2 तीमुथियुस 2:24 - बुक्सा

²⁴ परभु के सेवक कै लड़ाई कन्‍नै बारो ना पर बौ सबई के ऊपर दया कन्‍नै बारो, सिक्‍छा दैनै बारो, और सबर रखनै बारो होनो चँईऐ।

2 तीमुथियुस 2:24 Referans Kwoze

तीतुस 3:2

किसी की बदनामी ना करैं, झगड़ो कन्‍नै बारे ना हौं, पर सान्‍त सौभाब के हौं, और सब लोगौं के संग अच्‍छो बरताब करैं।

तीतुस 1:7

कैसेकै अगुबा कै परमेसर को काम सौंपो गओ है, इस बजै सै उसकै निरदोस होनो चँईऐ, ना हटी, ना घुस्सा कन्‍नै बारो, ना पियक्‍कड़, ना मारपीट कन्‍नै बारो, और ना नीच कमाई को लालची हो,

1 थिसलुनीकियौ 2:7

हम मसी के भेजे भए चेला होनै की बजै सै अपनो हक जता सकै हैं। पर हम तुमरे संग पियार सै रैहए, जैसे अईया अपने बालकौ कै खबा पिबा कै उनकै पालै है, बैसेई हमनै बी तुमरे संग कोमलता दिखाई है।

1 तीमुथियुस 6:11

पर ओ परमेसर के लोगौ तुम इन बातौं सै दूर भाजौ और धरम के काम, भक्‍ति, बिसवास, पियार, सबर, और नमर बातौं के पिच्‍छे लगे रौह।

कुलुसिऔं 3:13

अगर किसी सै लड़ाई होए तौ एक दूसरे की सैह लो और माफ करौ, कैसेकै जिस तरै मसी नै तुमकै माफ करो तौ तुमकै बी बैसेई एक दूसरे कै माफ कन्‍नो चँईऐ।

फिलिप्‍पीऔ 2:14

सबई काम बिना कुड़कुड़ाए और बिना बैहैस के करे करौ,

फिलिप्‍पीऔ 2:3

मतलबी और बेकार के घमंड से कुछ काम ना करौ पर दीनता सै एक दूसरे कै अपने सै अच्‍छो समजौ।

इफिसिऔ 4:2

तुम नमरता और लाड़ और सबर के संग हमेसा आपस मै पियार सै एक दूसरे की सैह लो,

1 पतरस 3:8

आखरी मै मैं ऐंसो बोलौ हौं कै, तुम सबई के सब एक मन, दुख बाँटनै बारे, आपस मै पियार रखनै बारे, तरस खानै बारे, और नमर बनौ।

याकूब 3:17

पर जो गियान परमेसर की ओर सै आवै है, बौ पैले तौ पबित्‍तर होवै है, फिर सान्‍ति बारो, नरम सौभाब बारो, खुली सोच बारो, दया और अच्‍छे करमौ सै भरो भओ, और भेदभाब ना कन्‍नै बारो और खरो आदमी।

तीतुस 1:9

और उस बिसवासजोग बचन मै, जो धरम के उपदेस के अनुसार है, खड़ो रैह, कै खरी सिक्‍छा सै उपदेस और हिम्मत दे सकै और बिरोदिऔं को मौह बी बन्‍द कर सकै।

2 कुरन्‍थियों 10:1

मैं पौलुस जो मसी की दीनता और दया की बजै सै तुमसै बिनती करौ हौं। पर कुछ लोग कैबै हैं कै जब मैं तुमरे धौंरे होबौ हौं तौ नमर हौं पर जब दूर हौं तौ कठोर हौं।

चेलौ के काम 7:26

दूसरे दिन जब दो ईसराइली लोग आपस मै लड़ रए हे, तौ तबई बौ बहाँ आ गओ, और उनके धौंरे मिलकै रैहनै के ताँई समजाओ और कैई कै, ‘हे लोगौ, तुम तौ आपस मै भईया भईया हौ फिर बी तुम एक दूसरे सै काए लड़ौ हौ?’

मत्‍ती 12:19

बौ ना तौ झगड़ैगो और ना चिल्‍लागो, और ना बजारौं मै कोई उसकी अबाज सुनैगो।

याकूब 4:2

तुम जब किसी चीज कै पानै के ताँई इच्‍छा करौ हौ, और जब बौ तुमकै ना मिल पावै है, तौ तुम खून करौ हौ। और जिस चीज के ताँई जरन रक्‍खौ हौ, पर बौ तुमकै ना मिल पावै है, तौ इसताँई तुम लड़ाई और बैहसबाजी करौ हौ। तुम माँगौ ना हौ, इसताँई तुमकै कुछ ना मिलै है।

याकूब 1:1

उन बारैह गोतौं कै जो अगल अगल देसौ मै रैहबैं हैं नमस्कार, मैं परमेसर को और परभु ईसु मसी को सेवक याकूब जौ चिट्‌ठी लिख रओ हौं।

यहूदा 1:3

पियारे सातिऔं, मैं उस मुक्‍ति के बारे मै लिखनै की कोसिस कर रओ हो जिसमै हम सब सामिल हे, पर जौ मैंनै लिखनो और बिनती कन्‍नो जरूरी समजो कै तुम बा बिसवास के ताँई बड़े जोस सै कोसिस करते रौह जो हमेसा के ताँई परमेसर के पबित्‍तर लोगौ कै देओ गओ हो।

चेलौ के काम 23:9

तबई बेसानी हल्‍ला मच गओ और फरीसी मैसै कुछ सास्तरी लोग खड़े भए और जौ बात कै लेकै लड़ल लगे कै, “हम जा आदमी मै कुछ बुराई ना देखै हैं, अगर कोई आत्‍मा या सुरगदूत जाके संग बात करै है तौ का भओ?”

तीतुस 1:1

पौलुस की ओर सै जो परमेसर को दास और ईसु मसी को भेजो भओ चेला है। मैंकै परमेसर के चुने भए लोगौ कै बिसवास मै बढ़ानै और सच्‍चाई कै जान्‍नै के ताँई भेजो गओ है जिस्सै बे पबित्‍तर जिन्‍दगी जीऐं।

गलातिऔ 5:22

पर परमेसर को आत्‍मा को फल पियार, खुसी, सान्‍ति, सबर, दया, भलाई, बिसवासजोग,

2 कुरन्‍थियों 10:4

कैसेकै जिन हतियारौं सै हम लड़ै हैं, बे जा दुनिया के ना हैं पर किलौ कै ढै दैनै बारे, परमेसर की सकति बारे हतियार हैं।

चेलौ के काम 15:2

इन बातौं कै लेकै पौलुस और बरनबास की उनके संग बैहैस बाजी हो गई और जा बात के निपटारे के ताँई पौलुस, बरनबास और कुछ लोगौ कै ऐरूसलेम मै भेजे भए चेलौ और बिसवासिऔ की मंडली के मुखियौं के धौंरे भेजो।

यहून्‍ना 6:52

यहूदी लोग आपस मै जौ कैते भए बैहैस कन्‍नै लगे, “कै जौ हमकै खानै के ताँई अपनो मांस कैसे दे सकै है?”

2 कुरन्‍थियों 6:4

पर परमेसर के सेवक होनै के नाते सै हम खुद कै अच्‍छो बनाबै हैं, हम हिम्मत के संग, बड़े दुख, परेसानी और मुसीबत के बीच,