2 थिसलुनीकियौ 3:4 - बुक्सा

⁴ हमकै परभु मै तुमरे पक्‍के बने रैहनै मै बिसवास है कै जो जो हुकम हमनै तुमकै देए हैं, तुम उनकै मानौ हौ और मानते बी रैहईओ।

2 थिसलुनीकियौ 3:4 Referans Kwoze

1 थिसलुनीकियौ 4:10

और जौ सच है कै तुम मकिदुनिया के सिगरे मसी भईयौ और बहनौ के संग ऐंसोई पियार रक्‍खौ हौ। पर हे भईयौ और बहनौ हम तुमकै समजाबै हैं कै पियार मै और बी बढ़ते जाऔ।

फिलिप्‍पीऔ 1:6

मैंकै जा बात को भरोसो है, कै जो अच्‍छे काम परमेसर नै तुमरे भीतर सुरू करे हैं और बैसेई ईसु मसी के आनै के दिन पूरो होनै तक बनाऐ रखैगो।

फिलेमौन 1:21

तेरे ऊपर बिसवास करते भए, मैं तेकै जौ लिख रओ हौं। मैं जानौ हौं कै तेसै मैं जितनो कैरओ हौं, तू उस्सै बी जादा करैगो।

फिलिप्‍पीऔ 2:12

इसताँई हे मेरे पियारे दोस्तौ, जैसे तुम हमेसा मेरी बातौं कै बा टैम मानै करै हे जब मैं तुमरे संग हो, और अब जब मैं तुमरे संग ना हौं तौबी तुम माने करौ, और तुम डरते और कांपते भए अपनी अपनी मुक्‍ति कै पूरो करते जाऔ।

2 कुरन्‍थियों 2:3

और मैंनै जौ बात इसताँई लिखी कै कहीं ऐंसो ना हो जाय कै जब मैं आऔं तौ जिन लोगौ सै मैंकै खुसी मिलनी चँईऐ, कहीं बे मैंकै दुख दैं। कैसेकै मैंकै तुम सबई के ऊपर जा बात को पक्‍को बिसवास है कै जो मेरी खुसी है, बौई तुमरी बी खुसी है।

2 थिसलुनीकियौ 3:12

ऐंसे लोगौ कै हम परभु ईसु मसी मै हुकम देकै समजाबै हैं कै, बे चुपचाप अपनो काम करैं और अपनी कमाई की रोटी खाँय।

2 थिसलुनीकियौ 3:6

ओ भईयौ और बहनौ, मैं तुमकै परभु ईसु मसी के नाम सै हुकम देवौ हौं कै जो बिसवासी लोग आलस करै हैं, और हमरी देई भई सिक्‍छा के हिसाब सै ना चलै हैं, उनसै दूर रौह।

मत्‍ती 28:20

और जिन बातौं की आगियाँ मैंनै तुमकै दई है, उनकै उनमै चलनो सिकाऔ, और देखौ, मैं दुनिया के अन्‍त तक हमेसा तुमरे संग रैहंगो।”

गलातिऔ 5:10

मैं तुमरे बारे मै परभु मै भरोसो रक्‍खौ हौं कै तुम किसी दूसरी बातौं मै ना पड़ौगे। पर जो लोग तुमकै परेसान करै हैं, बे कोई बी काए ना हौं उनकै सजा जरूर मिलैगी।

2 कुरन्‍थियों 8:22

और हम तुमरे संग अपने एक भईया कै बी भेज रए हैं, जिसकै हमनै बेरमबेरा परखो है, और बौ तुमरी सायता कन्‍नै के ताँई भौत बेचैन है। पर अब बाकै तुमरे ऊपर बड़ो भरोसो है, इस बजै सै बौ तुमरी सायता कन्‍नै के ताँई भौत खुस है।

2 कुरन्‍थियों 2:9

मैंनै परखनै के ताँई जे बात तुमकै लिखी हीं कै तुम उनमै खरे लिकरौगे कै ना, और मेरी बातौं कै मानौगे कै ना।

1 कुरन्‍थियों 14:37

अगर कोई आदमी सोचै कै बौ परमेसर की ओर सै बोलै है या बाकै आत्‍मिक बरदान मिले हैं। तौ बौ जौ जान ले कै जो कुछ मैं लिख रओ हौं, बौ परभु की आगियाँ है।

1 कुरन्‍थियों 7:19

खतना और बगैर खतना कुछ बी ना है, पर परमेसर की आगियाँऔ कै माननोई सबई कुछ है।

रोमियो 15:18

कैसेकै मैं बस उनई बातौं कै कैनै की हिम्मत रक्‍खौ हौं जिनकै मसी नै गैर यहूदिऔं कै परमेसर की आगियाँ माननै को रस्ता दिखानै को काम मेरे बचनौ, करमौ,

रोमियो 15:14

हे मेरे पियारे भईयौ, मैंकै पूरो बिसवास है कै तुम नेकी सै और परमेसर के गियान सै भरे भए हौ। तुम एक दूसरे कै सिक्‍छा दे सकौ हौ।

रोमियो 2:7

जो लोग धीरज के संग भलाई करते भए महिमा और आदर और अमर जिन्‍दगी की खोज मै हैं, उनकै बौ हमेसा की जिन्‍दगी देगो।