कैसेकै तू बी गलील को है।”


मैं तुमसै सच कैरओ हौं, हिंया कुछ ऐंसे खड़े हैं जो तब तक ना मरंगे जब तक बे आदमी के लौंड़ा कै उसके राज मै आते ना देख लै।”


इस तरै परभु ईसु अपने चेलौ सै बात कन्‍नै के बाद सुरग मै उठा लओ गओ और परमेसर के खाने हात बैठ गओ।


इतनो कैनै के बाद उनके देखते देखते बौ सुरग मै उठा लओ गओ और बादरौं नै बौ उनकी नजरौ सै लुका लओ।


“मसी कै बा बखत तक सुरग मै रैहनो होगो जब तक कै सबई बात पैले जैसी ना हो जाऐ जिनके बारे मै भौत पैलेई सैई परमेसर नै अपने पबित्‍तर नबिऔ के दुआरा बता दओ हो।


बैसेई मसी नै बी भौस्से लोगौ के पापौं के ताँई एकई दफै अपनी बलि चढ़ाई। अब बौ दूसरी दफै पाप की बलि चढ़नै के ताँई ना आगो पर जो लोग बाको पैंड़ो देख रए हैं उनकै बचानै के ताँई आगो।


Swiv nou:

Piblisite


Piblisite