2 तीमुथियुस 1:1 - बुक्सा

¹ जौ चिट्‌ठी पौलुस की ओर सै है जो परमेसर की मरजी सै परभु ईसु मसी को भेजो भओ चेला हो और जिसकै ईसु मसी मै जिन्‍दगी पानै बारे बादे के परचार कन्‍नै के ताँई भेजो हो।

2 तीमुथियुस 1:1 Referans Kwoze

इबरानिओ 9:15

इसताँई मसी नए करारनामे को बिचौंदिया बनो। जिस्सै कै जिन लोगौ कै बुलाओ गओ है बे लोग परमेसर के बादे करे भए हमेसा की बिरासत के हकदार बनै कैसेकै जिन्‍नै पैले करारनामे के हक मै रैहते भए पाप करो है उनकै बासै छुटकारे के ताँई मसी नै अपनी जान दे दई।

यहून्‍ना 17:3

और हमेसा की जिन्‍दगी जौ है कै बे तेकै जो एकमातर सच्‍चो परमेसर और ईसु मसी कै, जिसकै तैनै भेजो है, जानै।

2 कुरन्‍थियों 1:1

परमेसर की मरजी सै मसी ईसु को भेजो भओ चेला मैं पौलुस और तीमुथियुस दौनौ की ओर सै परमेसर के उस बिसवासिऔ की मंडली के ताँई जो कुरन्‍थी मै हैं और अखाया के सिगरे इलाके के बिसवासी लोगौ कै जौ चिट्‌ठी लिख रओ हौं।

यहून्‍ना 10:28

और मैं उनकै हमेसा की जिन्‍दगी देवौ हौं, और बे कबी नास ना हौंगी, और कोई बी उनकै मेरे हातौ सै छीन ना सकै है।

तीतुस 1:2

और इस सच्‍चाई सै हमेसा की जिन्‍दगी की उमीद बंधै, जिसको बादो कबी झूँट ना बोलनै बारे परमेसर नै सुरू सैई करो है।

इफिसिऔ 3:6

बौ भेद की बात जौ है कै ईसु मसी मै अच्‍छी खबर के दुआरा यहूदी लोगौ के संग गैर यहूदी लोग बी बारिस बने और एकई सरीर के अंग बने और बादे मै बी बे सामिल हैं।

यहून्‍ना 6:40

कैसेकै मेरे अब्बा की इच्‍छा जौ है, कै हर एक आदमी जो लौंड़ा कै देखै है, और बाके ऊपर बिसवास करै है, बौ हमेसा की जिन्‍दगी पागो, और मैं खुद आखरी दिन मै बाकै जिन्‍दो करंगो।”

1 यहून्‍ना 2:25

बानै हमकै हमेसा की जिन्‍दगी दैनै को बादो करो है।

1 तीमुथियुस 6:19

इस तरै सै अपनी अग्गे की जिन्‍दगी के ताँई जा खजाने कै जोड़ौ, जो एक अच्‍छी मजबूत बुनियाद बनैगो। जाई सै बे सच्‍ची जिन्‍दगी कै थामे रैहंगे।

2 कुरन्‍थियों 1:20

कैसेकै परमेसर नै जितने बादे करे हैं। बे सिगरे मसी मै हाँ के संग हैं, और मसी के दुआरा जो हम “आमीन” करै हैं। बौ परमेसर की बड़ाई के ताँई है।

1 कुरन्‍थियों 1:1

परमेसर की मरजी के हिसाब सै ईसु मसी मै भेजो भओ चेला होनै के ताँई बुलाए भए पौलुस और हमरे भईया सोस्‍थिनेस की ओर सै जौ चिट्‌ठी,

रोमियो 6:23

पाप की डिहाड़ी तौ मौत है, मगर परमेसर को बरदान हमरे परभु ईसु मसी मै हमेसा की जिन्‍दगी है।

