2 तीमुथियुस 4:2 - बुक्सा

² तू अच्‍छी खबर को परचार कर, चाँहे बखत होए या ना होए पर तू तईयार रैह और जो कोई गलती करै तौ उनकै चितौनी देईए और सबर के संग उनकै हिम्मत देईए और सिकईए।

2 तीमुथियुस 4:2 Referans Kwoze

1 थिसलुनीकियौ 5:14

ओ भईयौ और बहनौ, हम तुमसै बिनती करैं हैं कै जो लोग आबारा हैं उनकै चितौनी दो। डरनै बारौ की हिम्मत बढ़ाऔ और कमजोरौ की सायता करौ और सबई के संग सबर रक्‍खौ।

तीतुस 2:15

इन बातौं कै पूरे अधकार के संग कैह और समजातो, सिकातो और डाटतो रैह। जिस्सै कोई तेरी अनसुनी ना कर सकै।

1 तीमुथियुस 4:13

और जब तक मैं ना आऔं तब तक लोगौ कै परमेसर के बचन कै पढ़कै सुनईए और समजईए और सिकईए।

परकासन 3:19

“मैं जिनसै पियार करौं हौं, उनकै डाँटौ और डन्ड देवौ हौं, इसताँई जोसीलो बन और मन फिरा।

तीतुस 1:13

जौ गभाई सच है, इसताँई उनकै कड़ाई सै डाँट फटकार, कै बे बिसवास मै पक्‍के हो जाँय,

2 तीमुथियुस 2:21

अगर कोई अपने आपकै गलत बातौं सै दूर रखैगो, तौ बौ इज्‍जत को बरतन बनैगो और पबित्‍तर ठैरैगो, और मालिक के काम मै आगो और हर अच्‍छे काम के ताँई तईयार रैहगो।

गलातिऔ 6:6

जो तुमकै बचन की सिक्‍छा देवै है, बाके संग तुमकै अपनी जिन्‍दगी की अच्‍छी चीजौ कै बाँटनो चँईऐ।

रोमियो 12:12

उमीद सै खुस रैहऔ, तुम मुसीबत मै हौसला रक्‍खौ और हमेसा पिराथना मै लगे रौह।

2 तीमुथियुस 3:10

तीमुथियुस तू जानै है कै, मैंनै का सिकाओ और मैं कैसे जी रओ हौं और मेरे जीनै को मकसद का है। तैनै मेरो बिसवास, पियार, सबर और सबर रखनै की तागत देखर खाई है।

1 तीमुथियुस 5:20

जो लोग पाप करते रैहबैं हैं। उनकै सबई के सामने चितौनी दो, जिस्सै कै दूसरे लोग बी पाप कन्‍नै सै डरै।

कुलुसिऔं 1:25

परमेसर तुमरे फाएदा के ताँई जो बी हुकम मैंकै देवै है, बाके बजै सै मैं बिसवासी लोगौ के बीच एक सेवक बनो हौं, जिस्सै कै मैं परमेसर के बचन को पूरो पूरो परचार करौं,

रोमियो 10:15

और अच्‍छी खबर सुनानै बारो तब तक कैसे सुना सकै है जब तक कै उनकै भेजो ना जाऐ? जैसो पबित्‍तर सास्तर मै लिखो है, “अच्‍छी खबर सुनानै बारौं के पाँऐ कितने भारचे हैं?”

चेलौ के काम 20:7

हप्‍ता के पैले दिन जब हम परभु की याद मै रोटी तोड़नै के ताँई इखट्‍टे भए तबई पौलुस उनके संग बात बतकाल लगो कैसेकै बाकै दूसरे दिन जानो हो इसताँई आधी रात तक बौ उनके संग बात बतकातो रैहओ।

चेलौ के काम 16:13

आराम कन्‍नै बारे दिन हम सैहर के गेट के बाहार नद्‍दी के किनार जौ सोचकै गए कै बहाँ पिराथना कन्‍नै की जघै होगी। इसताँई हम बहाँ बैठकै उन बईयरौं सै बात करल लगे जो इखट्‍टी भई हीं।

लूका 9:60

तब ईसु नै बासै कैई, “मुरदौं कै अपने मुरदे दफनान दो, तू जा और परमेसर के राज को परचार कर।”

लूका 7:4

जब बे ईसु के धौंरे पौंचे तौ बे सच्‍चे मन सै बिनती करकै कैललगे, “कै बौ इस लायक है कै तू उसके ताँई ऐंसो करै।

1 थिसलुनीकियौ 5:20

परमेसर की ओर सै बोलनै बारे की बातौं कै बेकार ना समजौ।

लूका 7:23

और धन्‍न है बौ, जो मेरे बजै सै ठोकर ना खाय।”

2 तीमुथियुस 2:25

जो बिरोद करै उनकै पियार सै समजाऔ, का पतो, परमेसर बाकै बाके पाप सै मन फिरानै को मन देए, जिस्सै कै बे बी सच्‍चाई कै पैचान सकैं,

इबरानिओ 13:22

पियारे भईयौ और बहनौ, मैं तुमसै बिनती करौ हौं कै इन सिकानै बारी बातौं कै तुम बरदास करौ कैसेकै मैंनै तुमकै जौ चिट्‌ठी थोड़ेई सब्दौ मै लिखी है।

चेलौ के काम 28:16

जब हम रोम मै पौंच गए, तौ तबई पौलुस कै इकले रैहनै की ईजाजत मिल गई पर बाकी निगरानी कन्‍नै के ताँई एक सिपाई बाके संग रक्‍खो।

चेलौ के काम 13:5

और सलमीस सैहर मै पौंच कै परमेसर को बचन बहाँ के यहूदी लोगौ के पिराथना घरौं मै सुनाओ और यहून्‍ना बी उनकी सायता कन्‍नै के ताँई संग हो।

कुलुसिऔं 4:3

और जाके संग-संग तुम हमरे ताँई बी पिराथना करौ, जिस्सै परमेसर हमकै बचन सुनानै के ताँई ऐंसी रस्ता खोल दै कै, हम मसी की बा गुप्‍त बात के बारे मै बता सकैं जिसकी बजै सै मैं कैद मै हौं।

1 थिसलुनीकियौ 1:6

तुम लोग बड़े दुख मै होनै के बाद बी पबित्‍तर आत्‍मा के खुसी के संग बचन की बातौं कै मानकै हमरे और परभु के हाँई जिन्‍दगी बिताई।