2 थिसलुनीकियौ 3:2 - बुक्सा

² और पिराथना करौ कै हम बुरे और दुसट लोगौ सै बचे रैंह, कैसेकै परभु मै बिसवास सबई लोग ना करै हैं।

2 थिसलुनीकियौ 3:2 Referans Kwoze

रोमियो 15:31

जिस्सै मैं यहूदिया देस के अबिसवासिऔं सै बचो रौंह, और मेरी बौ सेवा जो ऐरूसलेम के ताँई है, बौ पबित्‍तर लोगौ कै अच्‍छी लगै।

रोमियो 10:16

पर उन सबई नै अच्‍छी खबर ना मानी। कैसेकै यसाया नबी कैबै है, “हे परभु, हमरी खबर मै किसनै बिसवास करो है?”

चेलौ के काम 28:24

कुछ लोगौ नै बाकी बातौं मै बिसवास करो और कुछ लोगौ नै बिसवास ना करो।

1 थिसलुनीकियौ 2:18

इसताँई हम तुमसै मिलनै के ताँई भौत कोसिस कर रए हे। मैं पौलुस खुद नै बी बेरमबेरा तुमरे धौंरे आनै की कोसिस करी। पर सैतान हमकै रोके रैहओ।

चेलौ के काम 14:2

पर जिन यहूदी लोगौ नै बिसवास ना करो, उन्‍नै गैर यहूदी लोगौ कै भड़काओ और उनके मनौ मै बिसवासी भाई लोगौ के खिलाप जैहर भर दओ।

चेलौ के काम 13:50

और यहूदी नेता लोगौ नै सैहर के कुछ ईमानदार लोगौ कै और बड़ी अच्‍छी भक्‍ति कन्‍नै बारी बईयरौं कै भड़काओ और उन्‍नै पौलुस और बरनबास के संग बुरो करबाकै दबाब बनबाकै उनकै बा इलाके सै बाहार लिकरबा दओ।

चेलौ के काम 13:45

पर भीड़ कै देक्‍कै यहूदी लोग जरल लगे और पौलुस की बात को बिरोद करल लगे और बाके खिलाप गलत बोलल लगे।

लूका 18:8

मैं तुमसै कैरओ हौं; परमेसर तुरन्‍त उनको फैसला करैगो; तौबी जब आदमी को लौंड़ा बापस आगो, तौ का धरती के ऊपर भौत लोगौ कै बिसवास करते देखैगो?”

मत्‍ती 23:23

“अरे कपटी सास्तरिऔं और फरीसिऔं! धिक्‍कार तुम लोगौ मै! तुम पोदीना, सौंप और जीरे को दसमो हिस्सा तौ देवौ हौ, पर नियम की खास बात नियाय, दया और बिसवास की बेजती करौ हौ। अच्‍छो तौ जौ हो कै तुम इनकै बी करते रैहते, और दैनै बारी बात कै बी ना छोड़ते।

मत्‍ती 17:17

ईसु नै कैई कै, “हे अबिसवासी और टेड़े लोगौ मैं कब तक तुमरे संग रैहंगो? कब तक तुमरी सैहंगो? बाकै हिंया मेरे धौंरे लाऔ।”

2 तीमुथियुस 4:17

पर परभु मेरे संग हो और बानै मैंकै हिम्मत दई और मैंकै जौ मौको दओ कै मैं बिना डरे जा पूरी खबर कै गैर यहूदी लोगौ कै सुना सकौं और तैनै मैंकै मौत के मौह सै बी बचाओ है।

1 कुरन्‍थियों 15:32

अगर मैं आम आदमी के हाँई इफिसुस के लोगौ सै लड़ौं जो जंगली जनाबरौ के हाँई हैं, तौ मैंकै का फाएदा भओ? जब मरे भए जिन्‍दे करेई ना जांगे, तौ आऔ और खाऔ-पिऔ, कैसेकै आज ना तौ कल मरनोई है।

चेलौ के काम 17:5

पर यहूदी लोग जौ सब देक्‍कै जरन सै भर गए। उन्‍नै बजार के कुछ बदमास लोगौ कै अपने संग ले लओ और सैहर मै भीड़ लगाकै दंगा करल लगे। बे यासोन के घर जाकै लड़ाई करल लगे। पौलुस और सीलास कै लोगौ के सामने लानै की कोसिस करी।

चेलौ के काम 25:27

कैसेकै किसी कैदी के ऊपर लगाए गए इलजाम के बारे मै बगैर चिट्‌ठी लिखे कैदी कै भेजनो, मैंकै गलत लगै है।”