रोमियो 5:21

ताकि जैसे मौत के दुआरा पाप नै राज करो, ठीक बैसेई हमरे परभु ईसु मसी के दुआरा हमेसा की जिन्‍दगी लानै के ताँई परमेसर के किरपा नै धारमिकता के दुआरा राज करो।

रोमियो 1:1

जौ चिट्‌ठी ईसु मसी के दास पौलुस की ओर सै है, जो परमेसर दुआरा भेजो भओ चेला बन्‍नै के ताँई बुलाओ है, और उसकी अच्‍छी खबर दैनै के ताँई छाँटो गओ है।

यहून्‍ना 6:54

जो मेरो मांस खावै और खून पीवै है, हमेसा की जिन्‍दगी बाई की है, और मैं बाकै आखरी दिन मै फिर जिन्‍दो करंगो।

यहून्‍ना 5:24

“मैं तुमसै सच-सच कैरओ हौं, जो मेरे बचन सुनकै मेरे भेजनै बारे मै बिसवास करै है, हमेसा की जिन्‍दगी बाकी है, और बाके ऊपर सजा को हुकम ना है, पर मौत सै पार होकै बौ जिन्‍दगी मै पौंच चुको है।

गलातिऔ 3:26

मसी ईसु मै बिसवास कन्‍नै के दुआरा तुम सिगरे परमेसर की औलाद हौ।

गलातिऔ 3:28

तौ अब किसी मै कुछ फरक ना है, ना तौ कोई यहूदी और ना गैर यहूदी, ना गुलाम, ना कोई आजाद, ना कोई आदमी, ना कोई बईयर, तुम सबई मसी ईसु मै एक हौ।

2 तीमुथियुस 1:9

बानै हमकै मुक्‍ति दई है और हमकै पबित्‍तर जिन्‍दगी जीनै के ताँई बुलाओ है, जौ सबई कुछ हमरे कामौ की बजै सै ना पर बा मकसद और किरपा की बजै सै भओ है। जौ बरकत हमकै जा दुनिया के बन्‍नै सै पैलेई ईसु मसी मै देर खाई है।

2 तीमुथियुस 1:10

पर अब हमरे मुक्‍ति दैनै बारे ईसु मसी के परकट होनै के दुआरा जौ बात सामने आई है कै बानै मौत को नास कर दओ है, और अच्‍छी खबर सै जिन्‍दगी कै और जो जिन्‍दगी कबी खतम ना होवै है, बाकी उमीद दिखाई है।

2 तीमुथियुस 1:13

जो खरी बात तुमनै मैंसै सुनी है, बाकै बा बिसवास और पियार सै जो ईसु मसी मै है, थामे रौह।

2 तीमुथियुस 2:1

इसताँई ओ मेरे बेटा, तू ईसु मसी के किरपा सै तागतबर होतो जा।

2 तीमुथियुस 2:3

ईसु मसी के अच्‍छे सिपाई के हाँई मेरे संग दुख झेलीए।

2 तीमुथियुस 2:10

इसताँई परमेसर के चुने भए लोगौ के ताँई मैं दुख उठामौ हौं, जिस्सै बे बी मसी ईसु दुआरा मुक्‍ति के संग-संग हमेसा की महिमा पांऐ।

2 तीमुथियुस 3:15

और मैंकै पतो है कै तू बालक सैई पबित्‍तर सास्तर कै जानै है, बौ तेकै बा बुद्‍धि कै दे सकै है जिस्सै ईसु मसी मै बिसवास कन्‍नै के दुआरा मुक्‍ति मिलै है।

तीतुस 1:4

मैं अपने सच्‍चे लौंड़ा तीतुस कै बा बिसवास के संग लिख रओ हौं जो हम्मै एक जैसो है। पिता परमेसर और हमरे मुक्‍तिदाता ईसु मसी की ओर सै तेकै किरपा और सान्‍ति मिलती रैह।