2 तीमुथियुस 2:14 - बुक्सा

¹⁴ उनकै इन बातौं की याद दिब्बातो रैहईए और परमेसर के सामने चितौनी देईए कै छोटी छोटी बातौं मै बैहैस बाजी कन्‍नै सै कोई फाएदा ना है, पर जो इनकै सुनै है, बे बी नास हो जावै हैं।

2 तीमुथियुस 2:14 Referans Kwoze

2 तीमुथियुस 2:23

मूरख और बेकार बेफजूल की बैहैस सै दूर रैहईओ, कैसेकै तुम जौ जानौ हौ कै इनकी बजै सै लड़ाई होवै हैं।

2 तीमुथियुस 4:1

परमेसर और ईसु मसी कै गभा मानकै, जो जिन्‍देऔं और मरे भएऔं दौनौ को नियाय करै है, और बाके राज के फिर सै आनै के बारे मै याद दिब्बाते भए मैं तुमकै हुकम देवौ हौं।

रोमियो 14:1

अगर कोई बिसवास मै कमजोर है, तौ उसकै अपने संग-संग लेकै चलौ मगर उनसै बैहैस ना करौ।

इबरानिओ 13:9

तुम तरै-तरै की सिक्‍छा के बैहकाबे मै ना अईओ। तुमरे दिल के ताँई जौ अच्‍छो है कै बौ परमेसर की किरपा के दुआरा मजबूत करो जाय। पर खानै पीनै के नियम के ताँई ना, कैसेकै जो खानै पीनै के नियम कै मानै है उनकै कुछ फाएदा ना मिलै है।

1 तीमुथियुस 5:21

परमेसर, ईसु मसी और चुने भए सुरगदूतौं के सामने, मैं तुमकै जौ हुकम देवौ हौं कै तुम इन बातौं कै पूरे दिल सै मानौ और कोई बी काम कै भेदभाब सै ना करौ।

चेलौ के काम 15:24

हमनै जौ सुनो है कै हम्मै सै कुछ लोगौ नै हम सै बगैर पूँछे तुमरे बीच मै जाकै अपनी बातौं सै तुमकै दुख पौंचाओ है और तुमरो दिल कै बेचैन करो है।

2 पतरस 1:13

मैंकै जौ सई लगै है कै जब तक मैं जिन्‍दो हौं तब तक तुमकै हमेसा याद दिब्बाते भए होसिआर करतो रैहंगो।

1 तीमुथियुस 6:13

मैं तुमकै जिन्‍दगी दैनै बारे परमेसर के सामने और ईसु मसी जिसनै पिन्‍तुस पीलातुस के सामने अच्‍छी गभाई दई, जौ हुकम देवौ हौं कै,

2 थिसलुनीकियौ 3:6

ओ भईयौ और बहनौ, मैं तुमकै परभु ईसु मसी के नाम सै हुकम देवौ हौं कै जो बिसवासी लोग आलस करै हैं, और हमरी देई भई सिक्‍छा के हिसाब सै ना चलै हैं, उनसै दूर रौह।

2 तीमुथियुस 2:16

पर दुनिया की और बेकार की बातचीत सै बचे रौह, कैसेकै जे बात लोगौ कै परमेसर सै दूर ले जावै हैं।

1 तीमुथियुस 4:8

कैसेकै कसरत सरीर के ताँई अच्‍छी है। पर भक्‍ति की जिन्‍दगी बासै बी जादा अच्‍छी है, कैसेकै इसई के ताँई हमकै जा जिन्‍दगी को और आनै बारी जिन्‍दगी को बादो मिलै है।

इफिसिऔ 4:17

मैं तुम लोगौ सै परभु के नाम मै जौ चितौनी देरओ हौं कै तुम अब दुनिया के लोगौ के हाँई अपनो चाल-चलन ना रखिओ जो बेकार की बातौं की फिकर करै हैं।

गलातिऔ 1:7

पर सई मै कोई दूसरी अच्‍छी खबर हैई ना पर कुछ लोग ऐंसे हैं जो तुमरे दिल मै बैहैम डारै हैं और मसी की अच्‍छी खबर कै बिगाड़नै की सोचै हैं।

चेलौ के काम 13:10

“ओ धोको, कपट कन्‍नै बारे सैतान की औलाद, तू सिगरे अच्‍छे काम को दुसमन है। का तू परभु के सच्‍चाई के कामौ कै बिगाड़नो ना छौड़ैगो?

मत्‍ती 16:26

आदमी कै इस्सै का फाएदा अगर बौ सैरी दुनिया कै पाले, पर अपनी जिन्‍दगी खो दे? अपनी जिन्‍दगी के बदले आदमी देई का सकै है?

2 तीमुथियुस 1:6

इसताँई मैं तुमकै जौ याद दिब्बाबौ हौं कै तू परमेसर के बा बरदान कै इस्तमाल कर जो तुमरे ऊपर मेरे हात रखनै सै मिलो है।

1 तीमुथियुस 1:6

इन बातौं कै छोड़कै कुछ लोग बेकार की बातौं मै भटक गए हैं।

1 तीमुथियुस 1:4

उनसै कैऔ कै खानदान की बातौं और बेकार की मन सै बनाई भई कस्ताऔ मै धियान ना देओ, और अपनो बखत बेकार की बातौं मै ना खराब करौ, जो लड़ाई कै बढ़ाबो देवै हैं। इन बातौं सै परमेसर के बा बचन को गियान ना मिलै है, जो बिसवास मै टिको है।

1 थिसलुनीकियौ 4:1

इसताँई भईयौ और बहनौ, हम तुमसै परभु ईसु के नाम सै जौ बिनती करै है कै परमेसर कै खुस कन्‍नै के ताँई कैसी जिन्‍दगी जीनी चँईऐ, बाके बारे मै हमनै तुमकै सिकार खाओ है। तुम बैसेई जिऔ और जादा बढ़कै करौ।

तीतुस 3:1

लोगौ कै याद दिब्बातो रैह, कै बे राजाऔं और अधकारिऔं के आधीन रैंह, और उनकी आगियाँ मानै, और हर एक अच्‍छे काम के ताँई तईयार रैंह,