2 थिसलुनीकियौ 3:14 - बुक्सा

¹⁴ जो कोई हमरी जा चिट्‌ठी की बातौं कै ना मानै है, तौ बासै चौकस और दूरई रैहईओ जिस्सै कै बाकै सरम आय।

2 थिसलुनीकियौ 3:14 Referans Kwoze

तीतुस 3:10

जो आदमी फूट डारै है बाकै एक दो दफै समजा-बुझाकै बासै अगल रैह,

1 कुरन्‍थियों 5:11

मेरो कैनै को मतलब जौ है कै अगर कोई बिसवासी भाई बईयरौं सै गलत काम कन्‍नै बारो, लालची, या मूरती पूजा कन्‍नै बारो, चुगली कन्‍नै बारो, सरापी या धोकेबाज है, तौ ऐंसे आदमी के संग मेल-जोल रखनो तौ दूर बाके संग रोटी बी ना खइओ।

2 थिसलुनीकियौ 3:6

ओ भईयौ और बहनौ, मैं तुमकै परभु ईसु मसी के नाम सै हुकम देवौ हौं कै जो बिसवासी लोग आलस करै हैं, और हमरी देई भई सिक्‍छा के हिसाब सै ना चलै हैं, उनसै दूर रौह।

1 थिसलुनीकियौ 4:8

इसताँई जो कोई जा आगियाँ कै ना मानै है, बौ आदमी की ना पर परमेसर की बेजती करै है, जो हमकै अपनी पबित्‍तर आत्‍मा देवै है।

फिलेमौन 1:21

तेरे ऊपर बिसवास करते भए, मैं तेकै जौ लिख रओ हौं। मैं जानौ हौं कै तेसै मैं जितनो कैरओ हौं, तू उस्सै बी जादा करैगो।

2 कुरन्‍थियों 10:6

और जब तुम पूरी तरीका सै हुकम माननै बारे बन जाऔ तौ तबई जो हुकम ना मानै हैं उनकै सजा दैनै के ताँई तईयार रौह।

2 कुरन्‍थियों 2:9

मैंनै परखनै के ताँई जे बात तुमकै लिखी हीं कै तुम उनमै खरे लिकरौगे कै ना, और मेरी बातौं कै मानौगे कै ना।

1 कुरन्‍थियों 5:9

मैंनै अपनी चिट्‌ठी मै तुमकै लिखो हो कै, बैबिचार कन्‍नै बारौ सै मेल-जोल ना रक्‍खौ।

रोमियो 16:17

ओ भईयौ और बहनौ, मैं तुम लोगौ सै बिनती करौ हौं कै जो सिक्‍छा तुमकै मिली है उस सिक्‍छा के बिरोद मै जो फूट डारै हैं, और ठोकर खबानै को काम करै है उन लोगौ सै दूर रौह।

मत्‍ती 18:17

अगर बौ उनकी बी ना मानै, तौ बिसवासिऔ की मंडली कै बता दे, पर अगर बौ बिसवासिऔ की मंडली की बी ना मानै, तौ तू उसकै पराए लोगौं और चुंगी लैनै बारो जैसो जान।

इबरानिओ 13:17

अपने अगुबौं की बात मानौ और बाके हक मै रैहईओ, कैसेकै बौ तुमरी जिन्‍दगी की चौकसी करै है कैसेकै उन अगुबौं कै परमेसर के सामने लेखो-जोखो दैनो है। बे जौ काम खुसी के संग करैं, ना की रो रो कै। अगर बे दुख सै करैं तौ तुमकै कुछ फाएदा ना है।

फिलिप्‍पीऔ 2:12

इसताँई हे मेरे पियारे दोस्तौ, जैसे तुम हमेसा मेरी बातौं कै बा टैम मानै करै हे जब मैं तुमरे संग हो, और अब जब मैं तुमरे संग ना हौं तौबी तुम माने करौ, और तुम डरते और कांपते भए अपनी अपनी मुक्‍ति कै पूरो करते जाऔ।

2 कुरन्‍थियों 7:15

जब बौ जौ याद करै है कै तुमनै बाको हुकम कैसे मानो और डर के संग इज्‍जत सै बाको कैसे सुआगत करो हो, तौ तीतुस को पियार तुमरे ताँई और बी जादा बढ़तो जावै है।

1 कुरन्‍थियों 4:14

मैं जौ बात तुमरी बेजती कन्‍नै के ताँई ना लिख रओ हौं, पर अपने पियारे बालक समजकै तुमकै चौकस कर रओ हौं।

कुलुसिऔं 4:16

और जब तुम जा चिट्‌ठी कै पढ़कै सुना दोगे; तौ तबई जौ लौदीकिया के बिसवासिऔ की मंडली मै बी पढ़कै सुनाई जाय, और बौ चिट्‌ठी जो लौदीकिया बारौ कै मैंनै भेजी ही बाकै तुम बी पढ़िओ।

तीतुस 2:8

और ऐंसो खरोपन पाओ जाय कै कोई उसकै बुरो ना कैह सकै, जिस्सै बिरोदी हमरे ऊपर कोई दोस लगानै को मौको ना पाकै सरमिन्‍दा हौं।

2 यहून्‍ना 1:10

अगर कोई तुमरे धौंरे आय, और जौई सिक्‍छा ना देए, तौ बाकै ना तौ घर मै आन देईओ और ना बाकै नमस्ते करिओ।