2 तीमुथियुस 1:13 - बुक्सा

¹³ जो खरी बात तुमनै मैंसै सुनी है, बाकै बा बिसवास और पियार सै जो ईसु मसी मै है, थामे रौह।

2 तीमुथियुस 1:13 Referans Kwoze

तीतुस 1:9

और उस बिसवासजोग बचन मै, जो धरम के उपदेस के अनुसार है, खड़ो रैह, कै खरी सिक्‍छा सै उपदेस और हिम्मत दे सकै और बिरोदिऔं को मौह बी बन्‍द कर सकै।

2 तीमुथियुस 3:14

पर तैनै जो बात सीकीं हैं और जो पक्‍को बिसवास तू करै है, बामै टिको रैह, तू जानै है कै जे बात तैनै किन लोगौ सै सीकीं हैं।

फिलिप्‍पीऔ 4:9

जो बात तुमनै मैंसै सीकीं और पांई, और सुनीं और मैंकै करते देखो, उनई कै माने करौ। परमेसर जो सान्‍ति को सोता है तुमरे संग रैहगो।

रोमियो 6:17

पर परमेसर को धन्‍नबाद हो, कै तुम जो पाप के दास हे, तौबी तुम मन सै उस सिक्‍छा मै चलल लगे, जो तुमकै देई गई हैं।

2 तीमुथियुस 2:2

और जिन बातौं कै तैनै भौस्से गभाऔ के सामने मैंसै सुनो है, उनकै ऐंसे लोगौ कै सौंपीए जो बिसवास बारे हौं और दूसरौं कै सिकानै बारे बी हौं।

परकासन 3:11

“मैं जल्दी आनै बारो हौं। जो कुछ तेरे धौंरे है, बाकै थामे रैह कै कोई तेरो मुकट छीन ना ले।

परकासन 3:3

इसताँई याद कर, कै तैनै कैसी सिक्‍छा पाई ही और सुनी ही, और उनमै बनो रैह और मन फिरा। अगर तू जगो ना रैहगो तौ मैं चोर के हाँई आ जांगो और तू जान ना सकैगो कै मैं किस घड़ी तेरे धौंरे आ गओ।

1 तीमुथियुस 1:14

और परभु की दया मैंकै पूरी तरै सै मिली है, और बाके संग-संग बौ बिसवास और पियार बी मिलै है जो मसी ईसु मै है।

यहूदा 1:3

पियारे सातिऔं, मैं उस मुक्‍ति के बारे मै लिखनै की कोसिस कर रओ हो जिसमै हम सब सामिल हे, पर जौ मैंनै लिखनो और बिनती कन्‍नो जरूरी समजो कै तुम बा बिसवास के ताँई बड़े जोस सै कोसिस करते रौह जो हमेसा के ताँई परमेसर के पबित्‍तर लोगौ कै देओ गओ हो।

इबरानिओ 10:23

हम बगैर सक के अपनी बा आस मै पक्‍के बने रैंह जिसकै हमनै मानो है, कैसेकै जिसनै हम सै बादो करो है बौ भरोसेमंद है।

2 तीमुथियुस 1:14

हमरे भीतर रैहनै बारी पबित्‍तर आत्‍मा की बजै सै जो आत्‍मिक खजानो तुमकै देर खाओ है बाकी अच्‍छे सै रखबारी करौ।

तीतुस 2:1

पर तू ऐंसी बात कैह कर, जो खरी सिक्‍छा के लायक हैं।

1 तीमुथियुस 6:3

अगर कोई उनके हाँई सिक्‍छा देवै है और हमरे परभु ईसु मसी की सच्‍ची बातौं कै और हमरी धरम की सिक्‍छा कै ना मानै है,

फिलिप्‍पीऔ 1:27

सिरप इतनो करौ कै तुमरो चाल-चलन मसी की अच्‍छी खबर के लायक हो जाऐ कै चाँहे मैं आकै तुमकै देखौं या ना बी आऔं, पर मैं तुमरे बारे मै बस जौई सुनौं कै तुम सब एक आत्‍मा मै टिक जाऔ और एक मन हो कै, एक संग मिलकै अच्‍छी खबर के बिसवास के ताँई मैहनत करते रैहऔ।

1 तीमुथियुस 1:10

और बईयरौं और आदमिऔ के संग सरीर सै गलत काम कन्‍नै बारौ के, और गुलाम लोगौ कै बेचनै बारौ के, झूँटी बात बोलनै बारौ के, झूँटी कसम खानै बारौ कै, और बे सिगरे लोग जो सच्‍ची सिक्‍छा को बिरोद करै हैं, उनके ताँई जौ नियम ठैराओ गओ है।

परकासन 2:25

पर जो सिक्‍छा तुमरे धौंरे है, मेरे आनै तक उसकै मजबूती सै थामे रैहऔ।

इबरानिओ 4:14

जब हमरे धौंरे एक ऐंसो बड़ो पुजारी है, जो सुरग मै गओ है, और बौ परमेसर को लौंड़ा ईसु है। इसताँई हम जो मानै हैं बामै पक्‍के रैंह।

इबरानिओ 3:6

पर मसी परमेसर को लौंड़ा होते भए बाके घराने के सामने बिसवासजोग हो। अगर हम हिम्मत रक्‍खै और जो आस मसी मै है बाकै ना छोड़ै तौ तबई हम परमेसर के घराने के हैं।

तीतुस 2:8

और ऐंसो खरोपन पाओ जाय कै कोई उसकै बुरो ना कैह सकै, जिस्सै बिरोदी हमरे ऊपर कोई दोस लगानै को मौको ना पाकै सरमिन्‍दा हौं।

1 थिसलुनीकियौ 5:21

पर सिगरी बातौं कै परखौ और जो अच्‍छी हैं उनकै मजबूती सै पकड़े रौह।

कुलुसिऔं 1:4

कैसेकै हमनै जौ बात सुनी है कै तुम ईसु मसी मै बिसवास करौ हौ और सबई पबित्‍तर लोगौ सै पियार रक्‍खौ हौ।

2 तीमुथियुस 1:1

जौ चिट्‌ठी पौलुस की ओर सै है जो परमेसर की मरजी सै परभु ईसु मसी को भेजो भओ चेला हो और जिसकै ईसु मसी मै जिन्‍दगी पानै बारे बादे के परचार कन्‍नै के ताँई भेजो हो।

2 तीमुथियुस 4:3

कैसेकै ऐंसो दिन आगो जब लोग सई सिक्‍छा कै सुन्‍नोई ना चाँहंगे, पर बे अपनी इच्‍छा के हिसाब सै ऐंसे सिकानै बारे लोगौ कै लांगे, जो उनकै बेई बात बताऐ जो उनकै अच्‍छी लगै हैं।