2 थिसलुनीकियौ 3:3 - बुक्सा

³ पर हमरो परभु बिसवासजोग है। बौ तुमकै सैतान सै बचागो और तुमकै हिम्मत देगो।

2 थिसलुनीकियौ 3:3 Referans Kwoze

2 तीमुथियुस 4:18

परभु मैंकै सिगरी बुराई के कामौ सै बचाबै है, और बौ मैंकै अपने सुरग के राज मै बचाकै ले जागो। बाकी महिमा युगौं-युगौं तक होती रैह। ऐंसोई होए।

1 थिसलुनीकियौ 5:24

तुमकै बुलानै बारो सच्‍चो है और बौ ऐंसोई करैगो।

1 कुरन्‍थियों 10:13

जैसे तुमकै परखो गओ है बैसेई दूसरे लोगौ कै परखो गओ हो। परमेसर बिसवासजोग है बौ तुमकै तुमरी सैहन सकति सै बाहार परखनै के ताँई ना छोड़ैगो, बलकन परखनै के संग-संग बौ बासै बचनै की रस्ता बी दिखागो, जिस्सै तुम उस्सै गुजर सकौ।

1 कुरन्‍थियों 1:9

परमेसर बिसवासजोग है। जिसनै तुमकै अपने बेटा और हमरे परभु ईसु मसी के संग रैहनै के ताँई बुलाओ।

यहून्‍ना 17:15

मैं तेसै जौ पिराथना ना करौ हौं कै तू उनकै दुनिया मै सै उठा ले, पर जौ पिराथना करौ हौं कै तू उनकै बा दुसट सै बचाए रख।

यहूदा 1:24

अब जो तुमकै पाप मै गिरनै सै बचा सकै है, और अपनी महिमा मै तुमकै अपने सामने बिना दोस के और खुसी के संग खड़ो कर सकै है,

मत्‍ती 6:13

और हमकै पाप मै ना पड़न दे, पर बुराई सै बचा, (कैसेकै राज और पराकरम और महिमा हमेसा तेरेई हैं। ऐंसोई होए)।

2 पतरस 2:9

और परभु जानै है कै अपने लोगौं कै मुसीबतौं सै कैसे बचानो है और अधरमिऔं कै नियाय के दिन तक सजा के ताँई कैसे रखनो है।

2 थिसलुनीकियौ 2:17

बौ तुमरे मनौ मै सान्‍ति दै और सिगरे अच्‍छे काम और बचन मै पक्‍को बनाऐ रक्‍खै।

लूका 11:4

और हमरे पापौं कै माफ कर, कैसेकै हम बी उन सबकै माफ करैं हैं, जो हमरे खिलाप बुराई करैं हैं। और हमकै पाप मै ना पड़न दे।’”

मत्‍ती 5:37

पर तुमरी बात हाँ की हाँ, या ना की ना हो, कैसेकै जो कुछ इस्सै जादा होवै है बौ जो बुरो है बासै होवै है।

1 पतरस 5:10

अब परमेसर जो सिगरे किरपा को धनी है, जिसनै तुमकै मसी मै अपनी हमेसा की महिमा के ताँई बुलाओ है, तुमरो थोड़े देर को दुख सैहनै के बाद बौ खुदई तुमकै सिद्‍द, पक्‍के, सकतिसाली और तागत बारो बनागो।